Ruma 1:21 - Ke meupiya ne tudtul mekeatag ki Hisu Kristu

²¹ Su misan netuenan dan te ruen Eleteala, ugaid ne warà ma adat wey kebpeselamat dan te limù din kandan te misan midtevangan dan ded te Eleteala. Nasì pà ne kenà ebpekevehey te ibmeupiya te itungan dan, ne iring te nerusireman ke itungan dan ne kenà dan egkesebutan ke benar ne penurù te Eleteala.

Ruma 1:21 ပူးပေါင်းရင်းမြစ်များ

Juan 3:19

Iyan kedusa te Eleteala te menge etew su nekeuma en kayi te ampew te dunya si Hisus ke ed-ingaranan te Kerayag su ebpekerayag dut te itungan te langun ne menusiyà, ugaid ne iyan dan midtumù ke kerusireman tumin dè be dut te rayag su meraat ke ulaula ran.

Nenged-ulaula 26:18

Su sikandan ne arà se ed-ul-ulaan dan ne kenà meupiya ne iring te riyà dan te kerusireman. Ugaid ne pendiyà ka su ibpesabut nu kandan mekeatag kedì su apey ran mekehimerat ne ebpekeengked dan dut te meraat ne ed-ul-ulaan dan ne ebpekearat dan diyà te kerayahan, uya su ebpekeawà dan dut te kegkeuripen kandan te datù te pekaid ne ebpesakup dan en te Eleteala. Su apey egkepesehad ke menge salà dan sabap dut te kebperetiyaya ran kedì,’ ke si Hisus, ‘ne ebpekeamung dan dut te menge etew ne mibpemilì te Eleteala.’

Ruma 1:19

Sikandan ne edusaan te Eleteala su embiya egkiyuhan dan te egkesebutan dan mekeatag te Eleteala ne melemu ran ne egketuenan, su ini ne impayag te Eleteala kandan.

Ruma 1:28

Su warà te hinawa ran ke benar mekeatag te Eleteala, ne ketà mibelehad en te Eleteala sikandan te iyan ebayàbayà te itungan dan ne utew meraatey. Tembù be iyan dan ed-ul-ulaan ne meraat.

Ruma 11:10

Menu ma perem ke egkepisek dan su apey kenà dan en ebpekekita; ne runturumuntu se egketemanan dan taman te taman.”

Ruma 15:9

Ne ruma pà ne insuhù te Eleteala ki Hisu Kristu su apey ebpekereyù te Eleteala ke kenà menge Hudiyanen sabap dut te impekita rin ne daat te nanam din kandan. Su iring dut te impesurat rengan ne nekahi ni Hisu Kristu ne egkahi te, “Ibpemenudtul ku riyà te kenà menge Hudiyanen ke daat te nanam nu kandan. Uya, ebpemeyukbeyuken ku mekeatag keykew, Eleteala, kayi te kedeyù ku keykew.”

2 Timoteo 3:2

Ruen menge etew ne ginawa ren dà se ebpegitungen dan, ed-umamin dan te kearen dan, dekarak dan wey mepereyù, meharang se kebpengahikahi ran ne kenà dan en iya ed-adat te menge lukes dan. Embiya ebehayan etawa edtevangan dan ne warà te hinawa ran, ne warè en iya te itungan dan se kebpegeleteala.

1 Pedro 1:18

Ne netuenan ta ne mibelukasan ki te Eleteala rut te kegkeuripen tew te menge ulala tew rengan ne warà rantek din ne intetahak te menge keep-epuan tew. Ugaid ne sika se imbelukas kenitew ne kenà bulawan etawa pirak ne egkeawà ke elehà din.

1 Pedro 2:9

Ugaid ne sikami ne mibperetiyaya kandin ne mibpemilì te Eleteala ne egkevaluy key ne menge anak din. Ne iring key te menge terebpelengesa ne egelevek diyà te Eleteala ne datù tew. Ne sikami rema ke ebeyveyaan dan, ne sikami red dema se nepemilì din ne kandin ne menge etew su apey rey ibpemenudtul ke meupiya ne mid-ulaula rin keyta. Su rengan ne iring key te riyà te merusirem, ne guntaani ne Eleteala se midrayag kenami.

Imperayag 14:7

Ne midlalag sikandin te merahing se egkahi te, “Edati niyu ke Eleteala wey deyua niyu ke gehem din su nekeuma en ke hewii te edtimbangen din ke menge ulaula rut te langun ne menge etew. Pengarap kew kandin ke midlimbag te langit, tanà, rahat wey menge wayig.”

Imperayag 15:4

Is Kerenan, sikuna ke ed-edatan wey edeyuen dut te langun ne menge etew su sikuna rà ke ed-ulaula te metidtu nevenar. Tembù be ke menge etew diyà te langun ne menge inged ne ed-uvey keykew ne ebpengarap, su impekita nu en kandan ke langun ne mid-ulaula nu ne metidtu nevenar.”