Ruma 2:18 - Ke meupiya ne tudtul mekeatag ki Hisu Kristu

¹⁸ Netuenan niyu ke kiyug te Eleteala keniyu, ne nesebutan niyu en ke engkey se meupiya ne ed-ul-ulaan su riyà te penduan se kinesebuta niyu kayi.

Ruma 2:18 ပူးပေါင်းရင်းမြစ်များ

Lucas 1:4

Idsurat ku ini su apey nu metueni en iya te benar ini langun se impenurù keykew.

Lucas 12:47

“Ke edsugsuhuen ne netuenan din ke insarig kandin ne helevek,” ke si Hisus, “ugaid ne warà mebpenehana wey warà medtuman dut te insarig kandin ne ebpeketimaran te ebadas.

Juan 13:17

Embiya egkesebutan niyu en ini se penurù ku keniyu, ne igkehalew niyu nevenar ke egkerumaan niyu!

Ruma 15:4

Ne netuenan tew te langun ne impesurat ne Lalag te Eleteala rengan ne keytew ne keupianan su apey ki egkepenurù. Su ini se impesurat ne lalag din ne ini se ebpeketavang keytew te kebmetigker tew ketà te kemeresayan tew, wey idtihel te hinawa tew gewii te kedtahad tew rut te ebpenerengen tew keuremà.

Ruma 2:19

Iyan niyu pegitungan ne sikiyu se ebpekepenurù dut te menge etew ne warà pà mekesabut te Eleteala, ne sikiyu se ebpekevehey te rayag dut te ralan te menge etew ne iring te nepisek su nerusireman pà ke itungan dan.

Pilipus 1:10

Ne ketà be ne egketuenan niyu en ke iyan pà meupiya ne ulaula niyu ne ebpekesuhat te hinawa rin. Su apey ketà te kedlived ni Hisus ne warà en ibenar keniyu su warà meraat ne nekesawug te ulaula niyu.

1 Tiselunika 5:21

ugaid ne surimana niyu embiya benar ne ebpuun ini diyà te Lalag te Eleteala, ne dumai niyu ke langun ne meupiya,

Hibruhanen 5:14

Ugaid ke etew ne nekekaan en te mekehal ne ke etew ne midsukud en ne midtua en se itungan din, su netuenan din en te kebpedsusuna rin dut te meraat wey meupiya ne ed-ul-ulaan din.

Santiago 4:17

Tentenuri niyu ini se egkehiyen ku te embiya ruen etew ne netuenan din ded ke engkey se kiyug te Eleteala kandin ugaid ne warà din ul-ulaa, ne nekedsalà sikandin diyà te etuvangan te Eleteala.