Ruma 11:17 - Ke meupiya ne tudtul mekeatag ki Hisu Kristu

¹⁷ Ne ke menge Hudiyanen ne iring te menge subpang ketà te kayu ne impemula te Eleteala ne warà mebpemehas ne midtamped te Eleteala, ne arà pà ne migkuwa sikandin te menge subpang te kayu diyà te ketelunan ne idsumpat din ketà te midtamped din ne subpang su apey edtuvù ketà te kayu. Ne sikiyu se kenà menge Hudiyanen ne sikiyu arà ke mehintelunan ne subpang te kayu, ugaid ne ke kayu ne nesumpatan niyu ne ke menge Hudiyanen ne nepemilì te Eleteala ne kandin ne menge etew rut te aney en se aney.

Ruma 11:17 ပူးပေါင်းရင်းမြစ်များ

Mateo 21:43

“Igkahi ku keniyu,” ke si Hisus, “te ini se umun niyu kayi te Edetuan te Eleteala ne id-awà kayi te keniyu ne ibehey diyà te ruma ne menge etew ne ebperumaruma te Lalag te Eleteala. [

Juan 15:1

Ne mibpenempità si Hisus dut te edumdumaan din te, “Siaken ke benar ne lawa te pinemula ne iyan be edtuganur dut te pinemula ne ke Amey ku ne Eleteala.

Juan 15:2

Embiya ruen subpang ku ne kenà ebahas, ne id-awà din. Ne langun ne menge subpang ku ne ebpemehas ne ebpenemperan din su apey merapung ke bahas din.

Juan 15:6

Su ke etew ne ebpitas kediey,” ke si Hisus, “ne igketimbag sikandin iring dut te subpang ne idtimbag su egenguwen. Embiya nehangu en, ne eburunen ne idtimbag diyà te apuy su ebinsulan.

Nenged-ulaula 2:39

Su ini ke impasad te Eleteala keniyu wey ke menge kevuwaran niyu abpeg te langun ne menge etew ne ed-ubpà diyà te meriyù, langun ne ibpeuvey dut te Kerenan tew ne Eleteala ne eduma kandin.”

Ruma 11:24

Ne sikiyu ne kenà menge Hudiyanen ne kenà kew tunganey ne menge subpang ketà te kayu ne impemula su riyà kew ebpuun te ketelunan ne kayu, ugaid ne insumpat kew rà ne subpang ketà te kayu ne impemula rin. Ne embiya negaga te Eleteala ini keniyu te kenà diyà ebpuun te kayu ne impemula rin, ne iyan din pè be kenà megaga te ebped-ulit ke tunganey ne subpang ne ketà en iya ebpuun.

Gelasiya 2:15

Ne midlaus a te egkahi te, “Sikami ne Hudiyanen, nesebutan dey te penduan te Eleteala. Kenà key iring dut te kenà menge Hudiyanen.

Ipisu 3:6

Ini ve imbe ke impesabut din en. Kenà sikami rà ne Hudiyanen se ebpeketelimà te keupianan ne impasad te Eleteala dut te menge etew rin, su sikiyu rema ne kenà Hudiyanen ne mibperetiyaya rut te Meupiya ne Tudtul mekeatag ki Hisu Kristu ne ebpekeamung ded dema. Su egenat te kebperetiyaya niyu ki Hisus ne nevaluy kew en ne menge sakup te Eleteala, ne nekeamung kew rut te ebeyveyaan ni Hisus elin dut te menge Hudiyanen, ne ebpeketelimà kew red dema rut te langun ne impasad te Eleteala.

Kulasi 2:13

Su pehaney ne iring kew te minatey riyà te etuvangan te Eleteala su warà kew pà mekeliyu dut te salà niyu wey warà netuenan niyu mekeatag te impasad te Eleteala su kenà kew ma Hudiyanen. Ugaid ne gunteani ne nevehayan kew en te Eleteala te behu ne umur iring ki Hisu Kristu, su sabap dut te kedsarig tew kandin ne pinesahad kiyu en dut te langun ne salà tew.

Imperayag 11:4

Na, ini se deruwa ne etew ne edsuhuen dut te Eleteala ne ebpemesabut mekeatag kandin ne ini ke egkesuhat dut te sempità dengan mekeatag te deruwa ne kayu ne Ulivu. Ne sikandan dema ke egkesuhat dut te sempità mekeatag dut te deruwa ne sulù ne intahù diyà te etuvangan te Eleteala ne Kerenan dut te langun ne menge etew.