Ruma 15:4 - Ke meupiya ne tudtul mekeatag ki Hisu Kristu

⁴ Ne netuenan tew te langun ne impesurat ne Lalag te Eleteala rengan ne keytew ne keupianan su apey ki egkepenurù. Su ini se impesurat ne lalag din ne ini se ebpeketavang keytew te kebmetigker tew ketà te kemeresayan tew, wey idtihel te hinawa tew gewii te kedtahad tew rut te ebpenerengen tew keuremà.

Ruma 15:4 ပူးပေါင်းရင်းမြစ်များ

Ruma 12:12

Ne egalewhalew ki ve kayi rut te ebpenerengen tew keuremà, ne kenà ki ebpemivig ke embiya ruen kemeresayan tew, ne layun ki ebpengeningeni te Eleteala.

1 Kurintu 10:11

Ne langun arà ne nengetemanan dut te menge apù tew dengan ne ibaag keytew su apey kenà ki ebpeked-ulaula ketà te nenged-ulaula ran. Ne ini ke impesurat ne Lalag te Eleteala su apey ki ebpekeuram ne kenà ki edusaan iring kandan, su ke kegkebangkit kayi te dunya ne mehaan en.

1 Tiselunika 1:3

Su uman key ebpengeningeni mekeatag keniyu diyà te Amey tew ne egketenuran dey ke meupiya ne ed-ul-ulaan niyu su tuus te mibperetiyaya kew iya ki Hisu Kristu. Ne egketenuran dey rema ke dekelà ne limù niyu kandin ne egkekita te meilut se gelevek niyu kandin. Ne kenà dey egkelipatan ke kedtigker niyu te keresayan su dekelà ne ebpenerengen niyu ne edlived si Hisu Kristu ke Kerenan tew kayi te ampew te dunya.

1 Pedro 1:13

Tembù be iyan iya se ibpenehana tew ke hinawa ta neraan te keduma te suhù te Eleteala. Ne ebpekerumbahat ki rut te langun ne ed-ul-ulaan tew su apey iyan dekelà te hinawa ta ne ini se meupiya ne ibehey te Eleteala keytew ketà te hewii ne edlived si Hisu Kristu kayi te ampew te dunya.