Ruma 10:14 - Ke meupiya ne tudtul mekeatag ki Hisu Kristu

¹⁴ Ugaid ne engkey se kebpetavang te menge etew dut te Kerenan embiya warà dan pà mebperetiyaya kandin? Ne engkey ma se ralan te kebpekeperetiyaya ran embiya warà dan pà mekerineg te Meupiya ne Tudtul mekeatag kandin? Ne engkey se ralan te kebpekerineg dan mekeatag kandin embiya warà etew ne ebpemenudtul dut te Meupiya na Tudtul mekeatag kandin?

Ruma 10:14 ပူးပေါင်းရင်းမြစ်များ

Mateo 20:7

“‘Su warà ebpehelevek kenami,’ ke sikandan. “Ne migkahi sikandin kandan te, ‘Gelevek kew rema diyà te pemulaan ku.’

Juan 20:31

Ugaid ne ini se mekegeyip ne ulaula ne ingkesurat kayi su apey kew ebpekeperetiyaya te Anak te Eleteala si Hisus, ne ebpekeperetiyaya kew rema te sikandin ke Impasad te Eleteala ne Ebperetuen, su embiya ebperetiyaya kew kandin ne ebpeketelimà kew te umur ne warà edtemanan din.

Juan 9:36

Ne midtavak ke meama te, “Kehiya nu kedì ke entei sikandin, Mama, su apey a ebperetiyaya kandin.”

Nenged-ulaula 19:2

ne mid-insaan din sikandan te, “Maa neketelimà kew en te kedlumun te Kedesenan ne Ebpetuntul te Menusiyà dut te hewii ne kineperetiyaya niyu ki Hisus?” Ne migkahi ran te, “Warà. Su warà dey pà merineg se ruen Kedesenan ne Ebpetuntul te Menusiyà.”

Nenged-ulaula 8:31

Ne migkahi ke meama te, “Memenu ve se kegkesebuti ku ke embiya warà ebpenurù kediey?” Ketà ne impeuntud din en si Felipe dut te kerumata rin.

Ruma 1:5

Ibpepevayà ki Hisu Kristu ne midtevangan a te Eleteala te nevaluy a ne kedserihan ni Hisus te ebpesabut mekeatag kandin diyà te langun ne menge etew. Su egkiyuhan din te langun ne menge etew ne ebpekeperetiyaya ki Hisus ne eduma kandin. Ne kayi te keduma ran kandin ne sikandin se edeyuen diyà te kandan.

Ipisu 2:17

Ketà be ne mibpengkayi si Hisu Kristu te ampew te dunya su ebpesabut ke engkey se kebmelintad te hinawa tew riyà te Eleteala. Ne ini se midseysey rin diyà te sikiyu ne kenà Hudiyanen ne ke itungan niyu ne mebmeriyù te Eleteala wey sikami ne Hudiyanen ini se lelayun kun ebpemegitung te Eleteala.

Ipisu 4:21

Su nerineg niyu en ma ke benar ne impenurù dey mekeatag kandin, ne nesebutan niyu en su sikandin se edumaan niyu.

2 Timoteo 4:17

Ugaid ne misan mid-ewaan a nikandan ne si Hisu Kristu ke Kerenan tew ne warà med-awà kedì. Kayi sikandin te uvey ku ne sikandin se mibaher te hinawa ku su apey ku igkeeneb igkepesabut ke tudtul mekeatag kandin diyà te langun ne menge etew ne kenà Hudiyanen. Ne sikandin be se mibpeliyu kedì ketà te ebpekekaid kedì su iring te mibigkat a rin kayi te bèbà te buaya.

Tito 1:3

ne ketà te midtendù din ne hewii ne impayag din en ini kayi te lalag din. Na ini ve imbe se tudtul se ibpesabut ku mekeatag dut te impasad din, su midsuhù a te Eleteala ke ebpeliyu kenitew te salà tew.

Hibruhanen 11:6

Ne warà iya etew ne ebpekesuhat te hinawa te Eleteala embiya warà sarig din kandin. Su ke etew ne egkiyug ne ebpekeuvey te Eleteala, ne iyan ebpegingewaan ne ebperetiyayaan din nevenar te ruen Eleteala wey ebperetiyayaan din dema se edtavang ke Eleteala rut te etew ne ebpekeuvey kandin.

Santiago 5:15

Ne ini se kebpengeningeni ran ke embiya tidtu se kedsarig dan se igkeulii te ederaru, su ke Kerenan ne Eleteala se ebawì kandin. Ne embiya duen salà ne neveelan din, ne ebpeseharen en te Eleteala.