Pilipus 2:30 - Ke meupiya ne tudtul mekeatag ki Hisu Kristu

³⁰ Su deisek dà ne ebpatey en sikandin te kedtuman din dut te helevek din ki Hisu Kristu. Ne inselakan din ke umur din te edtavang kedì su apey sikandin ke timbang sikiyu ne edtavang kedì.

Pilipus 2:30 ပူးပေါင်းရင်းမြစ်များ

Nenged-ulaula 20:24

Ugaid ne kenà ku en egkenehunan ini se umur ku su apey ku egkepasad ini se helevek ne impehelevek kedì te Kerenan tew ne si Hisus ne ini se kebpesabut dut te Meupiya ne Tudtul mekeatag te kegkeyru keytew te Eleteala.

Ruma 16:4

Ne sabap dut te kedtevangi ran kediey ne warà dan isepayan ke ebpatey ran. Ne rekelà be se kebpeselamat ku kandan, ne kenà siaken dà su misan ke langun ne kenà menge Hudiyanen ne mibperetiyaya en ne ebpengarap kayi ne rekelà ded dema se kebpeselamat dan.

1 Kurintu 15:53

Su ini se lawa ta ne ebpatey ne edsembian te lawa ne kenà en ebpatey. Uya, ini se lawa ta ne egkeredak ne edsembian te lawa ne kenà en egkeredak.

1 Kurintu 16:10

Ne embiya ebpekeuma si Timoteo keniyan te keniyu ne gelhelaa niyu sikandin su egelevek ded dema sikandin te Kerenan iring kediey.

1 Kurintu 16:17

Ne ingkehalew ku te nekeuma en si Istipanya, si Fortunatu wey si Ekeykus, su iring te migkurang ke kegkelimengawi ku keniyu.

2 Kurintu 12:15

Ne igkehalew ku te ibehey ke menge kearen ku wey ed-eminen ku ke resen ku te edtavang keniyu. Ugaid ne misan mid-iseg te kerekelà ke limù ku keniyu, ne sikiyu ne lemban ne edtustus se limù niyu kediey.

2 Kurintu 4:12

Uya, benar ne edtiviltivil se umur dey te kebpemesabut dey te Meupiya ne Tudtul su apey ruen keupianan niyu, ne ebpekekuwa kew te umur ne warà edtemanan din.

Pilipus 2:17

Kalu ke ed-imetayan a mekeatag kayi te helevek ku te Eleteala, ugaid ne embiya ini se ibped-ulaula kedì ne ini se lengesa ku ne edtudà ketà te ked-imetayi ran kedì ne iring ini dut te inumen ne idtahù tew rut te idrenà ne ibehey te Eleteala su apey egkepasad. Ne ke sarig niyu ne iring te arà se idrenà ne ibehey niyu te Eletela, tembù be kenà a egkemutu nasì pà te egkehalew a elin keniyu su ke kebpatey ku ne arà se ed-imasad te idrenà ne ibehey niyu te Eleteala.

Pilipus 2:27

Ne benar rema ne midaru si Ipapruditu su deisek samà ne ebpatey, ugaid ne ingkeyru sikandin te Eleteala ne neulian ded. Ne kenà sikandin dà se ingkeyru te Eleteala su siaken dema, su embiya nememenu sikandin ne dekelà pà maa ne kemutuwan ku.

Pilipus 4:10

Nehalew a nevenar ne dekelà se kinereyù ku ki Hisu Kristu ke Kerenan tew su misan neuhet en ne ruen en maa nekeuma ne ibpekita niyu te ruen ded hinawa niyu te edtavang kedì. Netuenan ku se kenà a niyu egkelipatan, ugaid ne guntaani pà ne nekeuma su warà dalan te kebpeewit niyu.

Pilipus 4:18

Na guntaani ne warà en egkepemengà ku ketà te impeewit niyu ki Ipapruditu su midsawadsawad en. Ne ini se imbehey niyu kedì ne iring te ruen imbehey niyu te Eleteala ne meemut se kegkearek din ne midtelimà din su nekesuhat te hinawa rin.

Filemon 1:13

Egkesuat a perem ne kayi ebpekeubpà sikandin te kedì su apey a rin egketevangi timbang sikuna taman te ini e pà te bilengguan su mekeatag te kebpesabut ku rut te Meupiya ne Tudtul.

Imperayag 12:11

Ugaid ne ke menge mibperetiyaya te Eleteala ne midtevanan dan arà se edsumbung kandan impepevayà dut te lengesa ni Hisus ke ed-ingaranan te Nati te Bilibili ne mid-imetayan diyà te pinebelavag ne kayu. Uya, midtevanan dan si Setanas impepevayà dut te benar ne penurù ne ibpemenudtul dan. Ne warà dan menuhuni ke umur dan misan ibpatey ran su atag dut te kebperetiyaya ran.