Ruma 15:17 - Ke meupiya ne tudtul mekeatag ki Hisu Kristu

¹⁷ Ne sabap dut te tavang ni Hisu Kristu kediey ne kenà ku igkeyeyai te ibpemenudtul ku ke langun ne neveelan ku riyà te kandin.

Ruma 15:17 ပူးပေါင်းရင်းမြစ်များ

Ruma 4:2

Su embiya iyan kedtengteng te Eleteala ki Abraham ne metidtu su sabap dut te meupiya ne ulaula rin, ne ruen kevenar din se ebpendantal. Ugaid ne kenà egkepakey te kebpendantal din su kenà kayi ebpuun te meupiya ne mid-ulaula rin se iyan kedtengteng te Eleteala kandin ne metidtu.

2 Kurintu 12:1

Netuenan ku se warà pantag se kegkehiya ku te keeetawi ku, ugaid ne iring te ebpekehiyen a mekeatag keniyan te menge etew ne edantal atag te helevek dan diyà te keniyu. Ketà be ne egkehiyen ku keniyu ini se impayag kedì ne impekita ni Hisu Kristu ke Kerenan tew.

2 Kurintu 7:4

Rekelà se kedsarig ku keniyu, ne lelayun ku rema egkereyù sikiyu. Misan merakel se kemerehenan ku, ne warà lavew mepiley ke itungan ku su rekelà nevenar se kinekehalew ku keniyu.

Pilipus 3:3

Ne up-upiya kew ve su kenà arà ke tuus te tidtu ne sakup te Eleteala, su ke tidtu ne sakup din ne sikitew se ebpengarap kandin ibpepevayà te tavang te Kedesenan ne Ebpetuntul te Menusiyà wey ruen kegkehalew te hinawa tew egenat ki Hisu Kristu. Su sikandin dà se edserihan tew su apey kiyu mekeliyu te kedusa te salà tew, ne kenà ke kedtuman te penduan iring te kebpeetus te lawa tew.

Hibruhanen 2:17

Tembù be mibpebaluy sikandin ne etew iring dut te sikitew ne menge suled din. Mid-ulaula ini su apey rin egkeherami ke langun ne igkerasey tew apey ebmetau sikandin ne egkeyru kenitew wey apey sikandin se egkevaluy ne mepurù dut te terebpelengesa ne egkedserihan ne ebpeninindeg kenitew diyà te etuvangan te Eleteala su apey egkepesahad te Eleteala ke salà tew.

Hibruhanen 5:1

Ke etew ne nepemilì ne Mepurù te Terebpelengesa te menge Hudiyanen, ne nepemilì sikandin dut te menge ruma rin ne intendù sikandin ne ebpeninindeg te keupianan dut te menge ruma rin diyà te etuvangan te Eleteala. Su sikandin se ebpesevetaren dut te ibehey te menge etew riyà te Eleteala wey sikandin se ebpelengesa dut te menge binatang su apey Eleteala se ebpesehad dut te salà dan.