Ruma 2:10 - Ke meupiya ne tudtul mekeatag ki Hisu Kristu

¹⁰ Ugaid ne langun te menge etew ne ed-ulaula te meupiya ne ebpekelusud diyà te ed-ubpaan te Eleteala ne kenà igkeupama se keupiya rin. Ne ketà dan egkekita te nekesuhat dan te hinawa te Eleteala ne riyà dan egketelimà ke kebmelintad te hinawa ran, ne elin ke menge Hudiyanen wey kenà Hudiyanen.

Ruma 2:10 ပူးပေါင်းရင်းမြစ်များ

Mateo 10:13

Ne embiya edtelimaen kew rut te etew ketà te valey, ne ke kinepenuvadtuvad niyu ne egketuman ketà te kandan. Ugaid ne embiya kenà dan edtelimà keniyu, ne ke kinepenuvadtuvad niyu ne keniyu red.

Lucas 1:79

Ebpekereyahen te Eleteala ke kerusireman tew su apey kenà kiyu en ed-elungen te kepepatey; su apey langun tew ne melintad se kegingginawa.”

Lucas 12:37

Meupiya nevenar se hinawa rut te menge edsugsuhuen ne neumaan dut te ebpengemuney kandan ne warà midlipereng su mid-andam neraan. Igkahi ku keniyu ini,” ke si Hisus, “se ini se ebpengemuney ne edsembian din ke belegkas din ne ebpepinuuwen din sikandan diyà te egkeenan ne ebpehendaran sikandan.

Lucas 19:42

Ke sikandin te, “Embiya perem netuenan niyu rà ke engkey se benar ne kebmetidtu su apey melinew se inged niyu, ugaid ne guntaani ne kenà niyu egketuenan.

Lucas 22:14

Guna su arà en ke kedlavung dan ne mibpinuu si Hisus wey ke menge edumdumaan din ne ed-ingaranan te apustulis su egkaan.

Lucas 9:48

Ne migkahi en te, “Misan engkey ne etew se edtelimà te vatà iring kayi su atag te keduma rin kediey, ne midtelimà dema sikandin kediey. Ne misan engkey ne etew ne edtelimà kediey, ne kenà siak dà se midtelimà din su misan ke Amey ku ne Eleteala ne midsuhù kediey ne midtelimà din dema. Su misan engkey en keniyu se kevevaan su sabap te egkesuhùsuhù te menge ruma rin, ne sikandin ke tidtu ne mepurù keniyu.”

Juan 12:26

Su ke etew ne egkiyug ne eduma te penurù ku,” ke si Hisus, “ne iyan din ibpeuna te hinawa rin te ked-iniyug din te kandin ne kiyug su apey mekeruma kedì, ne piya endei a ne ketà dema ke edsugsuhuen ku. Ne ke etew ne edtuman te penurù ku, ne egkereyù te Amey ku ne Eleteala.”

Juan 14:27

Uya, misan ed-ewaan ku en sikiyu, ne edtahakan ku sikiyu te kebmelintad te hinawa niyu. Ini se kebmelintad te hinawa niyu ne ibehey ku keniyu ne kayi ebpuun te kediey. Ke menge etew kayi te ampew te dunya ne kenà ebpekevehey te kelintad ne iring kayi, ketà be ne kenà kew meuru, ne kenà kew meandek.”

Juan 16:33

“Langun kayi ne migkahi ku keniyu,” ke si Hisus, “su apey ebmelintad ke hinawa niyu te kebpekidseveka niyu kediey. Su kayi te ampew te dunya ne edresayen kew te menge etew ne ed-engkenà kediey. Ugaid ne misan iring ketà ne kenà niyu ebpilaya ke hinawa niyu, su netalew ku en ke datù te pekaid ne migkamal kayi te ampew te dunya!”

Nenged-ulaula 10:35

su ke etew te misan endei ne inged ke embiya ed-edatan din ke Eleteala wey metidtu se ulaula rin ne edtelimaan dut te Eleteala.

Ruma 14:17

Su kenà iyan Edetuan te Eleteala keytew ne mekeatag dà te egkeenen wey ed-inumen, ugaid ne mekeatag te kebmetidtu te ulaula tew, mekeatag te kebmelintad te hinawa tew, wey ke kegkehalew te hinawa tew ne riyà ebpuun te Kedesenan ne Ebpetuntul te Menusiyà.

Ruma 15:13

Ne ke Eleteala se ebpuunan te langun ne keupianan ne ebpenerengen tew, ne kiyug ku ne menu ma ke mevehayi kew nikandin te rekelà ne kehelawan wey ke kebmelintad te hinawa niyu. Su embiya iring ketà se egked-ulaula, ne ke kedsarig niyu kandin mekeatag te ebpenerengen niyu ne ebmevag-et riyà sabap dut te gehem te Kedesenan ne Ebpetuntul te Menusiyà.

Ruma 2:7

Ruen menge etew ne iyan dan ebpeisehen ne ke meupiya ne ed-ul-ulaan, su iyan netahù te itungan dan ne egkeuma ke hewii ne ebpekelusud dan en diyà te ed-ubpaan te Eleteala ne kenà igkeupama se keupiya rin. Ne ketà dan egkekita se nekesuhat dan te hinawa te Eleteala, ne riyà dan en ebpekeubpà taman te taman. Su ketà dan en egketelimà ke umur dan ne warà edtemanan din.

Ruma 2:9

Uya, edusaan wey edresayen ke langun ne menge etew ne ed-ulaula te meraat, ke menge Hudiyanen wey kenà Hudiyanen.

Ruma 5:1

Na keta ne netuenan tew te riyà te etuvangan te Eleteala ne iyan din kedtengteng keytew ne metidtu kiyu sabap dut te kebperetiyaya tew ki Hisu Kristu. Ne kayi te kebpebpatey ni Hisus ne melintad en se hinawa tew su neawà ke epes te Eleteala mekeatag dut te salà tew.

Ruma 8:6

Su embiya iyan netahù te itungan te etew se kandin dà ne kiyug ne meraat, ne iyan din egketemanan ne edusaan te kemetayen ne warà edtemanan din. Ugaid ne embiya iyan netahù te itungan din ne ke kiyug dut te Kedesenan ne Ebpetuntul te Menusiyà ne iyan din egketemanan ne ruen kegkeuyag din wey kelinew te hinawa rin.

Ruma 9:21

Su iring te etew ne ebpendiyun ne sikandin se ebayàbayà ke ebmemenuwen din te ebpebparas ke menge ediyunen din. Su embiya ediyun sikandin te seveka ne ebpebperasen din te meupiya su edeyreyanan, ne ke seveka ne iyan din dà kediyun ne kuren dà dè duen, ne kandin dà ne bayàbayà.

Ruma 9:23

Iyan din kinetigker kandan su apey langun tew ne ebpekesabut te urar sikandin te keupianan dut te menge etew ne egkeyruwan din, su ke menge etew ne egkeyruwan din ne ebpenehanaan din te ked-ubpà diyà te kandin ne keupianan keuremà.

Gelasiya 5:22

Melemu tew rema ne egkekilala ke ulaula te etew ne egkepeneheewit dut te Kedesenan ne Ebpetuntul te Menusiyà. Su ke etew ne egkepeneheewit te Kedesenan ne Ebpetuntul te Menusiyà ne melimù te ruma rin, mehalew sikandin, melintad se hinawa rin, metigker te ruma rin, metiyakapen te ruma rin, metulanged te ruma rin, egkeserihan te ruma ne etew,

Gelasiya 5:6

Su embiya egkeseveka ki ki Hisu Kristu, ne kenà ke kebpeetus ta etawa ke kenà ta kebpeetus se dalan ne ebmetidtu key riyà te etuvangan te Eleteala. Ugaid ne iyan kiyug te Eleteala ne ibpekita ta te benar se kedsarig tew ibpepevayà te kebpelimlimuey.

Pilipus 4:7

Embiya arà se ed-ul-ulaan niyu ne ebehayan kew te Eleteala te merinew ne itungan, ne arà se kerinew ne ibehey rin ne kenà egkesagkew te itungan dà te etew. Ini se ed-ul-ulaan te Eleteala su ebentayan kew nikandin apey warà meraat ne ebpeketuvù diyà te itungan niyu sabap dut te mibpekidseveka kew ki Hisu Kristu.

1 Timoteo 1:17

Ne edeyrey kiyu ve te Eleteala taman te taman su sikandin dà se Eleteala. Ne sikandin se ebayàbayà te langun taman te warà ketepusan din. Kenà sikandin egkekita su rengan ne daan en sikandin su warà rudsuan din ne warà kemetayen din.

Hibruhanen 2:7

Su pehaney ne mibeelan nu sikandan ne mevavà pà dut te menge suluhuen. Ugaid ne mehaan dà ini; su ibpepurù nu en sikandan te egkereyù wey egkeedatan

Santiago 2:22

Kayi ta ve imbe egketueni se tidtu se peretiyaya ni Abraham su impekita rin kayi te mid-ulaula rin. Ne ini ve se kineduma rin dut te kiyug te Eleteala se kinemevaher te sarig din.

Santiago 3:13

Ne embiya ruen etew riyà te keniyu ne metampas wey dekelà se netuenan din, ne iyan meupiya se ibpekita rin ini se egenat te meupiya ne ed-ul-ulaan din ne edumaan te kebpeembavà te hinawa rin. Su kayi ve imbe egkekita se dekelà se netuenan din.

1 Pedro 1:7

Su ini se keresayan ne iyan ibpenggeram rut te kebperetiyaya niyu embiya meilut etawa kenà. Su misan bulawan ne ebpenggeraman diyà te apuy su apey egkevaluy ne lunsey ne bulawan ne warà sawug din, ne ini se bulawan ne edsahad dà. Ugaid ne muna pà ne belielehà ini se kebperetiyaya niyu rut te bulawan. Tembù be embiya meilut pà se kebperetiyaya niyu rut te kebpenggerami te keresayan ne ebpekeuma riyà te keniyu, ne egkereyù kew wey ibpurù kew te Eleteala ketà te hewii ne edlived si Hisu Kristu kayi te ampew te dunya.

1 Pedro 5:4

Su ketà te kedlived ni Hisu Kristu kayi, ne iyan mepurù ne tumetuganur, ne ebpekeamung ki dut te ed-andlag ne raman te kebpepurù kandin ne kenà egkurang ke raman din.