Ruma 14:13 - Ke meupiya ne tudtul mekeatag ki Hisu Kristu

¹³ Tembù be kenà kiyu edsawey rut te ulaula te menge ruma tew ne mibperetiyaya. Inemulà se iyan tew ed-ul-ulaan ne endei se kenà tew egkepeneheewit ke menge ruma tew ne mibperetiyaya te kebpekevaal dan te salà.

Ruma 14:13 ပူးပေါင်းရင်းမြစ်များ

Mateo 16:23

Ugaid ne midlingì si Hisus ne migkehiyan din si Pedro te, “Awà ka su iring ka ki Setanas! Maa, ebengenen a nu kayi te ibpetuman kediey? Su ke itungan nu ne kenà diyà ebpuun te Eleteala, ugaid ne kayi rà te itungan te menusiyà.”

Mateo 18:7

Keyru nevenar te menge etew kayi te ampew te dunya su ruen kebpenggeram kandan te ebpekedsalà. Kenà egkepakey ne kenà egkeuma ini se kebpenggerami te menge etew, ugaid ne ke etew ne ebpenggeram te ruma rin su apey ebpekedsalà ne mekeyruwiru nevenar!

Mateo 7:1

Ne migkahi pà maa si Hisus te, “Kenà kew edsawey te ruma ne etew apey kenà kew edsewayan te Eleteala.

Lucas 12:57

Ne migkahi maa si Hisus te, “Meambe ke kenà niyu ebpegpegitungen ke engkey se edait ne ed-ul-ulaan?

Lucas 17:2

Iyan pà tumù ne ebperiwetuwan ke lieg din te mevehat ne batu ne id-antug diyà te rahat su apey kenà sikandin se puunaan te kebpekedsalà dut te mevavà ne etew ne edsarig kediey.

Ruma 11:9

Ne ruen dema impesurat ne Lalag te Eleteala ne nekahi ni Dabid, ke sikandin te, “Menu ma perem ke kayi ebpuun te kedsarig dan te kebpengevurunan dan, ne iyan ded ebpekelitag kandan wey ebpekehebpà dan, ne ke kedusa te Eleteala ne ebpekeuma diyà te kandan.

Ruma 14:10

Ne geina te benar ini, ne kenà dait ne iyan ki edsawey rut te menge ruma tew ne mibperetiyaya mekeatag te egkekaan dan, etawa igkesuhey tew sikandan. Su keuremà ne langun tew ne ebpengetuvang diyà te Eleteala ne sikandin ke egkukum keytew.

Ruma 14:3

Ne ini se etew ne misan engkey en ne egkeenen din, ne kenà mebpegitung sikandin se muna pà dut te etew ne tuved dà se egkeenen din. Ne engketà ded dema ke etew ne iyan din dà egkeenen se tuved, kenà mebpegitung te sikandin se muna pà dut te etew ne egkaan te misan engkey en su elin dan midtelimà te Eleteala.

Ruma 14:4

Tembù be kenà kiyu edsawey te menge ruma tew. Su warà kevenar tew te edsawey te sugsuhuen te ruma ne etew. Su iyan dà edsawey kandin ne ke egelevekan din ke midtuman din be ke mibpeveelan kandin etawa warà. Ne netuenan tew ne ebpekegaga si Hisu Kristu ne edtavang dut te menge sugsuhuen din su apey ran med-ulaula ke meupiya.

Ruma 16:17

Ebuyuen ku ve keniyu, menge suled ku, te ingat kew rut te menge etew ne ebaal te kegkereeti rut te kegkeseveka niyu te kebperetiyaya, ne elihu kew kandan su sikandan ke puunan dut te kegkeliyaliya te sarig niyu su ebpekesurang dan dut te benar ne penurù ne ingkepenurù keniyu.

1 Kurintu 10:32

Ne sekitew, ne kenà ki iya ed-ulaula te misan engkey en ne egkepeneheewit ke ruma tew te ebpekedsalà misan Hudiyanen sikandin, etawa kenà Hudiyanen, etawa ve ke ruma tew red te mibperetiyaya ki Hisus.

1 Kurintu 11:13

Na pegpegitunga niyu ma ini ke edait be ke embiya ruen meritan ne ebpengeningeni riyà te baley ne ebpengeningeniyan ne warà idtutungatub din.

2 Kurintu 5:14

Iyan dey kegeleveka te mevaher su netuenan dey te ke limù ni Hisu Kristu ne iyan ebpekevigkat kenami. Su netuenan dey te mibpebpatey si Hisus te selidig dut te langun ne menge etew, ketà be ne iring te langun ne menge etew ne nekeunung kandin te kinepatey rin.

2 Kurintu 6:3

Ne kayi te helevek dey te Eleteala ne ed-up-upianan dey ini su apey warà igkesawey kenami te misan engkey ne etew. Ed-uram key nevenar su apey warà liwahì te etew te kenà din keduma dut te penuruan dey mekeatag te Eleteala.

Pilipus 1:10

Ne ketà be ne egketuenan niyu en ke iyan pà meupiya ne ulaula niyu ne ebpekesuhat te hinawa rin. Su apey ketà te kedlived ni Hisus ne warà en ibenar keniyu su warà meraat ne nekesawug te ulaula niyu.

1 Timoteo 5:14

Embiya ke kediey rà kayi te menge valu ne sesangen pà, ne medsaup den pà mebpeesawa ne tugenura ran ke sikandan ne telteleanak apey warà meraat ne egkekahi rut te menge etew ne warà mebperetiyaya ne ebpekesuhat kandan.

Santiago 2:4

na embiya ini se ed-ul-ulaan niyu, ne meraat arà su ke ked-elit-elit niyu te menge ruma niyu ne mibperetiyaya ne warà meked-iring su kunaan niyu ke kewasa ne etew ne iyan pà belielehà dut te ayuayu. Ne ini se mid-ulaula niyu ne ebpuun arà te meraat ne itungan niyu.

Santiago 4:11

Menge suled ku, kenà kew ebpeserserupetey su ke etew ne edseserupet wey ebpendeisek te ruma rin ne mibperetiyaya, ne timbang te ebpendeiseken din ke dekelà ne penduan te Eleteala. Ne embiya ebpendeiseken niyu ke penduan te Eleteala, ne kenà kew ebperumaruma te suhù din su iring kew te iyan ebayàbayà dut te penduan.

1 Juan 2:10

Su ke etew ne ruen limù din te ruma rin, ne arà imbe ke ed-ubpà diyà te merayag ne warà netahù te hinawa rin ne ebpekedsalà ke ruma rin.

Imperayag 2:14

“Ugaid ne ruen dema ed-ul-ulaan niyu ne kenà ku egkesuatan su ruen keniyan te keniyu ne eduma te impenurù ni Belaam dengan. Si Belaam ini, ne impenurù din dengan ki Balak ke ralan te kebpeneheewit dut te menge etew ne kevuwaran ni Israyil te kebpekedsalà. Su mibpeneheewit din sikandan te egkaan dut te egkeenen ne inrenà ne siparat diyà te ledawan dà ne kenà tidtu ne Eleteala wey mibpeneheewit din dema sikandan te kebpengingniyug.