Pilipus 1:5 - Ke meupiya ne tudtul mekeatag ki Hisu Kristu

⁵ su egketenuran ku ke kinetavang niyu kedì te helevek ku te ed-eneb dut te Meupiya ne Tudtul. Su igenat dut te aney kew rà mibperetiyaya ne midtavang kew en kedì ne warà en mepitas taman guntaan.

Pilipus 1:5 ပူးပေါင်းရင်းမြစ်များ

Nenged-ulaula 2:42

Uman gewii ne ebpemineg dan dut te ibpenurù te menge kedserihan, ne neseveka ke hinawa dut te langun ne menge mibperetiyaya ki Hisus. Langun dan ne mid-amung te egkaan te pan su kedtenuri ran dut te kinepatey ni Hisus, ne mid-amung dan lavew te kebpengeningeni te Eleteala.

Ruma 11:17

Ne ke menge Hudiyanen ne iring te menge subpang ketà te kayu ne impemula te Eleteala ne warà mebpemehas ne midtamped te Eleteala, ne arà pà ne migkuwa sikandin te menge subpang te kayu diyà te ketelunan ne idsumpat din ketà te midtamped din ne subpang su apey edtuvù ketà te kayu. Ne sikiyu se kenà menge Hudiyanen ne sikiyu arà ke mehintelunan ne subpang te kayu, ugaid ne ke kayu ne nesumpatan niyu ne ke menge Hudiyanen ne nepemilì te Eleteala ne kandin ne menge etew rut te aney en se aney.

Ruma 12:13

Ne ebehayan tew te tavang ke menge suled tew te kebperetiyaya ne ruen kurang din, ne egelhelaan tew ke menge etew ne sumeseharey.

Ruma 15:26

Su nepegitung dut te menge suled tew ne mibperetiyaya kayi te lusud te Mesidunya wey Gerisya te iyan meupiya ne ebehey ran te tavang diyà te menge ruma tew ne mibperetiyaya riyà te Hirusalim ne ebpengevuluhan te egketemanan din.

1 Kurintu 1:9

Su ke Eleteala ne mibpemilì keniyu te ebpekidseveka rut te Anak din si Hisu Kristu ke Kerenan tew ne egkedserihan din nevenar.

2 Kurintu 8:1

Menge suled, egkiyuhan dey ne egketuenan niyu ke meupiya ne neveelan dut te menge mibperetiyaya riyà te inged ne Mesidunya egenat dut te tavang te Eleteala kandan.

Ipisu 3:6

Ini ve imbe ke impesabut din en. Kenà sikami rà ne Hudiyanen se ebpeketelimà te keupianan ne impasad te Eleteala dut te menge etew rin, su sikiyu rema ne kenà Hudiyanen ne mibperetiyaya rut te Meupiya ne Tudtul mekeatag ki Hisu Kristu ne ebpekeamung ded dema. Su egenat te kebperetiyaya niyu ki Hisus ne nevaluy kew en ne menge sakup te Eleteala, ne nekeamung kew rut te ebeyveyaan ni Hisus elin dut te menge Hudiyanen, ne ebpeketelimà kew red dema rut te langun ne impasad te Eleteala.

Pilipus 1:12

Menge suled, ebpeketuenan ku keniyu te kenà egkevangen ne ed-iseg ke Meupiya ne Tudtul ne ibpesabut ku misan ini a te bilengguan, su nasì ne mid-iseg pà.

Pilipus 1:16

Uya, su igkelimù a nikandan su netuenan dan te midserihan a ni Hisu Kristu te helevek te edtindeg dut te Meupiya ne Tudtul.

Pilipus 1:27

Na memekebalak kiyu ve se kenà, ne itahù niyu te itungan se iyan niyu rà ul-ulaa ke edait ne ulaula rut te menge mibperetiyaya te Meupiya ne Tudtul mekeatag ki Hisu Kristu. Ketà ne misan ebpendiyan a te keniyu etawa kenà, ne ke tudtul mekeatag keniyu ne ebpekeuma kayi te kedì ne warè en ebpekesawug ne meraat su seveka rà ne neuyun kew en dut te sarig niyu ki Hisu Kristu, ne ebpetebtevangey kew en te edtindeg dut te Meupiya ne Tudtul ne mibperetiyaya niyu.

Pilipus 1:7

Dekelà kew te hinawa ku! Ne dait ini se egkepegpegitung ku mekeatag keniyu. Su aney en taman guntaani ne mid-unungan a nikiyu te edtindeg kayi te Meupiya ne Tudtul mekeatag ki Hisu Kristu piya engkey ne kerehenan, ne misan ini ad te bilengguan ne edtavang kew red lavew. Tuus be te nekeamung kew te kebaher te tavang te Eleteala kediey.

Pilipus 2:12

Engketà be menge suled ne igkelimù ku, iring dut te kebperumaruma ni Hisu Kristu te Amey rin ne Eleteala ne ebperumaruma kiyu rema. Gewii te keniyan e pà te keniyu ne mibperumaruma kew rut te penurù ku keniyu, ne wey kew pè be maa kenà mebperumaruma dut te penurù ku ke warà ad. Ibpereyun niyu te ed-ulaula ke kedtuman niyu te kiyug te Eleteala keniyu, ne arà se kegkepasad te kebperetiyaya niyu. Ne ul-ulaa niyu ini egenat te dekelà ne adat niyu te Eleteala wey ke kegkeandek niyu te edsurang te lalag din.

Pilipus 2:22

Ugaid ne si Timoteo ini ne netuenan niyu en te ke ulaula rin ne meupiya, su iring sikandin te tuney ne anak ku te edtavang kedì te ebpesabut dut te Meupiya ne Tudtul.

Pilipus 4:3

Ne sikuna ne megeget ne ruma ku, ne tavang ka te ebpedtuntey kandan. Su in-amin dan ke hinawa ran te edtavang kedì te ebpesabut dut te Meupiya ne Tudtul. Uya, sikandan engki Klimen wey ruma pà ne layun edtavang kedì. Nekesurat en te Eleteala ke ngaran dan ketà te riberù ne edsuratan din te menge ngaran te etew ne nevehayan en te umur ne warà edtemanan din.

Filemon 1:17

Na engketà be arà embiya benar pà ne edsuled ki, ne telimaa nu sikandin iring te siaken ded.

Hibruhanen 3:14

Su embiya egewaran tew te mevaher ini se sarig tew te behu ki pà mebperetiyaya ki Hisus taman te ketepusan, ne ebpekeruma ki kandin dut te langun ne imbehey kandin te Amey rin.

2 Pedro 1:1

Siaken si Simon Pedro ne edsurat kayi. Sugsuhuen a ni Hisu Kristu wey epustul din dema ne iyan din meana ne kedserihan a nikandin. Edsurat e red maa dut te sikiyu ne menge ruma ta te mibperetiyaya ki Hisus. Ne ini se kebperetiyaya rut te langun tew ne neked-iring su ebpuun ded langun te Eleteala wey si Hisu Kristu ne mibpeliyu keyta. Su sikandin, ne iyan din ed-ul-ulaan ne metidtu, ne warà misan engkey ne etew ne ibpelavi rin.

1 Juan 1:3

Na ini se nekita rey wey ini se nerineg dey ne ini en se ibpenudtul dey keniyu su apey sikiyu ne duma rey su mibpekidseveka key rut te Amey tew ne Eleteala wey ke Anak din ne si Hisu Kristu.

1 Juan 1:7

Ugaid ne embiya ed-ubpà ki riyà te rayag iring te riyà te rayag ke Eleteala, ne ruen meupiya ne kedsusuled ta. Ne ebmelinis ki rut te langun ne salà ta su atag dut te lengesa ni Hisus ke Anak din ketà te kinepatey rin.