Nenged-ulaula 8:21 - Ke meupiya ne tudtul mekeatag ki Hisu Kristu

²¹ Warà kebpekeamung nu etawa kebpekeruma nu te ini ne helevek dey,” ke si Pedro, “su kenà metidtu ke hinawa nu riyà te etuvangan te Eleteala.

Nenged-ulaula 8:21 ပူးပေါင်းရင်းမြစ်များ

Hibruhanen 4:13

Su warà misan engkey en ne nelimbag te Eleteala ne ebpekeeles kandin, su langun ne mepmepayag diyà te etuvangan din. Ne ketà te kegkukum din kenitew ne egkepenudtul iya diyà te kandin ke langun ne ned-ulaula tew kayi te ampew te dunya.

Juan 21:17

Ne migkahi pà maa si Hisus te, “Simon, sikuna ini ke anak ni Juan, maa igkelimù a nu?” Nerineg dà ni Pedro ne nemutu se hinawa rin su iketelu en ini te kedsulit ni Hisus te ed-insà kandin ke ruen limù din. Arà be ne migkahi en sikandin te, “Netuenan nu ke langun, Kerenan, ne netuenan nu en se igkelimù ku sikuna!” Migkahi en si Hisus te, “Tugenura nu ini se menge etew ku ne iring te menge bilibili ku.

Imperayag 22:19

Ne embiya ruen etew ne ruen id-awà din kayi te menge lalag ne nekesurat kayi, ne id-awà dema te Eleteala ke kegkepakey rin te egkaan dut te bahas te kayu ne ebpekevehey te umur, ne id-awà din dema te kegkepakey rin te edlusud ketà te inged te Eleteala ne impesabut ku kayi te riberù ini.

Imperayag 20:6

Ne ke langun ne menge etew ne neamung te neuna ne kebanew te Eleteala dut te menge minatey, ne egkehalew ran nevenar wey ebpeneuven dan. Su sikandan ne kenà dan en ebpekeamung dut te ikeruwa ne kemetayen te menge etew ke in-upama te kedusa te Eleteala te menge etew diyà te apuy nerakà. Ugaid ne sikandan ne menge terebpelengesa te Eleteala su apey egelevek dut te egkiyuhan te Eleteala wey si Hisu Kristu, ne edatù dan dema duma ki Hisus lusud te sengivu ne rahun.

Imperayag 2:23

Ne ed-imetayan ku rema ke menge etew ne eduma rut te impenurù din su apey egkekita te langun ne mibperetiyaya te siaken ke netau te langun ne netahù te itungan dut te menge etew wey ke egkiyuhan dan dema. Ne edusaan ku red dema ke uman seveka kandan te piya engkey se edait dut te menge ulaula ran.

Lucas 1:6

Ne ini se senge tiwelayan ne metidtu se hinawa ran diyà te etuvangan te Eleteala ne warà igkesawey kandan dut te kedtuman dan te langun ne suhù wey penduan te Eleteala.

Ipisu 5:5

Su tentenuri niyu ve ini su benar, ke etew ne ebpengingniyug, ke etew ne ed-ulaula te temperasà wey ke etew ne egkeeram-am ne kenà ebpekeamung sikandin dut te menge etew ne edetuan ni Hisu Kristu wey ke Eleteala. (Su ke etew ne egkeeram-am, ne arà se kegkeeram-am din se ebpengerapan din ne kenà ke Eleteala.)

Nenged-ulaula 8:37

Ne migkehiyan ni Felipe sikandin te, “Egkepakey ne ebunyahan ka embiya imbehey nu en ke hinawa nu ki Hisus su mibperetiyaya ka kandin.” “Mibperetiyaya ad,” ke se meama, “su mibperetiyaya a te si Hisu Kristu ke Anak te Eleteala.”]