Pilipus 4:18 - Ke meupiya ne tudtul mekeatag ki Hisu Kristu

¹⁸ Na guntaani ne warà en egkepemengà ku ketà te impeewit niyu ki Ipapruditu su midsawadsawad en. Ne ini se imbehey niyu kedì ne iring te ruen imbehey niyu te Eleteala ne meemut se kegkearek din ne midtelimà din su nekesuhat te hinawa rin.

Pilipus 4:18 ပူးပေါင်းရင်းမြစ်များ

Nenged-ulaula 10:4

Ne netengtengan din ini se suluhuen te Eleteala su neandek ne migkahi te, “Engkey ma, Mama?” Migkahi ke suluhuen te Eleteala te, “Nerineg te Eleteala ke pengeningeni nu wey nekita rin ke tavang nu te menge ayuayu ne kenà din egkelipatan su nekesuhat ini te hinawa rin.

Ruma 12:1

Engketà be menge suled ku, ne geina te rekelà se keupianan ne imbehey te Eleteala keytew, ne ebuyuen ku keniyu te irumakan niyu kandin ke lawa niyu te ed-ulaula te kiyug din dà su apey kew ebpekesuhat te hinawa rin. Ini se ed-ul-ulaan niyu su ini ke dait ne ralan te kebpengarap niyu kandin.

2 Kurintu 11:8

Uya, warà migkuwa ku riyà te keniyu, inemulà te iyan mibehey kedì ne ke riyà te ruma ne inged ne mibperetiyaya gewii te kebpesabut ku keniyu. Iring a te mibpemenakew te igkeuyag ku riyà te kandan asal dà ne metevangi ku sikiyu.

2 Kurintu 9:12

Su ini se tavang ne ibehey niyu ne kenà iyan din dà neetahan se kedtevangi niyu rut te menge mibperetiyaya ki Hisus, ugaid ne egenat kayi ne ebmerakel ne etew se ebpeselamat te Eleteala.

Ipisu 5:2

Ne pelimlimuey kew iring dut te limù ni Hisus kenitew. Su ke limù din kenitew ne impekita rin ketà te imbeliwas din ke umur din su apey ke Eleteala se ebpeliyu kenitew te kedusa rin te menge salà tew. Ne ini se kinebeliwas din te umur din ne iring te indrenà ne ibehey te Eleteala ne nekesuhat te hinawa te Eleteala.

Pilipus 4:12

Neseharan ku en se meninit, ne neseharan ku en se warà egkepemengà. Ne nehuruwan ku te Eleteala te edtigker te piya engkey en se egketemanan ku, egkevulung e pà se egkevitil etawa ed-uraren wey meirù.

2 Tiselunika 1:3

Menge suled, kenà egkepakey ne kenà key layun ebpeselamat diyà te Eleteala mekeatag keniyu. Ne dait ini se ed-ul-ulaan dey su layun ebpekeiseg ke keilut dut te kebperetiyaya niyu ki Hisus wey ke kebpelimlimuey niyu ne ebpekeiseg lavew.

Hibruhanen 13:16

Ne kenà niyu lipati ke meupiya ne ulaula niyu rut te menge ruma niyu wey ke kebpetebtevangey niyu su ini ne timbang te ibehey niyu te Eleteala ne ebpekesuhat te hinawa rin.

1 Pedro 2:5

Ne sikami ne mibehayan te umur ne warà edtemanan din, ne iring key rema te menge pelaus ne ibpengawid te Eleteala te baley ne ibpeitindeg din. Ne iring key rema te menge terebpelengesa rin ne ebpelengesa su ibehey riyà te kandin. Ne iyan dey ibehey kandin ne ini se kebpeselamat dey wey ke kedeyù dey kandin, ne edtelimaan din su sabap te ned-ulaula ni Hisu Kristu.