Ruma 16:3 - Ke meupiya ne tudtul mekeatag ki Hisu Kristu

³ Ne ibpesabpet niyu rà ini se penginginsà ku riyà te ki Priscila wey ki Ekila, su menge ruma ku sikandan te egelevek ki Hisu Kristu.

Ruma 16:3 ပူးပေါင်းရင်းမြစ်များ

Nenged-ulaula 18:26

Ne ketà te kebpenurù din diyà te baley ne ebpengedian te menge Hudiyanen ne kenà edsanggel se edlalag. Nerineg ni Priscila wey Akila ini se kebpenurù din, ne nesebutan dan te ruen pà warà din metueni. Ne miduma ran sikandin diyà te baley ran ne mibpenurù dan sikandin mekeatag dut te penurù ni Hisus ne warà din pà metueni.

Ruma 16:10

Ibpesampey niyu rà ini se penginginsà ku ki Epilis, arà se impekita rin ke sarig din ki Hisu Kristu diyà te langun. Ne igkahi niyu rà ini rema riyà te telteleanak ne ensi Eristubulu.

Ruma 16:4

Ne sabap dut te kedtevangi ran kediey ne warà dan isepayan ke ebpatey ran. Ne rekelà be se kebpeselamat ku kandan, ne kenà siaken dà su misan ke langun ne kenà menge Hudiyanen ne mibperetiyaya en ne ebpengarap kayi ne rekelà ded dema se kebpeselamat dan.

Ruma 16:7

Idlakit niyu rà dema ini se penginginsà ku ki Andruniku wey si Huniyas, menge ruma ku ne Hudiyanen te nevilanggù. Ne egkeedatan nevenar sikandan dut te menge kedserihan ni Hisus, ne sikandan pà se neuna ne mibperetiyaya kenà siaken.

Ruma 16:9

Ibpesampey niyu rà ini se penginginsà ku ki Urbano ke ruma ku te egelevek ki Hisu Kristu, wey si Istakis rema ke megeget ne sepekat ku.

Ruma 8:1

Sikitew ne mibpekidseveka en ki Hisu Kristu, ne warè en kedusai keytew te Eleteala te kemetayen ne warà edtemanan din.

Ruma 8:11

Ke Eleteala ne mibanew ki Hisu Kristu. Ne iring ketà se egketemanan niyu su embiya diyà ed-ubpà te hinawa niyu ke Kedesenan ne Ebpetuntul te Menusiyà ne midsuhù din, ne ebenawen kew red dema nikandin su atag dut te Kedesenan ne Ebpetuntul te Menusiyà ne ed-ubpà te hinawa niyu.

Ruma 8:2

Su sabap dut te sarig tew te neseveka ki ki Hisu Kristu, ne ruen behu ne kegkeuyag ne imbehey keytew te Kedesenan ne Ebpetuntul te Menusiyà. Tembù be impeliyu ki en nikandin dut te salà ne mibayàbayà te lawa tew su apey kenà kiyu en edusaa te kemetayen ne warà edtemanan din.

1 Kurintu 16:16

Tembù be, menge suled, ebuyuen ku keniyu ne dumai niyu ke lalag dut te etew ne iring ketà wey misan engkey ne ruma ran ne edtavang te ibpehelevek kandan.

1 Kurintu 16:19

Ne ebpenginginsà keniyu ke langun ne mibperetiyaya kayi te langun ne inged te lusud te inged ne Asiya. Ne ebpenginginsà rema keniyu si Ekila ki Prisila abpeg din ke langun ne mibperetiyaya ki Hisus ne egkevurun diyà te valey ran kayi te Ipisu, su uman kew ran dà egkepegitung su sabap dut te kebpekidseveka niyu ki Hisus.

2 Kurintu 12:2

Nekedsepulù wey epat ne rahun en egenat ketà ne nevatun a riyà te langit ne ke ed-ubpaan te Eleteala. Ne warà ku metueni ke himukud ku rà se nevatun etawa nekeruma ke lawa ku. Eleteala rà se netau ketà.

2 Kurintu 5:17

Su ke etew ne mibpekidseveka en ki Hisu Kristu ne midsambì en dut te daan ne ulaula te behu ne ulaula rin. Su iring maa te arà pà ne midlimbag sikandin te Eleteala su mibehayan en te behu ne itungan.

Gelasiya 1:22

Ugaid ne arà ne hewii ne warà e pà mekilala dut te menge mibperetiyaya riyà te inged ne Hudiya, su warà e pà nikandan nekita.

Pilipus 2:25

Ugaid ne ini se suled tew ne si Ipapruditu ne ibpeulì ku en te mehaan. Sikandin ini ne iring en iya te tidtu ne ari ku su midtavang sikandin kedì te kebpekibunù ki Setanas dut te kebpesabut dey rut te Meupiya ne Tudtul, ne sugsuhuen niyu sikandin ne impepengkayi niyu te edtavang kediey.

Kulasi 4:11

Si Josue ini se ed-ingaranan dema ki Jestis ne ebpenginginsà dema keniyu. Kayi te langun ne Hudiyanen ne mibperetiyaya kayi ne ini rà se tetelu, si Aristarkus, si Marcos, wey si Josue se midtavang kedì te ebpesabut mekeatag te Edetuan te Eleteala. Ne nehalew se hinawa ku kayi te dekelà ne tavang dan.

2 Timoteo 4:19

Menu ensi Priscila wey si Akila wey en si Unisipiru langun dan te telteleanak?