Pilipus 2:13 - Ke meupiya ne tudtul mekeatag ki Hisu Kristu

¹³ Su ke Eleteala ne ed-ubpà diyà te hinawa niyu ne edtavang keniyu, su sikandin se ebehey keniyu te kiyug te ebperumaruma kandin wey ke baher te kedtuman ketà.

Pilipus 2:13 ပူးပေါင်းရင်းမြစ်များ

Lucas 12:32

“Sikiyu ini se menge edumdumaan ku,” ke si Hisus, “kenà kew meandek, su misan deisek kew rà ne ke Amey niyu riyà te langit ne egkiyug ne egkeratù kew dut te menge etew ne Edetuan din.

Lucas 2:14

“Edeyù kiyu te Eleteala riyà te lesang te langit. Ne kayi te ampew te dunya ne mebmelintad ke hinawa rut te menge etew ne ebpekesuhat te hinawa rin.”

Juan 3:27

Migkahi si Juan te, “Warà etew ne ebpekekuwa te ketengdanen embiya kenà ebehayan te Eleteala.

Juan 6:45

Duen impesurat te menge etew ne mibpelembas te Lalag te Eleteala rengan ne egkahi te, ‘Langun ne menge etew ne ebpesebuten te Eleteala,’” ke si Hisus, “ne langun ne ebpemineg te ibpesabut kandin dut te Amey ku ne Eleteala ne eduma kedì.

Juan 6:65

Ne midsaup maa sikandin migkahi te, “Tembù be migkahi ku keniyu te warà senge etew rà ne ebpekeruma kediey embiya kenà egkepenehana ke hinawa rin dut te Amey ku ne Eleteala.”

Nenged-ulaula 11:21

Ke gehem te Eleteala ne neketavang kandan su medmerakel ne menge etew ne riyà te Antiyuka ne mibperetiyaya ki Hisus ke Kerenan ne mibpesakup kandin.

Ruma 12:3

Ne geina te ruen ketau ne imbehey kediey te Eleteala te kebpemesabut te lalag din, ne ebuyuen ku te langun niyu ne kenà niyu pegitunga te sikiyu rà se ruen gaga rin. Ugaid ne peketidtuwa niyu ke itungan niyu dut te negaga niyu, ne iyan niyu serihi ne endei rà taman te ketau ne imbehey keykew te Eleteala ketà te kedsarig niyu kandin.

Ruma 9:11

Ne guna su mehaan en ne ed-anak si Rebecca ne migkehiyan sikandin te Eleteala te, “Iyan edsugsuhuen ke kakey dut te ari rin.” Migkahi rin ini te warà pà ianak ini se seping, ne warà pà kenaweng dan te ed-ulaula te meraat wey meupiya. Tembù be ned-ulaula ini su ibpesabut te Eleteala te ke kebpemilì din te menge etew ne kenà kayi ebpuun te menge meupiya ne ulaula ran, ugaid ne ke kandin dà ne kiyug.

Ruma 9:16

Ketà ne nesebutan tew te ke penaub te Eleteala dut te langun ne etew ne kenà kayi ebpuun te kiyug te menusiyà etawa ke meupiya ne ulaula ran, ugaid ne sabap dut te iru te Eleteala.

1 Kurintu 12:6

Sikitew ne mibperetiyaya ki Hisus ne merakel se edsusunan te ibpehelevek tew kandin, ugaid ne sebseveka rà se Eleteala ne ebehey keytew te ketau su apey ki ebpeketuman ketà te ibpehelevek din keytew.

1 Kurintu 15:10

Ugaid ne ke raat te nanam te Eleteala kedì se puunan te kenà dineg dà te ebpengumew se kineparin te ulaula ku. Ne ruen nepentahan din ke kineraat te nanam din kedì su mibaluy a rin ne kedserihan din, ne ketà puunan ne iyan pà dekelà se nehelevek ku rut te langun ne kedserihan ni Hisus. Ugaid ne misan iring ketà se helevek ku, ne kenà ku arà egkegaga su arà ne tavang ded te Eleteala kedì.

2 Kurintu 3:5

Ne mekeatag dut te langun ne nehelevek dey, ne kenà dey egkekahi se kenami rà ne ketehel se kebpekegaga rey ketà su arà ne ketehel ne riyà ded ebpuun te Eleteala.

Ipisu 1:11

Langun taman ne egked-ulaula ne netahù en te Eleteala te itungan din ne egked-ulaula ini. Tembù be mibpemilì ki en nikandin rengan te warà pà melimbag ini se dunya su apey ki egkevaluy ne sakup din sabap dut te kebperetiyaya tew ki Hisus.

Ipisu 1:5

ne kiyug din ne egkevaluy kiyu ne kandin ne tuney ne anak ibpepevayà dut te kebpebpatey ni Hisus su arà ke kandin ne kiyug.

Ipisu 1:9

ne kayi ve ne ebpekesabut kiyu en te Eleteala te netahù te itungan din ne in-eles din pehaney ke engkey se netahù te itungan din ne edtumanen din dut te kedsuhù din ki Hisu Kristu.

Ipisu 2:8

Ne warà duma ne puunan te kebpekeliyu tew te salà tew ketà te kedsarig tew en ki Hisu Kristu ke kenà ke tavang dà dut te Eleteala. Warà ed-ul-ulaan tew ne ebpekegaga te kebpekeliyu tew su imbehey rà dè duen te Eleteala.

2 Tiselunika 1:11

Tembù be layun dey ibpengeningeni sikiyu diyà te Eleteala su apey ke ulaula niyu te keduma ki Hisu Kristu ne edait dut te menge etew ne mibpemilì te Eleteala. Ne ebpengeningeni key rema te ibpepevayà rut te gehem te Eleteala ne edtevangan kew su apey ebpekegaga kew te edtuman te misan engkey en ne meupiya ne ulaula ne egkiyuhan niyu wey langun ne ed-ul-ulaan ne nerudsuan niyu mekeatag dut te kebperetiyaya niyu ki Hisus.

2 Timoteo 1:9

Su iyan mid-ulaula te Eleteala keytew ne impeliyu ki rin dut te kedusa te salà tew, ne midsuhù ki nikandin te ed-ulaula te ebpekesuhat kandin. Ugaid ne kayi te kinepeliyu rin wey ke kinetawag din kenitew ne kenà egenat te meupiya ne ulaula tew su belidsalà ki. Ugaid ne impeliyu ki rin su dekelà se kiyug din te edtavang kenitew. Su rengdengani te warà din pà melimbag se piya engkey en, ne intahù din en te itungan din se ibehey rin si Hisu Kristu su tavang din kenitew.

1 Pedro 1:3

Ne edeyuen tew ke Eleteala ke Amey rut te Kerenan tew ne si Hisu Kristu. Dekelà se kegkeyru rin keyta su egenat te kebanew rin ki Hisu Kristu ne mibehayan kiyu rin te behu ne umur ne nevaluy ki ne menge anak din. Tembù be ruen ebpenerengen tew ne egkevanew ki red te Eleteala ne ebehayan te umur ne warà edtemanan din diyà te ubpaan din.