Ruma 13:7 - Ke meupiya ne tudtul mekeatag ki Hisu Kristu

⁷ Arà be ne ebayaran tew ke langun ne edsusunsusun ne ebuwisan tew. Ne ed-edatan tew nevenar ke menge kumekamal dut te inged tew su ini ke dait ne ed-ul-ulaan tew.

Ruma 13:7 ပူးပေါင်းရင်းမြစ်များ

Mateo 17:25

“Uya,” ke si Pedro. Guna su mibpemenayik en si Pedro diyà te baley ne mid-unaan en ni Hisus te egkahi te, “Diyà te itungan nu, Pedro, entei se ebayad te buwis diyà te egkamal te inged kayi te ampew te dunya? Engkey, ke mehinged kayi te inged din etawa ke riyà ebpuun te meriyù?”

Mateo 22:21

“Paras wey ngaran dut te ratù tew kayi te inged ne Ruma,” ke sikandan. “Embiya iring ketà,” ke si Hisus, “ne ivehey niyu diyà te datù ayan se buwis kandin, ne ivehey niyu riyà te Eleteala ke endei rema ke kandin.”

Marcos 12:17

“Embiya iring ketà,” ke si Hisus, “ne ivehey niyu diyà te datù ayan se bayad te buwis ne kandin, ne ivehey niyu riyà te Eleteala ke endei rema ke kandin.” Ne ingkeinuinu ran nevenar ini se migkahi ni Hisus.

Lucas 20:22

Tembù be ruen id-insà dey keykew. Maa ebpekerimpas kiyu ve dut te penduan tew embiya ebayad ki te buwis diyà te ratù tew te inged ne Ruma etawa kenà?”

Lucas 20:25

Ne midtavak dan te, “Tularan wey ngaran dut te ratù tew kayi te inged ne Ruma.” Ne migkehiyen ni Hisus sikandan te, “Embiya iring ketà ne ivehey niyu diyà te datù ayan se bayad te buwis ne kandin, ne ivehey niyu riyà te Eleteala ke endei rema ke kandin.”

Lucas 23:2

Nekeuma ran ne imperineg dan ki Pilatu ke id-isuhat dan kandin se egkahi te, “Nesepenan dey ini se meama ne ebpesuwey rut te menge etew kayi te inged tew su impeengked din ke menge etew ne ebayad te buwis diyà te mepurù tew ne si Cesar. Ne migkahi rin te sikandin kun ke midtendù te Eleteala ne ebperetuen.”

Ruma 12:10

Ne sikitew se mibperetiyaya en ki Hisu Kristu, ne iyan iya se ebpelimlimuey ki iring te edtutunayà ne ebpenusuled. Ne ebpeed-edatey ki nevenar te menge ruma tew.

Ruma 13:6

Tembù be ebayad ki rema te buwis dut te kumekamal keytew su sikandan se sugsuhuen te Eleteala embiya meupiya ke kebpeneheewita ran dut te insuhù kandan te gubirnu.

Ipisu 5:33

Ne kenà arà dà se meana rin su ebpenurù dema te sikiyu ne tiwaley. Tembù be sikiyu ne menge meama ne iamin niyu ke hinawa niyu te edlimù te esawa niyu iring te kedlimù nu te hinawa nu. Ne engketà dema ke meritan, edati niyu rema ke esawa niyu.

Ipisu 6:5

Sikiyu ne menge edsugsuhuen, perumaruma kew dut te edsuhùsuhù keniyu kayi te ampew te dunya. Edati niyu sikandan ne ipehenat niyu te hinawa niyu ke kedtuman niyu dut te helevek niyu iring te si Hisu Kristu ke edsuhù keniyu.

1 Timoteo 5:13

Ketà be ne kenà meupiya embiya ini se egketevangan su kalu ke ebpehulen ne ebpemedlakit diyà te idsehumbelayà. Ne kenà arà dà su egkevaluy ran ne serupeten wey ebpemedlakit, ne ebpenlalag te kenà dait ne egkelalag dan.

1 Timoteo 5:17

Duen pà egkehiyen ku, Timoteo, mekeatag te menge etew ne ebpeneheewit te menge mibperetiyaya ki Hisus. Embiya meupiya se kebpeneheewit dan, ne edati niyu sikandan wey edsukayan sikandan te meupiya. Labi en be ke etew ne mibpenamantaman sikandin te kebpenurù din wey kebpesabut din te Lalag te Eleteala.

1 Timoteo 6:1

Ini ve ne penduan ku dut te menge etew ne nebpasa ne neuripen. Misan sugsuhuen sikandin, embiya mibperetiyaya ki Hisu Kristu ne med-adat sikandin dut te edsuhùsuhù kandin apey warà etew ne ebpekekahi te meraat mekeatag te Eleteala wey ke ibpenurù tew ne riyà ebpuun te kandin.

1 Pedro 3:7

Ne iring din ded dema ke sikiyu ne menge meama, ne upiani niyu ke kebpeneheewit niyu te esawa niyu. Tugenura niyu sikandan ne edati niyu rema su kenà mevaher sikandan iring te meama. Ne tentenuri niyu te sikandan ne ebpeketelimà dema te limù te Eleteala ne ini se umur ne warà edtemanan din iring te sikiyu. Tembù be edati niyu sikandan su apey warà ebpekealang te kebpengeningi niyu.