Nenged-ulaula 8:23 - Ke meupiya ne tudtul mekeatag ki Hisu Kristu

²³ Su netuenan ku,” ke si Pedro, “te laus ka ne egkesihi ne uripen ka dut te meraat ne ed-ul-ulaan nu.”

Nenged-ulaula 8:23 ပူးပေါင်းရင်းမြစ်များ

Juan 8:34

“Sebenarvenar ini se egkehiyen ku keniyu,” ke si Hisus, “te misan entei ne ebaal te meraat ne egkeuripen te salà.

Ipisu 4:31

Ketà be ne engkeri niyu se ebpetegtehuey te sakit te hinawa, ne engkeri niyu se ebpemeked-epesey wey ebpekunkuntereey. Engkeri niyu se ebpetugtugkiyangey wey ebpegkeyà te ruma niyu, wey ke ebpelelahey te ebpekererangit.

Tito 3:3

Su sikitew ne menge mibperetiyaya ne rengan ne menge merupangdupang ki, kenà ki meperumaruma, ne warà ki meketuntul ke tidtu ne penurù. Nengeuripen ki rut te langun ne kiyug tew rà, ne iyan dà neketahù kayi te hinawa ta ne meraat ne ebpekesakit te hinawa te ruma ta wey ebpesigsihiyey. Neepesan ki te menge etew, ne neepes ki red dema kandan.

Hibruhanen 12:15

Uram kew te kenà kew ebpekeiniyug dut te tavang wey limù te Eleteala. Su ke etew ne ed-ulaula te iring kayi se ebpekepeneheewit te ruma pà ne etew su iring en be te sagbet ne ebehas te mepait ne ebpekeilu.

2 Pedro 2:19

Su iyan dan ibpenurù ne embiya ruen etew ne eduma rut te ibpenurù dan ne warè en penduan ne ebpekeiket kandan. Ugaid ne sikandan se ebpenurù te tarù ne ed-uripenen dut te menge ulaula ran ne meraat ne ederaat dema kandan. Su netuenan ta ne uripen iya ke etew dut te piya engkey ne ebayàbayà kandin.

2 Pedro 2:4

Uya, benar ne edusaan te Eleteala sikandan su midusa rin ke menge etew rengan ne mid-ulaula te meraat. Su misan ke menge suluhuen din diyà te langit ne nekedsalà dengan ne warà din pedtedaya, ugaid ne in-antug din sikandan diyà te apuy nerakà ne ebekuen dan te sengkalì diyà te mermerusirem taman te ebpekeuma ke hewii te kedusa kandan te Eleteala.