Ruma 3:9 - Ke meupiya ne tudtul mekeatag ki Hisu Kristu

⁹ Ne sikami se Hudiyanen, ne iyan niyu ve kunaan ke meupiya key pà dut te menge etew ne kenà Hudiyanen. Ugaid ne kenà benar. Su daan en ne impesabut ku keniyu te langun ne menge etew, Hudiyanen etawa kenà, ne elin ded ebeyvayaan te salà.

Ruma 3:9 ပူးပေါင်းရင်းမြစ်များ

Lucas 7:39

Nekita kayi te Peresiyu ne mid-inggat ki Hisus, ne ke hingginawa rin te, “Embiya benar ne ebpelambas te Lalag te Eleteala si Hisus ne egketuenan din ke engkey ini se meritan ne edsapu kandin wey ini se warà keeleran din!”

Ruma 1:18

Su impayag te Eleteala ke kegkeepes din dut te langun ne menge etew ne mid-ulaula te meraat wey mid-engkenà kandin. Su kayi te meraat ne ulaula ran ne nepekelangan dan ke ruma ran te kebpekesabut dut te penurù ne benar.

Ruma 11:32

Su ke Eleteala ne egkiyuhan din ne egkesebutan dut te langun ne menge etew te sikandan ne mekesesalà ne dait ne edusaan, su apey ebpesebutan keytew te ruen daat te nanam din te kebpesehad din te salà te langun ne menge etew.

Ruma 11:7

Ketà be ne nesebutan tew te kerekelan dut te kevuwaran ni Israyil ne warà dan metuen ke ralan te kebmetidtu ran diyà te etuvangan te Eleteala misan midsebenar dan perem te ebpemengà. Ugaid ne misan iring ketà, ne ruen ded nearam te Eleteala ne neketuen te ralan te kebmetidtu. Ne ke ruma kandan ne warà mibpeniniga dut te lalag te Eleteala su apey kenà dan merineg ke benar ne tudtul.

Ruma 2:1

Na sikiyu ne ed-isuhat dut te ruma ne menge etew ne ed-ulaula te meraat iring ketà ne med-uram kew. Warà kevenar niyu te ed-isuhat kandan su kenà egkepakey ne egkahi kew te warà salà niyu. Su embiya ed-isuhat kew kandan, ugaid ne mid-ulaula kew te meraat iring dut te mid-ulaula ran, ne timbang te sikiyu red se nesuhat elin kandan.

Ruma 3:1

Embiya ve iring ketà se igkeamung key red se menge Hudiyanen dut te menge etew ne kenà Hudiyanen te edusaan, ne engkey en be se atag din te kegkehudiyanen dey wey kebpemeetus dey?

Ruma 3:19

Na, nesebutan tew langun te iyan kinepesurat te Eleteala te penduan din su apey ke menge etew ne egkevehayan ketà ne ebperumaruma ran. Tembù be warà ralan te misan senge etew rà ne ebpekeparew ketà te kegkukum te Eleteala keytew su misan duen penduan te Eleteala kayi te keytew ne warà tew rumai.

Ruma 3:5

Kalu ke ruen menge etew ne iyan dan ebpegitungen ne egkepakey ne ed-ulaula ki te mereat su kayi ebpuun ne egkekita te menge etew te metidtu ke Eleteala su kenà iring keytew, ketà ne kenà dait ne edusaan te Eleteala ke menge etew ne ed-ulaula te meraat. (Ini ne mibeelan dà ne lempawi dut te etew kayi te ampew te dunya.)

Ruma 6:15

Kalu ke ruen menge etew ne iyan dan kunaan ke geina te kenà tew en edumaan ke penduan ni Moises ne misan ibpeiseg tew ke meraat ne ed-ul-ulaan tew enderayi ma su ruen en daat te nanam te Eleteala keytew. Ugaid ne kenà arà egkepakey!

Ruma 7:14

Netuenan tew te meupiya ke penduan te Eleteala su riyà ebpuun te kandin. Ugaid ne siaken ne geina te etew a rà ne ruen ded meraat ne netahù te hinawa ku, ne iring a te uripen su iyan ebayàbayà kedì ne ke salà ku.

1 Kurintu 10:19

Ne engketà ded ke menge etew ne edrenà te siparat diyà te kenà tidtu ne ebpengerapan, ne nekeamung dan dema te ebpengarap dut te kenà tidtu ne Eleteala. Ugaid ne ebpesebutan ku keniyu te warà iya lalew ran ketà. Ne ini se kenà tidtu ne ebpengerapan ne warà iya igketavang dan dut te menge etew ne edrenà te siparat diyà te kandan.

1 Kurintu 14:15

Na embiya iring ketà ne engkey se ed-ul-ulaan ku? Iring kayi. Ebpengeningeni a te Eleteala dut te lalag ne ibpekahi kedì dut te Kedesenan ne Ebpetuntul te Menusiyà, ugaid ne ebpengeningeni a rema te lalag ne egkesebutan ku. Ne egkanta a su edeyù te Eleteala te lalag ne ibpekahi kedì dut te Kedesenan ne Ebpetuntul te Menusiyà, ugaid ne egkanta a rema te lalag ne egkesebutan ku.

1 Kurintu 4:7

Embiya ruen diyà te keniyu nekesabut te muna pà dut te ruma rin, ne endei ebpuun ini se nesebutan dan? Engkey, ruen sinebutan dan ne kenà diyà ebpuun te Eleteala? Warà! Ne embiya iring ketà, ne meambe ke idekarak dan iring te sikandin ke ebpuunan ketà te nesebutan dan? Su langun te sinebutan niyu ne Eleteala rà se ebpuunan, kenà kayi te keniyu.

Gelasiya 3:10

Ugaid ke langun ne menge etew ne iyan dan edserihan te kebmetidtu ran te edtuman dut te penduan ni Moises, ne nekukum dan en te kedusa te Eleteala. Su ruen impesurat ne Lalag te Eleteala ne egkahi te, “Langun ne menge etew ne kenà edtuman dut te langun ne penduan ni Moises, ne edusaan te Eleteala.”

Gelasiya 3:22

Ugaid ne kenà egkepakey su ruen impesurat te Lalag te Eleteala ne egkahi te, “Warà etew kayi te ampew te dunya ne warà salà din su langun ne neiketan dut te salà din.” Ne benar arà. Ugaid ne egenat dut te sarig dan ki Hisu Kristu, ne egkevehayan dan te tavang ne impasad te Eleteala ne ini se umur ne warà edtemanan din.

Pilipus 1:18

Ugaid ne misan iring ketà, ne ebeleharen. Su meupiya meraat pà se ed-epasen dan asal ne ibpesabut dan ke Meupiya ne Tudtul mekeatag ki Hisu Kristu, ne ketà ne egkehalew a. Uya, ne warà mulà sanggel din se kegkehalew ku,