Ruma 3:26 - Ke meupiya ne tudtul mekeatag ki Hisu Kristu

²⁶ Ugaid ne guntaani ne warà ebpekedsalà ne kenà din edusaan su insuhù din ki Hisus te ibpeangkun kandin ke menge salà te langun ne menge etew su apey tew egketueni guntaani te ke Eleteala ne metidtu se kegkukum din. Ne misan engkey en ne etew ne mibperetiyaya te si Hisus ke mibpebpatey atag dut te salà din, ne ebpeseharen te Eleteala su riyà te etuvangan din ne iyan din kedtengteng kandan ne metidtu.

Ruma 3:26 ပူးပေါင်းရင်းမြစ်များ

Lucas 1:80

Ne nekeiseg-iseg en ke kerekelà te anak en ni Zacarias ne mid-iseg en dema ke ketau rin mekeatag te Eleteala. Guna su dekelà en sikandin ne mibpendiyan en te tanà ne kenà egkeubpaan te etew, ne ketà mid-ubpà taman te neuma ke hewii te kebpenurù din te menge kevuwaran ni Israyil mekeatag te Lalag te Eleteala.

Ruma 3:25

Su si Hisu Kristu ke imbehey te Eleteala ne mibpebpatey mekeatag te menge salà te langun ne menge etew. Ne impetudà din ke lengesa rin su apey ke langun ne ebperetiyaya kandin ne ebpeseharen din ke menge salà dan. Mid-ulaula ini te Eleteala su apey tew mesebuti te metidtu se kegkukum din kayi te midtuman din ke kedusa dut te salà tew. Su rengan ne iring te mibelahad din ke menge etew ne mibaal te salà su warà din sembuti te edusa sikandan ugaid ne midtigkeran din taman te midsuhù din si Hisu Kristu.

Ruma 3:27

Tembù be warà igkependantal tew te misan engkey ne ulaula tew ne meupiya. Kenà egkepakey ne egkahi ki te iyan tew kebmetidtu su midumaan tew ke penduan. Su kenà ke keduma tew rut te penduan ugaid ne sabap te kinesarig tew ki Hisu Kristu ne iyan kedtengteng te Eleteala keytew ne metidtu riyà te etuvangan din.

Ruma 3:30

Su sebseveka rà ke Eleteala, ne sikandin ke Eleteala dut te langun ne menge etew. Ne seveka rà se ralan te ebmetidtu ke langun ne menge etew su kayi rà ini ebpuun dut te kedsarig dan ki Hisu Kristu, Hudiyanen sikandin etawa kenà.

Ruma 4:5

Ugaid ne ke Eleteala, ne kenà ke meupiya ne ulaula tew se iyan din kedtengteng ne warà salà tew. Su warà ed-ul-ulaan tew ne igkevehey su apey tew idsambì te kebmetidtu tew diyà te etuvangan din, su ini ne sabap te daat te nanam din keytew ne ibehey rà dè duen. Ugaid ne sabap dut te kedsarig tew kandin ne iyan din kedtengteng keytew ne metidtu, su sabap dut te kebperetiyaya tew ne egkepesehad ke salà tew.

Ruma 8:33

Warà etew ne ebpekesumbung dut te sikitew ne mibpemilì te Eleteala, su riyà te etuvangan din ne iyan din kedtengteng keytew ne metidtu.

Imperayag 15:3

Ne egkanta ran te bayuk ni Moises ini se miduma te Eleteala rengan, wey ke bayuk dut te Nati te Bilibili, ke sikandan te, “Is Eleteala ne Kerenan dey ne rekelà se kebayàbayà nu. Langun ne ed-ul-ulaan nu ne rekdekelà wey mekegeyip. Sikuna se edatù dut te langun ne menge inged, ne metidtu wey nekesuhat ke langun ne ed-ul-ulaan nu.