Ruma 11:9 - Ke meupiya ne tudtul mekeatag ki Hisu Kristu

⁹ Ne ruen dema impesurat ne Lalag te Eleteala ne nekahi ni Dabid, ke sikandin te, “Menu ma perem ke kayi ebpuun te kedsarig dan te kebpengevurunan dan, ne iyan ded ebpekelitag kandan wey ebpekehebpà dan, ne ke kedusa te Eleteala ne ebpekeuma diyà te kandan.

Ruma 11:9 ပူးပေါင်းရင်းမြစ်များ

Mateo 16:23

Ugaid ne midlingì si Hisus ne migkehiyan din si Pedro te, “Awà ka su iring ka ki Setanas! Maa, ebengenen a nu kayi te ibpetuman kediey? Su ke itungan nu ne kenà diyà ebpuun te Eleteala, ugaid ne kayi rà te itungan te menusiyà.”

Lucas 12:20

“Ugaid ne migkehiyan sikandin te Eleteala te ‘Merupangdupang ka nevenar! Ini rà ne kerukileman ne kayi rà taman se ked-ubpàubpà nu kayi te ampew te dunya. Ne engkey ve vuwa se kemuney keniyan te kearen ne intahù nu?’”

Ruma 14:13

Tembù be kenà kiyu edsawey rut te ulaula te menge ruma tew ne mibperetiyaya. Inemulà se iyan tew ed-ul-ulaan ne endei se kenà tew egkepeneheewit ke menge ruma tew ne mibperetiyaya te kebpekevaal dan te salà.

Hibruhanen 2:2

Ke menge suhù te Eleteala ne nebpeneheewit dut te menge suluhuen din diyà te keep-epuan tew ne egkeserihan nevenar, tembù be ke etew ne warà meduma ketà, ne edusaan sikandin te endei se taman ne kevahat te salà ne neveelan din.