Ruma 14:7 - Ke meupiya ne tudtul mekeatag ki Hisu Kristu

⁷ Su taman te biviyag ki pà ne kenà sikitew se kemuney kayi te hinawa tew, ne misan ketà te ebpatey ki en ne ruen kemuney keytew.

Ruma 14:7 ပူးပေါင်းရင်းမြစ်များ

Ruma 14:9

Su tembù mibpebpatey si Hisu Kristu ne nevanew red manen su apey sikandin ke Kerenan dut te langun ne mibperetiyaya kandin, megidsan se biviyag dan etawa ke minatey ran en.

Ruma 8:38

Su netuenan ku ne warà misan engkey en ne ebpekepebelag kenitew dut te rekelà ne limù te Eleteala kenitew, misan keuyag etawa kepepatey, misan menge suluhuen te Eleteala etawa ke ruma pà ne egkamal diyà te langit etawa piya engkey en ne ruen ketehel din ne ebpekeandek, misan ini se egketemanan tew te guntaani en etawa ke ebpekeuma keuremà, ne warè ebpekepebelag kenitew dut te limù din keytew.

2 Kurintu 5:15

Iyan din impatey ne kedselidig din dut te langun ne menge etew su apey kenà dan en med-ulaula te kandan dà ne kiyug. Ugaid ne iyan dan edtumanen ke kiyug ni Hisus ke minatey ne nevanew su apey ran mekepeliyu rut te kedusa te salà dan.

1 Tiselunika 5:10

Su sikandin se mibpeimatey mekeatag keyta su misan minatey ki en etawa biviyag ki pà te arà ne hewii te kedlived din kayi, ne ed-ubpà ki riyà te kandin taman te taman.

Tito 2:14

Ne imbeliwas din ke lawa rin ketà te kinepatey rin su apey mekeliyu kiyu te kinekeuripen te salà tew wey apey ebmetilak ke hinawa tew. Ne insivey ki nikandin ne kandin ne sakup ne mibehayan ki nikandin te kiyug te ed-ulaula te meupiya.

1 Pedro 4:2

Tembù be taman te kayi ki pà te ampew te dunya ne iyan ta ed-ul-ulaan ne kiyug te Eleteala, ne kenà iyan ta edumaan ke kiyug te sikitew ne menge etew.