Ruma 3:2 - Ke meupiya ne tudtul mekeatag ki Hisu Kristu

² Ugaid ne rekelà iya se atag din kayi te sikami ne Hudiyanen. Seveka en, ne sikami se midtehakan dut te penduan te Eleteala.

Ruma 3:2 ပူးပေါင်းရင်းမြစ်များ

Juan 5:39

Mibpengedian niyu ke lalag te Eleteala ne impesurat dengan su iyan niyu kunaan ke ketà kew ebpekehaked te umur ne warà edtemanan din. Ne langun ne impesurat ketà ne edlalag mekeatag kedì.

Nenged-ulaula 7:38

Si Moises ini,” ke si Esteban, “ne dutun en dema te nevurun ne menge keep-epuan tew diyà te tanà ne kenà egkeubpaan te etew. Ne sikandin se ebpekidlalag dut te suluhuen te Eleteala riyà te buvungan ne ed-ingaranan te Sinai. Ne sikandin ini se neketelimà te lalag egenat te Eleteala ne warà kegkepupus din su apey rin ibehey kenitew.

Ruma 1:2

Ne ini se Meupiya ne Tudtul ke impasad te Eleteala rengan. Ne impesabut din dut te menge etew ne ebpelembas te lalag din te ibpesurat din dut te Berekat ne Riberù ne mibpesuratan kandan.

Ruma 2:18

Netuenan niyu ke kiyug te Eleteala keniyu, ne nesebutan niyu en ke engkey se meupiya ne ed-ul-ulaan su riyà te penduan se kinesebuta niyu kayi.

Ruma 3:1

Embiya ve iring ketà se igkeamung key red se menge Hudiyanen dut te menge etew ne kenà Hudiyanen te edusaan, ne engkey en be se atag din te kegkehudiyanen dey wey kebpemeetus dey?

Ruma 3:3

Ne benar ne ruen menge ruma rey ne Hudiyanen ne warà mebperumaruma te penduan te Eleteala. Ugaid ne kenà egketuen te wagib te kenà egkeserihan ke Eleteala te edtuman dut te impasad din dengan.

Ruma 9:4

Su rekelà se tavang te Eleteala ne impekita rin kandan su rengan ne mibpemilì te Eleteala ke menge kevuwaran ni Israyil ne egkevaluy ne menge anak din, ne sikandan ke mid-anak-anak te Eleteala ne diyà te kandan ne impekita te Eleteala ke kenà egkeseupama ne raman din. Mibaal sikandin te neupakatan te kedtavang kandan, ne imbehey rin kandan ke penduan din, ne sikandan ne mibpenurù din te ralan te kebpenenangur dan kandin, ne merakel se impasad din kandan.

1 Kurintu 9:17

Embiya kediey rà ne kiyug se kebpemesabut ku te Meupiya ne Tudtul mekeatag ki Hisus ne kenà ibpehelevek kediey te Eleteala, ne dait ne ebpenareng a te sukey ku. Ugaid ne geina te insarig kediey te Eleteala ini ne helevek, ne edtumanen ku su insarig din kediey.

2 Kurintu 5:19

Iyan dey ibpemesabut ne midsuhù te Eleteala si Hisu Kristu su apey ruen dalan te kebpesehad din te menge salà tew su apey ebpekidseveka kiyu kandin. Ini se Meupiya ne Tudtul ne insarig din kenami te kebpemesabut diyà te menge etew.

Gelasiya 2:7

Benar, ne warà insawey ran te impenurù ku. Su riyà te itungan dan ne insarig kedì te Eleteala te ebpemandù dut te Meupiya ne Tudtul mekeatag ki Hisus riyà te menge etew ne kenà Hudiyanen, iring dut te kinesarig din ki Pedro pehaney te ebpenurù mekeatag ki Hisus riyà te menge Hudiyanen.

1 Timoteo 6:20

Na Timoteo, tugenura nu ke kebpenurù nu ne insarig te Eleteala kenikew. Kenà nu ed-emungi ke menge etew ne ebpengasak te lalag ne kenà ebpekesuhat te Eleteala wey ebpelewlewaney te warà rantek din. Su iyan dan kunaan ne metau ran, ugaid ne ke lalag dan mekeatag te Eleteala ne kenà benar.

Hibruhanen 5:12

Iyan perem dait ne sikiyu se ebpemandù dut te menge ruma niyu su neuhet kew en ne mibpemandù, ugaid ne warà kepekayan din. Inemulà se iyan din pà dait ne edseupan kew pà maa te ebpenurù su misan ke neuna ne penurù mekeatag te Eleteala ne kenà niyu pà egkesebutan. Iring kew te menge vatà ne kemulu pà ne edsusu su kenà pà egkepakey ne egkaan te mekehal.

1 Pedro 4:11

Embiya ruen keyta ne nevehayan te ketau te ebpesabut se Lalag te Eleteala, ne iyan iya se edtentenuran din te ini se Lalag te Eleteala ne ibpesabut din. Ne embiya ruen ketau ta te edtavang te menge ruma ta, ne iyan iya se kenà ta egkelipatan ne ini se kevaher ta te edtavang ne riyà ebpuun te Eleteala. Piya engkey en ne helevek ne imbehey keyta te Eleteala ne ebeelan ta, ne iyan iya se ed-ey-eyaran ta te ebaal egenat dut te tavang ne ebpuun ki Hisu Kristu su apey Eleteala se edeyuen dut te menge etew. Su sikandin dà se edait ne edeyuen, ne sikandin dà se warà ebpekerepeng dut te gehem din taman te taman.

Imperayag 19:10

Ne midlumpeng ad diyà te sineruwan din su ebpengarap a kandin. Ugaid ne midawey a nikandin se egkahi te, “Kenà ka ebpengarap kediey. Iyan dait ne ebpengerapan nu ne ke Eleteala rà su siaken ne seveka a ne sugsuhuen te Eleteala iring kenikew wey ke menge ruma nu ne eduma rut te benar ne tuluuwen ne impesabut ni Hisus.” Su ini se benar ne tuluuwen ne impesabut din ne ini rema ke impenurù dut te ebpelambas te Lalag te Eleteala.

Imperayag 22:6

Ketà ne migkahi ke suluhuen te Eleteala kediey, ke sikandin te, “Langun ne menge lalag ne nerineg nu ne benar iya ne egketuman en. Su ke Kerenan ne Eleteala ne mibpelumunan din dut te Kedesenan ne Ebpetuntul te Menusiyà arà se menge mibpelambas te Lalag din dengan ne sikandin se midsuhù te suluhuen din kayi te kediey su apey a ebpesabut dut te langun ne menge sakup din ke engkey se mehaan en ne egked-ulaula.”