Ruma 1:7 - Ke meupiya ne tudtul mekeatag ki Hisu Kristu

⁷ Tembù be edsuratan ku sikiyu langun diyà te inged ne Ruma ne ingkelimù te Eleteala ne mibpemilì din ne kandin ne menge etew. Kiyug ku ne egkepenaub kew te Eleteala ke Amey tew wey si Hisu Kristu ke Kerenan tew, ne ebmelinew se hinawa niyu.

Ruma 1:7 ပူးပေါင်းရင်းမြစ်များ

Mateo 5:16

Ne iring ded te sulù ne impeluukluuk te saag ne ebpekerayag te langun ne menge etew ketà te lusud te baley, ne pekereyaha niyu ke sulù niyu riyà te menge etew su apey ran mekita ke meupiya ne ed-ul-ulaan niyu ne ebpekereyù dan dut te Amey niyu ne Eleteala diyà te langit.”

Juan 20:17

Ne migkahi en si Hisus kandin te, “Kenà a nu pà geweri su warà e pà mekeulì diyà te Amey ku. Ugaid ne beyai nu ke menge suled ku ne penudtuli nu ve sikandan te, ‘Ed-ulì a riyà te Amey ku ne ke Amey nu red dema, ke Eleteala ku ne ke Eleteala nu red rema.’ ”

Nenged-ulaula 15:23

Ne impepeewit dan kandan ke surat ne ini se migkahi rin, “Ini se surat ne kayi ebpuun te menge suled niyu ne mibperetiyaya ki Hisus kayi te Hirusalim, ke menge kedserihan wey ke menge pekilukesen. Meupiya key kayi, ugaid ne memenu kew keniyan langun ne kenà Hudiyanen ne menge suled dey te mibperetiyaya ki Hisus keniyan te inged ne Antiyuka wey riyà te menge pruvinsiya te Siriya wey Silisiya.

Nenged-ulaula 9:13

Ugaid ne migkahi si Ananias te, “Kerenan, nerineg ku riyà te merakel ne etew mekeatag kayi ne etew su meraat te mid-ulaula rin dut te menge mibperetiyaya keykew ne riyà te Hirusalim.

Ruma 1:6

Ne sikiyu rema diyà te inged ne Ruma ne in-amung kew red dut te mibpemilì te Eleteala ne egkevaluy ne menge sakup ni Hisu Kristu.

Ruma 5:1

Na keta ne netuenan tew te riyà te etuvangan te Eleteala ne iyan din kedtengteng keytew ne metidtu kiyu sabap dut te kebperetiyaya tew ki Hisu Kristu. Ne kayi te kebpebpatey ni Hisus ne melintad en se hinawa tew su neawà ke epes te Eleteala mekeatag dut te salà tew.

Ruma 5:5

Ne kenà ki ebpekegkeyà kayi te kebpenareng tew su benar ini ne edtumanen te Eleteala sabap dut te pengelimuan din keytew. Ne ini se limù din ne riyà din ipepevayà dut te Kedesenan ne Ebpetuntul te Menusiyà ne imbehey rin keytew.

Ruma 8:28

Ne sikitew ke mibpemilì te Eleteala te iyan nerumaan ke netahù te itungan din, netuenan tew te langun ne egketemanan tew ne ebeluyen din ne keupianan tew kayi te keytew ne egkelimù kandin.

Ruma 8:39

Warà misan engkey en ne ruen ketehel din diyà te divavew, etawa kayi te insekednar, etawa misan engkey ne nelimbag te Eleteala ne ebpekepebelag kenitew dut te limù din kenitew ne impekita rin ne kayi egenat te ki Hisu Kristu ke Kerenan tew.

Ruma 9:25

Su ini ke nekahi rin dut te impesurat te senge etew ne ebpelambas te lalag din dengan ne si Oseas se egkahi te, “Ke menge etew ne kenà ku sakup dengan ne ebeluyen ku sikandan ne menge sakup ku. Ne ke menge etew ne kenà ku igkelimù dengan ne dekelà ku en sikandan te hinawa guntaani.

1 Kurintu 1:24

Ugaid ne ke menge etew ne miduma rut te kedtawag te Eleteala, misan Hudiyanen etawa kenà, ne nemesmasan dan dut te kinepatey ni Hisu Kristu riyà te pinebelavag ne kayu ne ketà impayag te Eleteala ke gehem din wey ketau rin.

1 Kurintu 16:23

Ne iyan ku kiyug ne ebpeneuven kew perem ni Hisu Kristu ke Kerenan tew.

2 Kurintu 13:14

Ne kiyug ku perem ne egkeheram niyu ke tavang ni Hisu Kristu ke Kerenan tew, wey ke limù te Eleteala keniyu, wey ke kebpekidseveka niyu rut te Kedesenan ne Ebpetuntul te Menusiyà ne ed-ubpà diyà te keniyu. Arà dà taman. Pablo

Gelasiya 6:18

Menge suled, iyan ku ebpengeningeniyen ne ebpeneuven kew ni Hisu Kristu ke Kerenan tew. Ini rà taman. Pablo

Ipisu 1:2

Iyan ku kiyug ne egkeheram niyu ke tavang wey kebmelinew te itungan niyu ne riyà ebpuun te Eleteala ne Amey tew wey si Hisu Kristu ke Kerenan tew.

Ipisu 6:23

Menge suled ku, iyan ku ebpengeningeniyen diyà te Eleteala ne Amey tew wey ki Hisu Kristu ne Kerenan tew ne menu ma ke ebeheran dan ke kedsarig niyu kandan su apey niyu egkeheram ke melintad ne itungan wey ke kebpelimlimuey niyu ne riyà ebpuun te kandan.

Pilipus 1:2

Iyan dey kiyug ne egkeheram niyu ke tavang wey kebmelinew te itungan niyu ne riyà ebpuun te Eleteala ne Amey tew wey si Hisu Kristu ke Kerenan tew.

Pilipus 4:13

Misan engkey en se ebpekerumpak kedì ne egketigkeran ku su ke gehem ni Hisu Kristu ne iyan edtavang kedì.

Pilipus 4:20

Tembù be ke Eleteala ne Amey tew se edeyuen taman te taman.

Pilipus 4:23

Iyan ku ebpengeningeniyen keniyu ne ebpeneuven kew langun ni Hisu Kristu ke Kerenan tew. Taman dà ketà ke egkehiyen ku. Pablo

Kulasi 1:2

keniyan te keniyu ne menge metinumanen ne sakup te Eleteala diyà te inged ne Kulasi ne mibpekidseveka ki Hisu Kristu. Iyan ku kiyug ne egkeheram niyu ke tavang wey merinew ne itungan ne riyà ebpuun te Eleteala ne Amey tew.

Kulasi 3:12

Sikiyu ke menge mibpemilì te Eleteala ne nevaluy ne menge sakup din ne igkelimù din nevenar, tembù be iyan niyu ul-ulaa ke ebpekesuhat kandin. Pekita kew te kegkeyru niyu diyà te menge ruma niyu, ne peketulanged kew kandan. Ne kenà niyu ibpeuna ke hinawa niyu, ugaid ne ipeembavà niyu ke hinawa niyu rut te menge ruma niyu apey ran egkekita se keamuk niyu wey kedtigker niyu.

Kulasi 3:15

Ne iyan niyu ebpeveyveyaan te hinawa niyu ne ke kerinew ne itungan ne riyà ebpuun te ki Hisu Kristu su apey kew egkevagkesbagkes. Su arà ke kiyug te Eleteala ne mibpekidseveka kenitew ne menge mibperetiyaya ki Hisu Kristu su iring kiyu te lawa rin. Wey kenà kiyu edlipat ne ebpeselamat kandin.

1 Tiselunika 1:1

Siaken ne edsurat ini ne si Pablo duma ni Silvanu wey si Timoteo. Ne idsurat dey ini diyà te keniyu te inged ne Tiselunika ne mibperetiyaya te Eleteala ke Amey tew wey ki Hisu Kristu ke Kerenan tew. Iyan dey kiyug ne egkeheram niyu ke tavang wey kebmelinew te itungan niyu ne riyà ebpuun te Eleteala.

1 Tiselunika 1:3

Su uman key ebpengeningeni mekeatag keniyu diyà te Amey tew ne egketenuran dey ke meupiya ne ed-ul-ulaan niyu su tuus te mibperetiyaya kew iya ki Hisu Kristu. Ne egketenuran dey rema ke dekelà ne limù niyu kandin ne egkekita te meilut se gelevek niyu kandin. Ne kenà dey egkelipatan ke kedtigker niyu te keresayan su dekelà ne ebpenerengen niyu ne edlived si Hisu Kristu ke Kerenan tew kayi te ampew te dunya.

1 Tiselunika 1:4

Netuenan dey, menge suled, ne ingkelimù kew te Eleteala su sikandin se mibpemilì keniyu ne egkevaluy ne menge etew rin.

1 Tiselunika 4:7

Su ke Eleteala ne kenà din iyan kebpemilì keyta ne egkevaluy ki ne menge anak din ne ed-ulaula te meraat, ugaid ne apey ta iyan ed-ul-ulaan ne ke metilak diyà te etuvangan din.

1 Tiselunika 5:28

Iyan dey egkiyuhan ne ebpeneuven kew dut te Kerenan tew ne si Hisu Kristu. Arà dà taman. Pablo

2 Tiselunika 1:2

Iyan dey kiyug ne egkeheram niyu ke tavang wey kebmelinew te itungan niyu ne riyà ebpuun te Eleteala ne Amey tew wey si Hisu Kristu ke Kerenan tew.

2 Tiselunika 3:16

Iyan dey egkiyuhan ne ke Kerenan tew ne si Hisu Kristu se ebehey te kebmelinew te hinawa niyu piya engkey se egketemanan niyu su sikandin se ebpuunan te itungan ne melinew. Ne dumai kew rema nikandin.

2 Tiselunika 3:18

Iyan dey egkiyuhan ne menu ma perem ke ebpeneuven kew dut te Kerenan tew ne si Hisu Kristu. Arà dà taman. Pablo

1 Timoteo 1:2

Ne edsuratan ku sikew, Timoteo, ne iring en te tuney ne anak ku egenat dut te kebperetiyaya nu ki Hisu Kristu. Iyan ku kiyug ne egkeheram nu ke tavang wey kegkeyru te Eleteala ne Amey tew wey si Hisu Kristu ke Kerenan tew, ne egenat kandan ne ebmerinew ke itungan nu.

1 Timoteo 6:2

Ne embiya ke sugsuhuen wey ke edsuhùsuhù ne elin mibperetiyaya ki Hisu Kristu, ne kenà dait ne ebpegitungen dut te edsugsuhuen ne geina te edsuled dan te kebperetiyaya ran ne egkepakey ne egkurangan din ke adat din kandin. Nasì pà se up-upiani rin ke gelevek din dut te edsuhùsuhù kandin wey edati rin su mibperetiyaya en dema te Eleteala ne elin dan igkelimù te Eleteala. Ini ve imbe, Timoteo, se ibpesabut nu te meupiya kandan su apey ran egkerumai.

2 Timoteo 1:2

Edsuratan ku maa sikew, Timoteo, ne igkelimù ku iring te tuney ne anak ku. Iyan ku kiyug ne egkeheram nu ke tavang wey kegkeyru te Eleteala ne Amey tew wey si Hisu Kristu ke Kerenan tew, ne egenat kandan ne ebmerinew ke itungan niyu.

2 Timoteo 4:22

Iyan ku kiyug ne layun ka rumai ni Hisu Kristu ke Kerenan tew, ne langun niyu ne ebpekeheram te tavang ne riyà ebpuun te Eleteala. Arà dà se edlelehan ku. Pablo

Tito 1:4

Edsuratan ku sikuna, Tito, su iring ka en iya te tuney ne anak ku su seveka kiyu riyà te peretiyaya tew ki Hisu Kristu. Iyan ku kiyug ne egkeheram nu te tavang wey kelinew te itungan ne riyà ebpuun te Eleteala ne Amey tew wey si Hisu Kristu ne ebpeliyu kenitew dut te salà tew.

Filemon 1:25

Iyan ku kiyug ne langun niyu ne ebpekeheram te tavang ne riyà ebpuun te Kerenan tew ne si Hisu Kristu. Arà dà taman. Pablo

Filemon 1:3

Iyan ku kiyug ne egkeheram niyu te tavang wey kelinew ne itungan ne riyà ebpuun te Eleteala ne Amey tew wey si Hisu Kristu ke Kerenan tew.

Santiago 1:1

Siaken ini se edsurat ne si Santiago. Sugsuhuen a te Eleteala wey ke Kerenan tew ne si Hisu Kristu. Edsuratan ku sikiyu, ke langun ne menge Hudiyanen ne mibperetiyaya ki Hisu Kristu ne nekesivurak kayi te ampew te dunya ne ebpenginginsà a keniyu.

1 Pedro 1:15

Su ke Eleteala se mibpemilì te sikitew ne egkevaluy ne menge anak din. Ne embiya ke Eleteala ne warà nekesawug ne meraat dut te langun ne ed-ul-ulaan din, tembù be iyan iya se warà ebpekesawug ne meraat kayi te ed-ul-ulaan ta.

1 Juan 3:1

Dekelà nevenar se limù dut te Amey tew ne Eleteala keyta! Su sabap dut te ini se rekelà ne limù din ne ed-ingaranan kiyu rin te menge anak din, ne benar ne menge anak kiyu rin. Ugaid ke menge etew te ampew te dunya ne egkunterà kandin ne kenà dan egkesebutan te anak kiyu rut te Eleteala su warà dan medtelimà kandin.

2 Juan 1:3

Ne ebpeneuven ki rut te Amey tew ne Eleteala wey ke Anak din ne si Hisu Kristu, ne igkeyru ki nikandan wey ebehayan kiyu red te melintad ne hinawa. Su ini se ibehey kenitew ne mibperetiyaya en te tidtu ne penurù wey ebpelimlimuey.

Imperayag 2:1

Migkahi si Hisus te, “Surati nu ke suluhuen ne ebantey rut te menge mibperetiyaya diyà te inged ne Ipisu, ne ini se menge lalag ne isurat nu. “‘Ini se menge lalag ku keniyan te keniyu. Siaken ke egawed te pitu ne bituen kayi te kewanan ne belad ku, ne siaken ded ke ed-ipanew kayi te luuk te pitu ne bulawan ne sulù.

Imperayag 2:12

Ketà ne migkahi en maa si Hisus te, “Surati nu red ke suluhuen ne ebantey dut te menge mibperetiyaya diyà te inged ne Pirgamu, ne ini se menge lalag ne isurat nu. “Ini se menge lalag ku keniyan te keniyu. Siaken ke ruen meharang ne sundang ne egemew kayi te bèbà ku.

Imperayag 2:18

Ketà ne migkahi en maa si Hisus te, “Surati nu red ke suluhuen ne ebantey dut te menge mibperetiyaya diyà te inged ne Tiyatira, ne ini se menge lalag ne isurat nu. “Ini se menge lalag ku keniyu ne siaken ke Anak te Eleteala. Ke mata ku ne iring te regreg te apuy, ne ke paa ku ne iring te galang ne intuug diyà te apuy.

Imperayag 2:29

“‘Itaan niyu ke telinga niyu ne pemineha niyu ini se egkehiyen dut te Kedesenan ne Ebpetuntul te Menusiyà diyà te langun niyu ne mibperetiyaya.’ ”

Imperayag 2:8

Ne ketà ne migkahi pà maa si Hisus te, “Surati nu red ke suluhuen ne ebantey dut te menge mibperetiyaya diyà te inged ne Ismirna, ne ini se menge lalag ne isurat nu. “‘Ini se menge lalag ku keniyan te keniyu. Siaken ke ebpuunan te langun taman ne siaken rema ke ebpeengked dut te langun. Minatey a ugaid ne nevanew a red.

Imperayag 22:21

Na egkiyuhan ku te langun niyu ne sakup te Eleteala ne ebpeneuven dut te Kerenan tew ne si Hisus. Ini rà se langun ne lalag ku. Juan

Imperayag 3:14

Ketà ne migkahi en maa si Hisus te, “Surati nu ke suluhuen ne ebantey rut te menge mibperetiyaya te inged ne Lewdisiya, ne ini se menge lalag ne isurat nu. “‘Ini se menge lalag ku keniyan te keniyu. Siaken ne mid-ingaranan te “Amin” su egkedserihan a wey benar iya ke menge lalag ku. Ne langun taman ne nelimbag te Eleteala ne impepevayà din kayi te kediey.

Imperayag 3:22

“‘Itaan niyu ke telinga niyu ne pemineha niyu ini se egkehiyen dut te Kedesenan ne Ebpetuntul te Menusiyà diyà te langun niyu ne mibperetiyaya.’”

Imperayag 3:7

Ketà ne migkahi en maa si Hisus te, “Surati nu red ke suluhuen ne ebantey dut te menge mibperetiyaya diyà te inged ne Piledilpiya, ne ini se menge lalag ne isurat nu. “‘Ini se menge lalag ku keniyan te keniyu. Siaken ke ed-ulaula te metidtu, ne egkeserihan a. Ne mibehayan a te kebayàbayà su apey edatù te iring dut te kedatù ni David dengan. Ne embiya ebpuwasan ku ke gumawan su apey ruen etew ne ebpekelusud ketà te edetuan ku, ne warà etew ne ebpekelekeb kayi. Ne embiya edlekevan ku ini su apey warà etew ne ebpekelusud, ne warà ded maa etew ne ebpekepuwas kayi.