Ruma 16:20 - Ke meupiya ne tudtul mekeatag ki Hisu Kristu

²⁰ Ne ke Eleteala ne ebpuunan te kebmelintad te hinawa tew ne kenà dà meuhet ne edtekutaken din si Setanas ke datù te pekaid. Iyan ku kiyug ne menu ma perem ke ibpekita rut te Kerenan tew ne si Hisu Kristu ke daat te nanam din keniyu.

Ruma 16:20 ပူးပေါင်းရင်းမြစ်များ

Mateo 4:10

Ne migkahi si Hisus te, “Awà ka kayi, Setanas! Duen impesurat ne Lalag te Eleteala ne egkahi te, ‘Iyan niyu rà erapa ne Kerenan ne Eleteala niyu, ne sikandin dà se edsenguren niyu.’ ”

Lucas 10:19

Tentenuri niyu te mibehayan ku en sikiyu te gehem su apey misan ebpekehiek kew te uled etawa awa ne kenà kew egkevisaan. Kenà kew egketalew rut te kevaher te datù te pekaid, ne warè en ebpekekaid keniyu.

Ruma 15:33

Iyan ku kiyug ne menu ma perem ne ke Eleteala ne ebpuunan dut te kebmelintad te hinawa tew ne ebpekiduma keniyu. Ne egketuman ini.

Ruma 16:23

Si Gayu ne ebpenginginsà rema keniyu. Sikandin ke ebpeketuganur kediey su riyan a ed-ubpà te baley rin ne egkevurunan dut te ruma tew ne mibperetiyaya. Ne si Irastu ke edtuganur te kureta kayi te inged ini, wey ke suled tew te ebperetiyaya si Kuwartu ne ebpenginginsà rema keniyu. [

Ruma 16:24

Ne langun niyu riyà, ne iyan ku kiyug ne menu ma perem ke ibpekita rut te Kerenan tew ne si Hisu Kristu ke daat te nanam din keniyu. Ne egketuman ini.]

Ruma 8:37

Ugaid ne misan egkerasey ki iring ketà ne kenà ki ebpetalew, su iyan ki red ebpeketavan su atag dut te gehem ni Hisu Kristu ke nelimù keytew.

1 Kurintu 16:23

Ne iyan ku kiyug ne ebpeneuven kew perem ni Hisu Kristu ke Kerenan tew.

2 Kurintu 13:14

Ne kiyug ku perem ne egkeheram niyu ke tavang ni Hisu Kristu ke Kerenan tew, wey ke limù te Eleteala keniyu, wey ke kebpekidseveka niyu rut te Kedesenan ne Ebpetuntul te Menusiyà ne ed-ubpà diyà te keniyu. Arà dà taman. Pablo

Gelasiya 6:18

Menge suled, iyan ku ebpengeningeniyen ne ebpeneuven kew ni Hisu Kristu ke Kerenan tew. Ini rà taman. Pablo

Pilipus 4:23

Iyan ku ebpengeningeniyen keniyu ne ebpeneuven kew langun ni Hisu Kristu ke Kerenan tew. Taman dà ketà ke egkehiyen ku. Pablo

1 Tiselunika 5:28

Iyan dey egkiyuhan ne ebpeneuven kew dut te Kerenan tew ne si Hisu Kristu. Arà dà taman. Pablo

2 Tiselunika 3:18

Iyan dey egkiyuhan ne menu ma perem ke ebpeneuven kew dut te Kerenan tew ne si Hisu Kristu. Arà dà taman. Pablo

2 Timoteo 4:22

Iyan ku kiyug ne layun ka rumai ni Hisu Kristu ke Kerenan tew, ne langun niyu ne ebpekeheram te tavang ne riyà ebpuun te Eleteala. Arà dà se edlelehan ku. Pablo

Filemon 1:25

Iyan ku kiyug ne langun niyu ne ebpekeheram te tavang ne riyà ebpuun te Kerenan tew ne si Hisu Kristu. Arà dà taman. Pablo

1 Juan 3:8

Ugaid ke etew ne idlaus din ke ked-ulaula rin te meraat, ne si Setanas ke datù te pekaid se ebayàbayà kandin su igenat dà te rudsuan din dà te ini se kelibutan ne iyan ed-ul-ulaan ni Setanas ne ke meraat. Tembù be mibpengkayi te dunya ke Anak te Eleteala su apey egketalew rin ini se gehem te ulaula ni Setanas.

Imperayag 12:10

Dutun ne ruen nerineg ku ne midlalag te merahing diyà te langit ne migkahi te, “Ini en ke hewii te kebpeliyu rut te Eleteala te langun ne menge etew, ne impekita en te Eleteala ke gehem din te edatù. Ne iring ded dema ke Impasad din ne Ebperetuen te langun, ne impekita ke baher din te edatù. Su impeawà din si Setanas diyà te langit, arà se egkunterà te menge ruma ne mibperetiyaya diyà te dunya, su merukilem meandew ne edsumbung kandan diyà te etuvangan te Eleteala.

Imperayag 22:21

Na egkiyuhan ku te langun niyu ne sakup te Eleteala ne ebpeneuven dut te Kerenan tew ne si Hisus. Ini rà se langun ne lalag ku. Juan