Ruma 2:2 - Ke meupiya ne tudtul mekeatag ki Hisu Kristu

² Netuenan ta te kegkukum dut te Eleteala te iring kayi ne menge ulaula ne metidtu.

Ruma 2:2 ပူးပေါင်းရင်းမြစ်များ

Nenged-ulaula 17:31

Su ruen en intail te Eleteala ne hewii keuremà te edtimbangen din ke langun ne menusiyà. Ne metidtu se kedtimbang kayi ne etew ne nepemilì din ne edtimbang. Ne impekilala rin dut te langun ne etew te ini se nepemilì din su mibanew rin.”

Ruma 2:1

Na sikiyu ne ed-isuhat dut te ruma ne menge etew ne ed-ulaula te meraat iring ketà ne med-uram kew. Warà kevenar niyu te ed-isuhat kandan su kenà egkepakey ne egkahi kew te warà salà niyu. Su embiya ed-isuhat kew kandan, ugaid ne mid-ulaula kew te meraat iring dut te mid-ulaula ran, ne timbang te sikiyu red se nesuhat elin kandan.

Ruma 2:3

Ugaid ne sikiyu, menge suled, ne ed-ulaula kew red dema te mereatey iring dut te id-isuhat niyu te ruma ne menge etew, tembù be kunaan niyu ke ebpekeliyu kew rut te kedusa te Eleteala keniyu.

Ruma 2:5

Ugaid ne sikiyu, ne warà kew mebpedsendit su meresen se ulu niyu. Tembù be ed-iseg pà se kevahat din te idusa keykew te Eleteala ketà te hewii ne ibpayag din ke kegkeepes din, ne arà ded ne hewii ne egketuenan te kegkukum din ne metidtu.

Ruma 9:14

Embiya iring ketà ne kalu ke ruen egkahi te kenà metidtu ke Eleteala te ralan te kebpemilì din su ruen ebpelebiyen din. Kenà arà!

Imperayag 16:5

Ne nerineg ku ke lalag dut te suluhuen te Eleteala ne edtuganur te menge wayig ne migkahi te, “Is, Eleteala, sikuna rà ke ed-ulaula te metidtu nevenar. Sikuna ne daan en te warà pà limbaha ke misan engkey en, ne kemulu pà sikuna taman guntaan, ne ke kedusa nu ne nekeuma kayi te ini ne menge etew ne metidtu nevenar.

Imperayag 19:2

Su ini se kegkukum din ne metidtu wey egkeserihan. Ne midusa rin ayan se mevantug ne tengerihen ne meritan, su mibpearig sikandin te langun ne menge etew te dunya te ebpeamung te meraat ne ed-ul-ulaan din. Midusa en sikandin te Eleteala, su mibpeimetayan din ke menge etew ne miduma en te Eleteala.”