Ruma 1:12 - Ke meupiya ne tudtul mekeatag ki Hisu Kristu

¹² Ne iyan ku egkiyuhan ne ke kebperetiyaya tew ki Hisus ne ebpetebtevangey kiyu. Su embiya egkekita niyu ke sarig ku, ne ke kedsarig niyu rema ne ebmeilut. Ne engketà e red dema ebmeilut ke sarig ku ke egkekita ku ke sarig niyu.

Ruma 1:12 ပူးပေါင်းရင်းမြစ်များ

Nenged-ulaula 11:23

Guna su nekeuma sikandin ne nekita rin arà se rekelà ne penaub te Eleteala ketà te menge etew. Ketà ne nehalew nevenar sikandin wey mibag-et din sikandan te egkahi te geweri ran te nevaher arà se kebperetiyaya ran ki Hisu Kristu ke Kerenan.

Ruma 1:11

Su rekelà te hinawa ku se kebpenumbaley ku riyà te keniyu su apey ruen dalan te kebpekepenurù ku keniyu rut te impenurù kediey te Kedesenan ne Ebpetuntul te Menusiyà su apey ed-ilut pà se kebperetiyaya niyu te Eleteala.

Ruma 1:13

Menge suled, ebpeketuenan ku keniyu te kenà kepipira ku rà pegitunga te kebpenumbaley ku riyà te keniyu, ugaid ne ruen ma ebpekevangen kediey. Su egkesuatan ku ne ebpemesabut a riyà te keniyu su apey ruen etew ne ebpekeperetiyaya ki Hisus iring dut te kinepesabut ku riyà te ruma ne menge inged ne kenà Hudiyanen.

Ruma 15:24

ne guntaani ne netahù te itungan ku se ebpengkeniyan ad te keniyu su ebpelin-awet a riyà te keniyu te kebpendiyà ku te inged ne Isepanya su ebpekibalak a keniyu neraan. Ne igkehalew ku te ebpemekebalak kiyu, ne embiya egkeipus ke ebpengesaken tew ne egkeawà ke limengew ku ne kalu ke edtevangan a nikiyu te kedlaus ku.

Ruma 15:32

Su embiya egkeipus ku en ini ne embiya idluhut te Eleteala, ne ebpekepengkeniyan ad te keniyu. Ne egkehalew a ketà te kebpekeuma ku, ne egkesuatsuat se hinawa ku ke ebpemekebalak kiyu.

2 Kurintu 7:13

Ketà puunan ne rekelà se kegkehalew ku. Ne mid-iseg se kegkehalew ku te nekita ku ke kinekehalew ni Tito, ne iyan din kegkehalew su nekita rin ke meupiya ne menge ulaula niyu kandin ne nevag-et se hinawa rin.

Ipisu 4:5

Seveka rà ke Kerenan tew, ne ruen arà seveka rà ne dalan te kebperetiyaya ne ebpekeamung kiyu riyà te Eleteala, ne iyan tuus te mibperetiyaya kiyu en ne seveka rà dema arà se kinebunyahi keytew.

2 Timoteo 1:4

Netenuran ku ke mibpengampet ne luwà nu te kinepekedsuwey ta en, Timoteo, ne dekelà se kiyug ku te kebpekebalak ta su apey a egkehalew nevenar.

Tito 1:4

Edsuratan ku sikuna, Tito, su iring ka en iya te tuney ne anak ku su seveka kiyu riyà te peretiyaya tew ki Hisu Kristu. Iyan ku kiyug ne egkeheram nu te tavang wey kelinew te itungan ne riyà ebpuun te Eleteala ne Amey tew wey si Hisu Kristu ne ebpeliyu kenitew dut te salà tew.

2 Pedro 1:1

Siaken si Simon Pedro ne edsurat kayi. Sugsuhuen a ni Hisu Kristu wey epustul din dema ne iyan din meana ne kedserihan a nikandin. Edsurat e red maa dut te sikiyu ne menge ruma ta te mibperetiyaya ki Hisus. Ne ini se kebperetiyaya rut te langun tew ne neked-iring su ebpuun ded langun te Eleteala wey si Hisu Kristu ne mibpeliyu keyta. Su sikandin, ne iyan din ed-ul-ulaan ne metidtu, ne warà misan engkey ne etew ne ibpelavi rin.

2 Juan 1:4

Nehalew ad utew te netuenan ku ne ruen menge anak nu ne eduma en te tidtu ne penurù ne insuhù keytew dut te Amey tew ne Eleteala.

Hudas 1:3

Menge suled ne igkelimù ku, mibpenemaran ku se kedsurat ku keniyu mekeatag te peretiyaya tew ne egkeheram te langun tew ne mibperetiyaya. Ugaid ne iyan migavan te itungan ku ne edsuratan ku pà sikiyu te kegkevag-et te itungan niyu te ed-itindeg dut te peretiyaya niyu su ini se penurù se imbehey te Eleteala dut te menge etew rin ne kenà en egkeumanan te misan deisek dà.