Ruma 16:6 - Ke meupiya ne tudtul mekeatag ki Hisu Kristu

⁶ Idlakit niyu rà ki Maria ini se penginginsà ku kandin, arà se migelevek te mevaher te kedtevangi keniyu.

Ruma 16:6 ပူးပေါင်းရင်းမြစ်များ

Mateo 27:55

Ne ruen dema ketà merakel ne menge meritan ne miduma ki Hisus ne egenat te Geliliya ne midtavang kandin. Ed-it-itindeg dan ini diyà te malù meriyù su edtengteng kandin.

Mateo 5:47

Ne embiya iyan niyu rà edsehipaan ke menge sepakat niyu, ne engkey se kegkereyui keniyu? Warà! Su misan ke menge etew ne kenà ebperetiyaya te Eleteala ne ed-ulaula red dema te iring ketà.

Ruma 16:12

Ne ibpesampey e rà nikiyu riyà te ki Tripina wey ki Tripusa, ke menge mehiedgied ne sugsuhuen ni Hisu Kristu ke Kerenan tew. Ne ibpesampey e red nikiyu riyà te ki Persida, ke megeget ne sepekat ku ne rekelà se neveelan din te kedtumana rin dut te mibpeveelan kandin ni Hisu Kristu ke Kerenan tew.

Ruma 16:5

Ne idlakit niyu rema ini se penginginsà ku rut te menge etew ne mibperetiyaya ne riyà egkevurun te valey ran su ebpengarap dan te Eleteala. Ne idlakit niyu red dema ini se penginginsà ku riyà te igkelimù ku ne sepekat ku ne si Ipinitu, su sikandin ke neuna ne etew ne mibperetiyaya ki Hisu Kristu keniyan te lusud te Asiya.

Ruma 16:7

Idlakit niyu rà dema ini se penginginsà ku ki Andruniku wey si Huniyas, menge ruma ku ne Hudiyanen te nevilanggù. Ne egkeedatan nevenar sikandan dut te menge kedserihan ni Hisus, ne sikandan pà se neuna ne mibperetiyaya kenà siaken.

1 Tiselunika 5:12

Ne ini pà se ebuyuen ku keniyu, menge suled, edati niyu ke menge etew ne egelevek keniyan te keniyu ne pekilukesen. Su sikandan se nepemilì te Eleteala ne ebpeneheewit wey ebpenurù keniyu mekeatag te keduma niyu ki Hisus.

1 Timoteo 5:10

Iyan dà egkepakey ne valu ne ke ed-edatan su meupiya ke helevek din iring be te kinepeneheewit din te meupiya te menge anak din, kinetirapan din te ebpekaan dut te menge etew ne sumeseharey, kinetavang din te menge etew ne mibperetiyaya te Eleteala, labi en ke menge etew ne ebpekeanuyanuy te kerehenan wey misan engkey en ne ketulengeran din ne impekita rin diyà te menge ruma rin.