Nenged-ulaula 7:55 - Ke meupiya ne tudtul mekeatag ki Hisu Kristu

⁵⁵ Ugaid ne si Esteban ini, ne midlumun en kandin ke Kedesenan ne Ebpetuntul te Menusiyà ne midlingakà sikandin diyà te langit ne nekita rin ke daman dut te Eleteala ne ketà ne nekita rin dema si Hisus ne mid-itindeg diyà te egkekewanan te Eleteala.

Nenged-ulaula 7:55 ပူးပေါင်းရင်းမြစ်များ

Marcos 16:19

Guna su nekeipus si Hisus ke Kerenan se edlalag kayi te menge edumdumaan din ne nevatun en diyà te langit, ne mibpinuu en diyà te egkekewanan te Eleteala.

Juan 11:41

Ketà ne midlilid dan en ke batu ne in-alang ne midlingakà en si Hisus diyà te langit se ebpengeningeni te, “Dekelà se kegkereyù ku keykew, Amey ku, su ebpeminehen nu ini se ebuyuen ku.

Juan 12:41

Migkahi ini ni Isayas su netuenan din dengan ke rekelà ne gehem ni Hisus ke Ibpeanak te Menusiyà ne ini se edlalag din mekeatag kandin.

Juan 14:3

Ne embiya ebpekependiyan ad,” ke si Hisus, “ne egkepenehenaan ku en sikiyu te ubpaan niyu, ne edlived a kayi su ebpeneheewiten ku sikiyu su apey misan endei a ne ketà kew red dema.

Nenged-ulaula 2:4

Ne mid-lumun kandan ke Kedesenan ne Ebpetuntul te Menusiyà ne nekelalag dan te menge kinehiyan ne kenà dan egketuenan ibpepevayà dut te gehem te Kedesenan ne Ebpetuntul te Menusiyà ne mibpelalag kandan.

Nenged-ulaula 4:8

Ne midlumun ki Pedro ke Kedesenan ne Ebpetuntul te Menusiyà ne midtavak se egkahi te, “Sikiyu ne menge egkeunutan dey wey menge pekilukesen dey,

Nenged-ulaula 6:10

Ugaid ne mibehayan si Esteban te ketau dut te Kedesenan ne Ebpetuntul te Menusiyà, tembù be warà mekeatu ke ebpekidlawan kandin.

Nenged-ulaula 6:3

Tembù be menge suled,” ke sikandan, “pemilì kew te pitu ne etew kayi te keniyu, ke etew ne midlumunan dut te Kedesenan ne Ebpetuntul te Menusiyà wey ruen ketau rin. Ne ini ne helevek ne idsarig dey riyà te kandan.

Nenged-ulaula 6:5

Nerineg dan ini se menge lalag dut te menge kedserihan ne nesuatsuat ke langun ne nevurun ketà. Ne mibpemilì dan en si Esteban su ini ne etaw ne dekelà se kebperetiyaya rin wey midlumunan dut te Kedesenan ne Ebpetuntul te Menusiyà. Ne ke ruma ne mepemilì dan dema ne si Felipe, si Procuru, si Nicanor, si Timun, si Parmenas, wey si Nicolas ne riyà ebpuun te Antiyuka. Si Nicolas ini ne kenà Hudiyanen, ugaid ne nekeruyud sikandin dut te tuluuwen dut te menge Hudiyanen.

Nenged-ulaula 6:8

Ne si Esteban ini, ne mibpenaub te Eleteala ne ruen gehem te Eleteala ne imbehey kandin su riyà te etuvangan te menge etew ne ruen neveelan din ne mekegeyip nevenar wey ulaula ne mekeinuinu.

2 Kurintu 4:6

Su rengan te kinelimbaha te Eleteala kayi te dunya ne migkahi sikandin dut te merusirem ke sikandin te, “Mebmerayag su apey meawà ini se merusirem!” Ne engketà ded dema ke mid-ulaula rin kenami su ke itungan dey ne mibmerusirem, ne mibpekerayag din su apey rey egkekita ke kepurù te Eleteala ne kayi rin impayag te ki Hisu Kristu.

Hibruhanen 1:3

Ne ke anlag dut te raman te Eleteala ne egkekita en kayi te Anak din, ne langun ne riyà te Eleteala ne kayi en dema te Anak din. Warà mibiraan dan iya. Ne sikandin se egawed dut te langun ne nelimbag kayi te dunya su kayi ebpuun te gehem dut te lalag din. Ne sikandin dema se mibaal te ebpekepeliyu te menge etew dut te salà din. Ne guna su nepasad din en, ne mid-ulì en diyà te langit ne riyà mibpinuu te egkekewanan te Eleteala ne warà repeng te kedatù din.

Hibruhanen 8:1

Iyan meana kayi rut te langun ne migkahi ku ne ruen en Mepurù ne Terebpelengesa tew ne ebpeninindeg kenitew diyà te Eleteala. Ne diyan en sikandin ebpinpinuu te dapit te egkekewanan te Eleteala diyà te langit.

2 Pedro 1:17

Su gewii te kayi pà si Hisus te ampew te dunya ne miduma key kandin dengan te ebpendiyà te arà ne buvungan ne impekita te Amey tew ne Eleteala ke kedeyua rin ki Hisus wey ke rekelà te kebpepurù din kandin. Su nerineg dey ke lalag dut te Eleteala ne Amey rin ne iyan pinekemepurù te langun, ke sikandin te, “Ini se Anak ku ne dekelà te hinawa ku; ne ebpekesuhat sikandin te hinawa ku kayi te langun ne ed-ul-ulaan din.”

Imperayag 21:11

Ebpeneringsing nevenar ini se inged su ke raman te gehem te Eleteala ne ketà. Ed-anlag ini iring dut te mepmepurù ne batu ne ed-ingaranan te hasper ne metmetingew iring te pehelungan.