Nenged-ulaula 8:8 - Ke meupiya ne tudtul mekeatag ki Hisu Kristu

⁸ Tembù be nehalew nevenar ke menge etew dut te ini ne inged.

Nenged-ulaula 8:8 ပူးပေါင်းရင်းမြစ်များ

Juan 4:40

Guna su nekeuma en ini se menge etew te Semeriya ne mibuyù dan ki Hisus te kenà pà bevayà medlaus, ne ketà dema ne mid-ubpà si Hisus te nekederuwa ne hewii.

Nenged-ulaula 13:48

Guna su nerineg ini dut te menge etew ne kenà Hudiyanen ne nengehalew ran wey mideyù dan ke Eleteala mekeatag dut te lalag din. Ne langun ne menge etew ne nepemilì te Eleteala ne ebehayan te umur ne warà edtemanan din ne mibperetiyaya en ki Hisus.

Nenged-ulaula 13:52

Ne ke menge mibperetiyaya ki Hisus ne netetahak diyà te Antiyuka ne midlumun kandan ke Kedesenan ne Ebpetuntul te Menusiyà ne nehalew ran nevenar.

Nenged-ulaula 8:39

Guna su migaun dan en ne netekew te neawà si Felipe dut te Kedesenan ne Ebpetuntul te Menusiyà. Warà en mekita dut te meama, ugaid ne midlaus en ini se meama ne mehalew nevenar.