Pilipus 3:11 - Ke meupiya ne tudtul mekeatag ki Hisu Kristu

¹¹ su egkepenareng ku te embiya ebpatey a ne ebenawen e red te Eleteala su apey a ebpekeubpà diyà te kandin.

Pilipus 3:11 ပူးပေါင်းရင်းမြစ်များ

Lucas 14:14

Ne embiya ini se ed-ul-ulaan nu ne dekelà se kegkehalew nu. Su kenà ke ma nikandan egkevayaran, ugaid ne Eleteala se ebales keykew ketà te akir din ne hewii te kegkevanew te menge etew ne metidtu se ulaula.”

Juan 11:24

“Uya,” ke si Marta, “netuenan ku se egkevanew red sikandin keuremà dut te kebenawa te menge minatey ketà te mewri ne hewii.”

Nenged-ulaula 23:6

Ne guna su nekita ni Pablo se ruen menge Sedusiyu wey menge Paresiyu ne nevurun ketà te Perekukum ne mibmerahing se suwara rin ne egkahi te, “Menge suled ku ne Hudiyanen, Paresiyu a wey ke menge lukes ku. Ugaid ne impeetuvang a niyu su atag dut te peretiyaya ku ne ebenawen te Eleteala ke menge minatey keuremà!”

Nenged-ulaula 26:7

Ne ini se impasad kandan ne iyan ebpenerengen dut te sepulù wey deruwa ne bansa te sikami ne menge Hudiyanen, tembù merukilem meandew ne ebpengarap dan te Eleteala. Ugaid ne sabap dut te ini se ebpenerengen ku, ke keupiya nu ne Ratù Egeripa, ne mibaluy te menge ruma ku ne Hudiyanen ne in-isuhat dan kediey.

Nenged-ulaula 27:12

Ne ke dungguan dutun ne kenà meupiya ne edtehuan te kapal embiya ke hewii te bagyu, tembù be ke kerekelan ne egkiyug ne edlaus su apey key mekeuma riyà te inged ne Pinisi diyà te punul ne Krita embiya egkepakey. Su meupiya ne edungguan arà taman te edsahad ke hewii te bagyu su egkeelangan ke keramag.

Ruma 11:14

Su kiyug ku perem ne meima ke menge ruma ku ne Hudiyanen te kayi te kedtevangi ku keniyu te menge kenà Hudiyanen, ne ini se petihayun ku te ruen diyà te kandan ne ebpekeperetiyaya ne ebpekepeliyu te kedusa te Eleteala kandan.

1 Kurintu 15:23

Si Hisu Kristu ke neuna ne nevanew su arà se edait. Ugaid ne ketà te hewii te kedlived din kayi te ampew te dunya ne langun tew ne ke sakup din ne ibpetundug kandin te egkevanew.

1 Kurintu 9:22

Ne embiya riyan a te menge etew ne meluvey pà se kebperetiyaya ran ki Hisus, ne kenà ku ed-ul-ulaan te iyan dan pegitungan ne salà. Iyan ku ked-ul-ulaa te iring ketà su apey ku egketevangi sikandan te ebpeiseg dut te kebperetiyaya ran. Tembù be kayi te kebpemesabut ku te Meupiya ne Tudtul dut te langun ne menge etew, ne ebpemengaan ku ke ralan te kebpeneheewit ku kandan te kebperetiyaya ki Hisus.

1 Kurintu 9:27

Ne iring te pesusuntuk ne edlumbaren ku ke lawa ku su apey ku kenà egkerumaan ke kiyug te lawa ku. Su merakel se impemandù ku keniyu, ne kenà ku egkiyuhan te siaken ke mibpemandù keniyu ne siaken en arà se kenà egkevehayan te Eleteala te lalew rin su warà a mebperumaruma.

2 Kurintu 11:3

Ne egkeipeng a keniyu su kema ke edsuwey ke hinawa niyu te keduma ki Hisu Kristu, ne kenà egkeseveka ke hinawa niyu kandin. Iring te ned-ulaula rengan ki Eba ne mid-ekalan dut te uled ne metau ne edliyuk ne si Setanas.

1 Tiselunika 3:5

Tembù be ketà te nerineg ku mekeatag te kebpekesekiti keniyu ne warà a meketigker, ne impepengkeniyan ku si Timoteo su apey ku metueni mekeatag dut te kebperetiyaya niyu. Su neuru ad su kalu ke negaga kew en rut te penggeram ni Setanas ke datù te pekaid, ne ketà ne ke helevek dey te ebpemesabut te Lalag te Eleteala ne warà atag din.

2 Tiselunika 2:3

Uram kew su apey kew kenà egkelimbungi su kenà pà ebpekeuma arà ne hewii te warà pà med-ulaula ini se mevaher ne kegkunterà te menge etew dut te Eleteala, ne arà ded ne hewii ne edlepew ke etew ne nepenù te meraat. Ketà te kedlepew rin ne egkunteraan din ke langun ne meupiya ne egkiyuhan te Eleteala. Ne sikandin se edereetan te Eleteala riyà te apuy ne rakà.

2 Timoteo 4:8

Engketà be ne ruen arà impenehana te Kerenan tew ne idlalew rin kedì su metidtu se keduma ku kandin. Ini se ibehey rin ketà te akir din ne hewii te kegkukum din te menge etew, ne sikandin dà se egkukum te metidtu nevenar. Ne kenà siaken dà se edlelawan su langun te etew ne egkelimù kandin wey ebpenareng te kedlived din ne ruen dema kandan.

Hibruhanen 11:35

Ne sabap dut te sarig te menge meritan ne ke menge anak dan ne minatey ne nevanew red maa. Duen duma pà ne menge etew ne mevaher se sarig dan te Eleteala ne nesigkem wey mibpekesekitan. Ne misan pà te nerasey ran taman te kinepatey ran ne iyan dan pinedtumù se ebpatey tumin dè be ke ebpekeengked dan dut te kebperetiyaya ran, su netuenan dan ne egkevanew red maa te Eleteala ne meupiya pà se ked-ubpà dan diyà te kandin.

Imperayag 20:5

Ne ini se kegkevanew ran ne ini ke neuna ne kegkevanew rut te menge minatey. (Ugaid ne ke ruma ne menge minatey ne kenà pà egkevanew taman te kenà egkepupus arà se sengivu ne rahun.)