Ruma 11:21 - Ke meupiya ne tudtul mekeatag ki Hisu Kristu

²¹ Su embiya iring ketà se midtamped te Eleteala ke tunganey ne subpang ne ke menge Hudiyanen, ne iyan kew pè be kenà tempera se mehintelunan dà ne subpang embiya ed-iring kew red kandan.

Ruma 11:21 ပူးပေါင်းရင်းမြစ်များ

Ruma 11:17

Ne ke menge Hudiyanen ne iring te menge subpang ketà te kayu ne impemula te Eleteala ne warà mebpemehas ne midtamped te Eleteala, ne arà pà ne migkuwa sikandin te menge subpang te kayu diyà te ketelunan ne idsumpat din ketà te midtamped din ne subpang su apey edtuvù ketà te kayu. Ne sikiyu se kenà menge Hudiyanen ne sikiyu arà ke mehintelunan ne subpang te kayu, ugaid ne ke kayu ne nesumpatan niyu ne ke menge Hudiyanen ne nepemilì te Eleteala ne kandin ne menge etew rut te aney en se aney.

Ruma 11:19

Ne kalu ke egkahi kew te, “Sikami ini se kenà menge Hudiyanen ne iyan key pà tumù su midtamped sikandan te Eleteala su apey sikami se idsambì kandan.”

Ruma 11:20

Ne benar ne nekesambì kew kandan. Ugaid ne iyan puunan te kinetempera te Eleteala kandan su warà dan mebperetiyaya ki Hisus, ne ke puunan te kinetuvù niyu guntaani ne ke kineperetiyaya niyu. Ugaid ne kenà niyu ve ibpendekarak, inemulà se ingati niyu nevenar ke ulaula niyu.

Ruma 11:22

Ketà be ne nesebutan tew te rekelà se daat te nanam te Eleteala rut te menge etew ne ebperetiyaya kandin, ugaid ne warà ma senge etew rà ne kenà din edusaan embiya kenà dan ebpemineg kandin. Ne ed-iseg pà ke daat te nanam din keniyu embiya kenà kew edsuwey dut te kebperetiyaya niyu. Ugaid ne embiya edsuwey kew, ne ed-iringen kew red dut te subpang ne midtamped din.

Ruma 8:32

Su misan ke Anak din si Hisus ne warà din pekinuhuni, ugaid ne midsuhù din kayi te ampew te dunya su apey ebpekepeimatey ne idselidig kenitew atag dut te salà tew. Ne embiya iring ketà ke pengelimuan din keytew, ne kenà egkepakey ne kenà din ibehey keytew ke langun ne kurang tew.

Hudas 1:5

Na ruen ebpetenuran ku keniyu ne netuenan niyu en atag dut te mid-ula-ula te Eleteala rengan. Su midtevangan din ke langun ne inenakan te Israyil te ebpeliyu rut te kinepengunguripen kandan te inged ne Ihiptu. Ugaid ne netaman ne langun dut te kenà ebperetiyaya ne neherà.