Pilipus 2:14 - Ke meupiya ne tudtul mekeatag ki Hisu Kristu

¹⁴ Ne kayi te langun ne ed-ul-ulaan niyu, ne ul-ulaa niyu te warà pemivihan ne kenà kew pekidlawan,

Pilipus 2:14 ပူးပေါင်းရင်းမြစ်များ

Mateo 20:11

Nekuwa ran ke sukey ran ne mibpemivig dan dut te kemuney.

Marcos 14:5

Iyan tumù ne indahang din ini ne igkepemehey pà diyà te menge ayuayu su labi tetelu nehatus ne pirak se elehà din!” ke sikandan. Ne nesewayan dan ini se meritan.

Marcos 9:14

Guna su nekeuma en ensi Hisus kayi te ruma ne edumdumaan din, ne nekita ran te midlingutan dan te merakel ne menge etew. Ruen kayi menge meyterù te penduan ne ebpekidlewanà kandan.

Lucas 5:30

Guna su nekita rut te menge Peresiyu wey ruma ne menge sakup dan ne menge meyterù te penduan ne dutun te uvey te valey ne nevurunan te ini se menge etew ne ebpemeked-erungut ki Hisus ne netegtehaad ne mibpendiyà dan te menge edumdumaan ni Hisus se ebpemivig te, “Meambe ke edseveka kew se egkaan kayi te menge etew ne ebpevayad te buwis wey ini se menge etew ne mekesesalà?”

Nenged-ulaula 15:2

Ne mibpekid-apul te mevaher en si Pablo ki Bernabe kandan, ne mibpekidlewanà dan mekeatag dut te impenurù ketà te menge etew. Tembù be ke menge mibperetiyaya ketà se midsuhù ki Pablo wey si Bernabe wey duma ne mibperetiyaya te ebpendiyà te inged ne Hirusalim su ebpekibalak dut te menge kedserihan wey ke menge pekilukesen mekeatag te ini ne penurù.

Nenged-ulaula 15:39

Ne nekedlewanà dan ne ketà ne mibpesuwayey ran. Ne si Bernabe, miduma rin si Juan ne ed-ingaranan ded maa ki Marcos ne mid-untud dan te kapal se ebpendiyà te inged ne Sipri.

Nenged-ulaula 15:7

Guna su neuhet en se kebpengasak dan ne mid-itindeg si Pedro ne migkahi te, “Menge suled, netuenan niyu en te kayi te keniyu ne siaken se nepemilì te Eleteala ne ebpesabut dut te Meupiya ne Tudtul diyà te menge etew ne kenà Hudiyanen su apey ran ebpekerineg ne ebpekeperetiyaya ran ki Hisus.

Nenged-ulaula 6:1

Ketà te arà ne hewii te ed-iseg-iseg en ke kerakel dut te menge mibperetiyaya ki Hisus, ne ruen nevaluy ne kewehaan dan dut te teleinged ne menge Hudiyanen ne Hibruwanen se kinehiyan din wey ke menge Hudiyanen ne Gerisiyanen se kinehiyan din. Iyan migkahi dut te menge Hudiyanen ne Gerisiyanen se kinehiyan din ne kenà egkevehayan ke menge balu ne meritan te kureta ne ed-um-umunen dan te uman gewii.

Ruma 12:18

Ne ed-ul-ulaan tew ke taman ne egkegaga tew te kebaal te meupiya su apey warà kewehaan ne egkeveelan.

Ruma 14:1

Na embiya ruen duma niyu ne mibperetiyaya en ki Hisu Kristu ugaid ne meluvey pà se peretiyaya rin, ne telimaa niyu sikandin te meupiya ne kenà kew pekidlawanà kandin embiya ke peretiyaya rin ne warà pà mekeiring dut te keniyu.

Ruma 16:17

Ebuyuen ku ve keniyu, menge suled ku, te ingat kew rut te menge etew ne ebaal te kegkereeti rut te kegkeseveka niyu te kebperetiyaya, ne elihu kew kandan su sikandan ke puunan dut te kegkeliyaliya te sarig niyu su ebpekesurang dan dut te benar ne penurù ne ingkepenurù keniyu.

1 Kurintu 10:10

Ne duen pà lavew ruma, ne kenà ki ebpemivig mekeatag te ed-ul-ulaan te Eleteala. Su arà ke mid-ulaula rut te ruma ne menge apù tew rengan ne mibpeveyaan dan te Eleteala te suluhuen din te ed-imatey kandan.

2 Kurintu 12:20

Ne ibpekebmutu te hinawa ku su kalu ke ebpekeuma a keniyan ne ruen egkekita ku ne ulaula niyu ne kenà ku igkesuat. Ne kalu ke ruen ed-ul-ulaan ku ne kenà niyu igkesuat su ke kedsawey ku rut te meraat ne ulaula niyu. Iyan ibpekebmutu te hinawa ku ne kalu ke ebpekeuma a ne ruen egkewaha keniyu, ruen ebpengelikud, ruen melemu ne egkeepes, ruen lelegawen, etawa ruen metehel ne ebpegkayà te ruma rin, ruen serupeten, ruen mepereyù wey ruen kenà egkepegumpung.

Gelasiya 5:15

Ugaid ne embiya iring kew te asu ne ebpekegkehatey su sabap dut te ebpemekedlewanà kew, ne urami niyu ke ebpekereraat kew rut te kedseveka te hinawa niyu te keduma ki Hisus.

Gelasiya 5:26

Iyan iya se kenà kiyu ebpereyùdeyù, ne kenà kiyu melemu ne egkeepes, ne kenà kiyu ebpepengpengelikurey.

Pilipus 2:3

Kenà be egkepakey ne iyan niyu ed-ul-ulaan ne ed-umamin te langun taman etawa ebpendantal. Ugaid ne ipeembavà niyu ke hinawa niyu, ne edati niyu ke menge ruma niyu.

1 Tiselunika 5:13

Ipekita niyu ke limù niyu kandan wey edati niyu su atag dut te helevek dan. Ne ruma pà ne ebuyuen ku ne petultulengerey kew.

1 Tiselunika 5:15

Embiya ruen ed-ulaula keniyu te meraat ne kenà kew edsulì kandan, ugaid ne iyan niyu ul-ulaa ke engkey se meupiya diyà te langun ne menge etew.

Hibruhanen 12:14

Ne uram kew te kenà kew ebpekevaal te kewahaan su apey ke itungan niyu dut te langun ne menge etew ne ebmelintad. Ne heleveka niyu te mevaher se kebmetidtu te ulaula niyu ne ebpekesuhat te hinawa te Eleteala, su embiya kenà iring ketà se ulaula tew ne kenà ki egkekita te Eleteala.

Santiago 1:20

Su embiya edlanget se etew, ne kenà ebpekeruma dut te metidtu ne ulaula ne ebpekesuhat te Eleteala.

Santiago 3:14

Ugaid ne embiya egkesihi ke etew wey mepereyù, ne kenà meupiya ne ibpendantal din mekeatag dut te meupiya ne ulaula rin wey ke dekelà ne nesebutan din su teruen sikandin wey nekerimpas sikandin dut te tidtu ne penurù.

Santiago 5:9

Menge suled ku, kenà kew pepempemivihey su apey kew kenà edusai te Eleteala. Mehaan en ebpekeuma ke egkukum su iring te edtiviltivil en an te gumawan.

1 Pedro 3:11

Ne med-engked sikandin dut te meraat ne ulaula ne iyan din ed-ul-ulaan ke meupiya, ne layun din ebpemengaa te meupiya ne kederepità dut te menge ruma rin.

1 Pedro 4:9

Iyan ta iya ed-ul-ulaan ne egalàhalà ki rut te menge ruma ta ne menge mibperetiyaya ne ebpepemenayik ki rut te valey ta.

Hudas 1:16

Ini se menge etew ne ed-engkenà dut te benar, ne merehen egkesukul se hinawa ran wey metehel ne ebpemivig. Iyan den dà edumaan ke meraat ne kiyug te lawa ran. Sahad se kepereyù dan, ne metau ran ne edlana te hinawa te ruma ran su dalan ini te kedsikep dan.