Pilipus 1:12 - Ke meupiya ne tudtul mekeatag ki Hisu Kristu

¹² Menge suled, ebpeketuenan ku keniyu te kenà egkevangen ne ed-iseg ke Meupiya ne Tudtul ne ibpesabut ku misan ini a te bilengguan, su nasì ne mid-iseg pà.

Pilipus 1:12 ပူးပေါင်းရင်းမြစ်များ

Lucas 21:13

Ugaid ne ini en imbe ke ralan te kebpekepesabut niyu kandan dut te Meupiya ne Tudtul mekeatag kediey.

Nenged-ulaula 8:4

Ne ini se mibperetiyaya ki Hisus ne nevurahey en, ne mid-eneb-eneb dan en diyà te langun ne menge inged se ebpesabut dut te Lalag te Eleteala.

Ruma 8:28

Ne sikitew ke mibpemilì te Eleteala te iyan nerumaan ke netahù te itungan din, netuenan tew te langun ne egketemanan tew ne ebeluyen din ne keupianan tew kayi te keytew ne egkelimù kandin.

Ruma 8:37

Ugaid ne misan egkerasey ki iring ketà ne kenà ki ebpetalew, su iyan ki red ebpeketavan su atag dut te gehem ni Hisu Kristu ke nelimù keytew.

Pilipus 1:5

su egketenuran ku ke kinetavang niyu kedì te helevek ku te ed-eneb dut te Meupiya ne Tudtul. Su igenat dut te aney kew rà mibperetiyaya ne midtavang kew en kedì ne warà en mepitas taman guntaan.

Pilipus 1:7

Dekelà kew te hinawa ku! Ne dait ini se egkepegpegitung ku mekeatag keniyu. Su aney en taman guntaani ne mid-unungan a nikiyu te edtindeg kayi te Meupiya ne Tudtul mekeatag ki Hisu Kristu piya engkey ne kerehenan, ne misan ini ad te bilengguan ne edtavang kew red lavew. Tuus be te nekeamung kew te kebaher te tavang te Eleteala kediey.

Pilipus 2:22

Ugaid ne si Timoteo ini ne netuenan niyu en te ke ulaula rin ne meupiya, su iring sikandin te tuney ne anak ku te edtavang kedì te ebpesabut dut te Meupiya ne Tudtul.

Pilipus 4:15

Su sikiyu ne menge etew ne an te Pilipus ne netuenan niyu te igenat pà dut te kinerudsù ku te ebpenudtul te Meupiya ne Tudtul keniyan te keniyu ne misan ketà te kineawà ku en riyà te inged ne Mesidunya ne warà ruma pà ne midtavang kedì ke kenà sikiyu rà. Sikiyu rà ne mibperetiyaya se midtavang kedì te kurang ku.

Pilipus 4:3

Ne sikuna ne megeget ne ruma ku, ne tavang ka te ebpedtuntey kandan. Su in-amin dan ke hinawa ran te edtavang kedì te ebpesabut dut te Meupiya ne Tudtul. Uya, sikandan engki Klimen wey ruma pà ne layun edtavang kedì. Nekesurat en te Eleteala ke ngaran dan ketà te riberù ne edsuratan din te menge ngaran te etew ne nevehayan en te umur ne warà edtemanan din.

1 Timoteo 2:8

Ne duen pà ebuyuen ku keniyu. Iyan ku kiyug ne piya endei en egkevurun ke menge etew ne mibperetiyaya ki Hisus, ne ke menge meama se ebpeneheewit keniyu te ebpengeningeni. Ugaid ne id-awà den pà neraan ke epes dan te ruma ran wey ke kebpelewlewaney ran apey iyan dan ibpeuna te hinawa ran ne ke Eleteala.

2 Timoteo 2:9

Tembù be egkerasey a guntaan su nevilanggù a iring te medmeraat ne etew. Ugaid ne misan mibakù a te sengkalì kayi, ne kenà dan egkevangen ke kebpemenudtul te Lalag te Eleteala.

2 Timoteo 4:17

Ugaid ne misan mid-ewaan a nikandan ne si Hisu Kristu ke Kerenan tew ne warà med-awà kedì. Kayi sikandin te uvey ku ne sikandin se mibaher te hinawa ku su apey ku igkeeneb igkepesabut ke tudtul mekeatag kandin diyà te langun ne menge etew ne kenà Hudiyanen. Ne sikandin be se mibpeliyu kedì ketà te ebpekekaid kedì su iring te mibigkat a rin kayi te bèbà te buaya.