Nenged-ulaula 9:22 - Ke meupiya ne tudtul mekeatag ki Hisu Kristu

²² Ne ini se kebpesabut ni Saulo mekeatag ki Hisus ne mid-iseg se kevaher din te kebpekepehimbenar dut te menge etew. Ne mepayag nevenar ke tuus ketà te impesabut din te si Hisus ke Impasad te Eleteala ne Ebperetuen te langun. Tembù be ini se menge Hudiyanen ne kayi te Demasku ne warà mekekahikahi.

Nenged-ulaula 9:22 ပူးပေါင်းရင်းမြစ်များ

Lucas 21:15

Su siaken dà se ebpekahi keniyu ne ebehayan ku sikiyu te ketampas te itungan su apey ke menge kunterà niyu ne kenà ebpeketavak ne kenà dan egkeliyu ke benar ne egkelalag niyu.

Nenged-ulaula 17:3

Ne midseysey rin kandan ke Lalag te Eleteala wey mibpetuusan din te edresayen wey ed-imetayan arà se Impasad te Eleteala ne Ebperetuen te langun wey ebenawen sikandin. “Si Hisus ini ne impenudtul ku keniyu,” ke si Pablo, “ne sikandin ke Impasad te Eleteala ne Ebperetuen te langun.”

Nenged-ulaula 18:5

Ne ketà te nekeuma ensi Silas ki Timoteo te riyà ebpuun te Mesidunya, ne iyan ibpeuna ni Pablo ne helevek din se ed-epunà sikandin se ebpesabut te Meupiya ne Tudtul su mid-ey-eyaran din te eguhud diyà te menge Hudiyanen te si Hisus ke Impasad te Eleteala ne Ebperetuen te langun.

Nenged-ulaula 28:23

Ketà ne mibpasad dan te hewii te eburun dan diyà te ki Pablo. Guna su neumaen ke hewii, ne merakel se nevurun dutun te ed-ubpaan ni Pablo. Ne igenat te meselem taman te merukilem ne impenurù ni Pablo wey impesabut din kandan mekeatag dut te Edetuan te Eleteala te menge etew. Su kiyug din perem ne ebpekeperetiyaya ran te si Hisus ke edtuman dut te impesurat ni Moises mekeatag te Penduan wey arà se impesurat dut te menge ebpelambas te Lalag te Eleteala rengan.

Nenged-ulaula 9:20

Dutun ne mibpendiyà sikandin te menge baley ne ebpengedian te menge Hudiyanen te penduan dan su ebpesabut te si Hisus ke Anak te Eleteala.

Nenged-ulaula 9:21

Ne langun te nekerineg kandin ne nengegeyip nevenar se egkahi te, “Kenà be sikandin ayan ke riyà te Hirusalim ne ebpemekesakit dut te menge etew ne ebpengarap ki Hisus? Kenà be iyan din kebpengkayi ne ebpenigkemen din ke edurumaruma ki Hisus su ed-ewiten din diyà te mepurù ne terebpelengesa diyà te Hirusalim?”

Nenged-ulaula 9:23

Warà meuhet ne miburun ke menge Hudiyanen ne netahù te itungan dan te ed-imetayan dan si Saulo,

Nenged-ulaula 9:27

Ugaid ne midtevangan si Saulo ni Bernabe su miduma rin te ebpendiyà te menge kedserihan, ne impenudtul din kandan te mibpekitakita si Hisus ke Kerenan ki Saulo te riyà dan te ralan gewii te ebpendiyà sikandin te inged ne Demasku ne mibpekidlalag ke Kerenan kandin. Ne impenudtul din elin te mevag-et ke kebpesabut ni Saulo dut te menge etew riyà te Demasku mekeatag te Meupiya ne Tudtul ibpepevayà dut te ngaran ni Hisus.

1 Kurintu 1:27

Su ke etew ne nepemilì te Eleteala ne ke etew ne ebpendereiseken te ruma rin ne warà mibperetiyaya su iring te kenà din egkegaga se lenged din. Iyan kinepemilì te Eleteala te etew ne iring ketà su apey egkeyeyai ke etew ne iyan din pegitungan se egkegaga rin ke langun. Ne engketà ded dema se mibpemilì ded dut te Eleteala ke etew ne warà behayi te ketehel din su apey egkeyeyai ke etew ne ruen ketehel din.

Gelasiya 1:18

Guna su nekedtetelu en ne rahun se kineulì ku riyà te Demasku, ne arà pà ne mibpendiyan a te inged ne Hirusalim su ebpekibalak a ki Pedro. Ne deruwa ne pedian se kineubpà ku riyà.

Pilipus 4:13

Misan engkey en se ebpekerumpak kedì ne egketigkeran ku su ke gehem ni Hisu Kristu ne iyan edtavang kedì.

1 Timoteo 1:12

Ebpeselemetan ku si Hisu Kristu ke Kerenan tew ne layun ebehey kedì te keeg kayi te gelevek ku. Uya, ebpeselemetan ku kandin su edserihan a rin, ne midtendù a rin ne egelevek kandin.