Ruma 14:17 - Ke meupiya ne tudtul mekeatag ki Hisu Kristu

¹⁷ Su kenà iyan Edetuan te Eleteala keytew ne mekeatag dà te egkeenen wey ed-inumen, ugaid ne mekeatag te kebmetidtu te ulaula tew, mekeatag te kebmelintad te hinawa tew, wey ke kegkehalew te hinawa tew ne riyà ebpuun te Kedesenan ne Ebpetuntul te Menusiyà.

Ruma 14:17 ပူးပေါင်းရင်းမြစ်များ

Mateo 3:2

Migkahi sikandin diyà te menge etew te, “Pemedsendit kew ne engkeri niyu ke menge meraat ne ulaula niyu su mehaan en Edatù ke Eleteala kenitew.”

Mateo 6:33

Iyan niyu ipeuna te hinawa niyu ke kiyug te Eleteala wey ke Kedatù din keniyu, ne arà pè be ne ebehayan kew te Eleteala dut te langun ne kurang niyu.

Lucas 14:15

Duen senge etew ketà te uvey ni Hisus ne nekerineg te migkahi ni Hisus ne migkahi te, “Meupiya nevenar se hinawa rut te ebpeketelavuk ketà te kevurunan te Eleteala dut te menge etew ne Edetuan din.”

Juan 16:33

“Langun kayi ne migkahi ku keniyu,” ke si Hisus, “su apey ebmelintad ke hinawa niyu te kebpekidseveka niyu kediey. Su kayi te ampew te dunya ne edresayen kew te menge etew ne ed-engkenà kediey. Ugaid ne misan iring ketà ne kenà niyu ebpilaya ke hinawa niyu, su netalew ku en ke datù te pekaid ne migkamal kayi te ampew te dunya!”

Juan 3:3

Migkahi si Hisus te, “Sebenarvenar ini se igkahi ku keykew te warà senge etew rà ne ebpekelusud diyà te Edetuan te Eleteala embiya kenà sikandin edsaup pà ebpeanak.”

Juan 3:5

“Sebenarvenar ini se igkahi ku keykew,” ke si Hisus, “te warà senge etew rà ne ebpekelusud diyà te Edetuan te Eleteala embiya kenà sikandin edsaup pà ebpeanak te ibpepevayà te wayig wey ke gehem dut te Kedesenan ne Ebpetuntul te Menusiyà.

Nenged-ulaula 13:52

Ne ke menge mibperetiyaya ki Hisus ne netetahak diyà te Antiyuka ne midlumun kandan ke Kedesenan ne Ebpetuntul te Menusiyà ne nehalew ran nevenar.

Nenged-ulaula 9:31

Ne ketà ne merinew se ked-ubpà dut te langun ne menge mibperetiyaya ki Hisus diyà te lusud te Hudiya, Geliliya wey Semeriya. Ne midtevangan dan dut te Kedesenan ne Ebpetuntul te Menusiyà, tembù be mevag-et se kebperetiyaya ran ki Hisus wey mid-iseg te kebmerakel dan. Su ke langun ne ked-ulaula ran ne iyan dan ibpeuna ne ke ebpekesuhat te hinawa ni Hisus ne Kerenan dan.

Ruma 15:13

Ne ke Eleteala se ebpuunan te langun ne keupianan ne ebpenerengen tew, ne kiyug ku ne menu ma ke mevehayi kew nikandin te rekelà ne kehelawan wey ke kebmelintad te hinawa niyu. Su embiya iring ketà se egked-ulaula, ne ke kedsarig niyu kandin mekeatag te ebpenerengen niyu ne ebmevag-et riyà sabap dut te gehem te Kedesenan ne Ebpetuntul te Menusiyà.

Ruma 8:6

Su embiya iyan netahù te itungan te etew se kandin dà ne kiyug ne meraat, ne iyan din egketemanan ne edusaan te kemetayen ne warà edtemanan din. Ugaid ne embiya iyan netahù te itungan din ne ke kiyug dut te Kedesenan ne Ebpetuntul te Menusiyà ne iyan din egketemanan ne ruen kegkeuyag din wey kelinew te hinawa rin.

1 Kurintu 1:30

Su ke kinepekidseveka tew ki Hisu Kristu ne riyà ebpuun te kiyug te Eleteala. Ne Eleteala rema se ebehey keyta te ketau ibpepevayà ki Hisu Kristu. Ne si Hisus ke iyan kedtengteng te Eleteala keytew ne metidtu diyà te etuvangan din su sikandin se mibpeliyu keytew rut te kedusa te salà tew su apey ki mevaluy ne menge etew te Eleteala.

1 Kurintu 4:20

Su ke menge etew ne nekelusud te Edetuan te Eleteala, ne ke keupiya ran ne kenà kayi rà te lalag dan su kayi ran ibpekita te ulaula ran ne meupiya.

1 Kurintu 6:9

Iring be te warà niyu metueni te ke etew ne ebpegula-ula te meraatey ne kenà ebpekeamung dut te Edetuan te Eleteala. Kenà kew mebpepeneheewit te akal dut te hinawa niyu, su ke etew ne ed-ulaula te meredsik, ke etew ne ebpengarap te kenà tidtu ne Eleteala, ke etew ne edlangkadlangkad te esawa rin, ke meama ne egkiyug te meama red dema etawa ke meritan ne egkiyug te meritan ded dema, ne kenà dan ebpekeamung dut te Edetuan te Eleteala.

1 Kurintu 8:8

Ugaid ne egkehiyen ku keniyu te kenà ini se egkeenen se iyan kedtengteng te Eleteala keyta ne meupiya. Su riyà te etuvangan din ne neked-iring dà se egkaan ki etawa kenà.

2 Kurintu 5:21

su midsuhù din si Hisu Kristu ne warà salà din te ibpevava kandin ke langun ne salà tew. Iyan kineengketaa te Eleteala ne apey ketà ebpuun te kebpekidseveka tew ki Hisus ne ruen en kebmetidtu tew riyà te etuvangan te Eleteala.

Gelasiya 5:22

Melemu tew rema ne egkekilala ke ulaula te etew ne egkepeneheewit dut te Kedesenan ne Ebpetuntul te Menusiyà. Su ke etew ne egkepeneheewit te Kedesenan ne Ebpetuntul te Menusiyà ne melimù te ruma rin, mehalew sikandin, melintad se hinawa rin, metigker te ruma rin, metiyakapen te ruma rin, metulanged te ruma rin, egkeserihan te ruma ne etew,

Pilipus 2:1

Netuenan ku te mibmevaher se hinawa niyu egenat te kegkeseveka niyu ki Hisu Kristu wey nehalew kew su ingkelimù kew nikandin. Ne egkeheram niyu ke tavang ne riyà ebpuun te Kedesenan ne Ebpetuntul te Menusiyà su ke ked-ubpà din kayi te lawa niyu, ne ebpekita kew en te kegkeyru niyu wey kebpelimlimuey.

Pilipus 3:3

Ne up-upiya kew ve su kenà arà ke tuus te tidtu ne sakup te Eleteala, su ke tidtu ne sakup din ne sikitew se ebpengarap kandin ibpepevayà te tavang te Kedesenan ne Ebpetuntul te Menusiyà wey ruen kegkehalew te hinawa tew egenat ki Hisu Kristu. Su sikandin dà se edserihan tew su apey kiyu mekeliyu te kedusa te salà tew, ne kenà ke kedtuman te penduan iring te kebpeetus te lawa tew.

Pilipus 3:9

wey apey a ebpekidseveka kandin. Su kenà ke keduma ku rut te penduan ne iyan kedtengteng te Eleteala kediey ne metidtu, ugaid ne ke kedsarig ku rà ki Hisu Kristu. Su ibpetidtu a te Eleteala su sabap dut te kedsarig ku ki Hisu Kristu.

Pilipus 4:4

Ne layun kew mebmehalew su atag dut te mibpekidseveka kew ki Hisu Kristu ke Kerenan tew. Ne egkesulit ku pà maa te egkahi te layun kew mebmehalew.

Pilipus 4:7

Embiya arà se ed-ul-ulaan niyu ne ebehayan kew te Eleteala te merinew ne itungan, ne arà se kerinew ne ibehey rin ne kenà egkesagkew te itungan dà te etew. Ini se ed-ul-ulaan te Eleteala su ebentayan kew nikandin apey warà meraat ne ebpeketuvù diyà te itungan niyu sabap dut te mibpekidseveka kew ki Hisu Kristu.

Kulasi 1:11

Ebpengeningeniyen dey rema ne ke gehem te Eleteala ne warà repeng din ne ebeheren kew rin su embiya ebpekeanuyanuy kew te kemerehenan ne igalewhalew niyu rà se kedtigker niyu.

1 Tiselunika 1:6

Ne sikami se mid-iringan niyu wey ke Kerenan tew ne si Hisu Kristu. Ne miduma kew rut te insuhù ne Lalag te Eleteala misan mibpekesekitan kew, su nengehalew kew egenat dut te Kedesenan ne Ebpetuntul te Menusiyà.

1 Tiselunika 2:12

Su mibag-et dey ke itungan niyu, ne midlangan dey ke hinawa niyu wey mibpenurù key te ed-ul-ulaan niyu ke engkey se ebpekesuhat te hinawa te Eleteala. Su nepemilì kew nikandin su apey kew mekeamung dut te Edetuan din wey ke kedeyua kandin.

Hibruhanen 13:9

Uram kew ke egkepeneheewit kew rut te merakel ne kenà tidtu ne penurù su ini ke kebpekesuwey niyu rut te benar ne impenurù keniyu. Ne warà duma ne ebpekevaher te kedsarig niyu te Eleteala ke kenà ke tavang din keniyu ne kenà kayi te keduma niyu te suhù mekeatag te liiyen te egkeenen, su ke kedtanud niyu ketà ne kenà ebpeketavang te kebperetiyaya niyu ki Hisus.

1 Pedro 1:8

Ne misan warà niyu pà mekita si Hisus ne ikelimù niyu sikandin, ne ebperetiyaya kew kandin misan kenà niyu egkekita sikandin guntaani. Ne egkekita ini dut te dekelà ne kegkehalew niyu ne kenà egkerepengan wey kenà igkeupama.

2 Pedro 1:1

Siaken si Simon Pedro ne edsurat kayi. Sugsuhuen a ni Hisu Kristu wey epustul din dema ne iyan din meana ne kedserihan a nikandin. Edsurat e red maa dut te sikiyu ne menge ruma ta te mibperetiyaya ki Hisus. Ne ini se kebperetiyaya rut te langun tew ne neked-iring su ebpuun ded langun te Eleteala wey si Hisu Kristu ne mibpeliyu keyta. Su sikandin, ne iyan din ed-ul-ulaan ne metidtu, ne warà misan engkey ne etew ne ibpelavi rin.