Ruma 10:7 - Ke meupiya ne tudtul mekeatag ki Hisu Kristu

⁷ Ne kenà dait dema ne ebpegitungen tew ke engkey se egkepakey ne ibpendiyà te Ivayaan su apey mevanew si Hisus su nevanew en.

Ruma 10:7 ပူးပေါင်းရင်းမြစ်များ

Lucas 8:31

Ne mibpemuyù dan ki Hisus te kenà dan ibpeawà ni Hisus se ibpependiyà te egkembusan ne warà edtemanan te keralem din.

Ruma 4:25

Su si Hisus ke imbehey te Eleteala ne ebpebpatey mekeatag dut te menge salà tew, ne mibanew sikandin te Eleteala su apey iyan din kedtengteng keytew ne metidtu riyà te etuvangan din.

Hibruhanen 13:20

Ne ke Eleteala ke mibanew ki Hisu Kristu rut te kinepatey rin, ne sikandin en ke pinekemepurù ne egkeunutan tew ne iring sikandin te tumetuganur dut te sikitew ne bilibili rin. Su ke lengesa rin ne impetudà ketà te kinepatey rin diyà te pinebelavag ne kayu ne arà ke tuus dut te behu ne pasad te Eleteala keytew, ini se pasad din ne warà kegkesembii rin taman te taman. Ne ibpengeningeni ku te Eleteala ne ebehey te melintad ne hinawa, ne ibehey rin kenitew ke langun ne ebpeketavang kenitew te kebpekeiseg te kedtumana tew te kandin ne kiyug. Ne ibpengeningeni ku red dema te sikandin se edtavang keniyu su apey kew ed-ulaula te ebpekesuhat te hinawa rin ibpepevayà dut te tavang ni Hisu Kristu keniyu. Ketà be ne edeyù kiyu ki Hisu Kristu taman te taman. Ne metuman be ini!

1 Pedro 3:18

Su misan si Hisu Kristu ne warà salà din ne mibpeimatey sikandin su atag dut te sikitew ne mekesesalà su apey ibpelived ta ke hinawa ta diyà te Eleteala. Keseveka rà se kinepatey rin atag dut te salà ta, ne kenà en edseupan su nepasad en. Ugaid ne misan mid-imetayan te menge etew ke lawa rin ne biviyag ded sikandin su warà mibpatey ke gimukud din,

1 Pedro 3:22

Ne guntaani ne diyà si Hisus mid-ulì te langit ne ebpinuu diyà te rapit te egkekewanan te Eleteala. Ne langun ne suluhuen te Eleteala wey langun ne ruma pà ne ruen gehem dan ketà ne sikandin se ebayàbayà kandan.

Imperayag 1:18

Siaken ke ruen umur din ne warà edtemanan. Ne misan mid-imetayan a nikandan ne nevanew a iya, ne guntaani ne kenà ad ebpatey. Siaken ke egawed dut te umur te menge etew, ne siaken ded ke ebayàbayà dut te Iveyaan.