Nenged-ulaula 7:52 - Ke meupiya ne tudtul mekeatag ki Hisu Kristu

⁵² Ne menu, duen be misan seveka te menge ebpelambas te Lalag te Eleteala rengan ne warà resaya dut te menge keep-epuan niyu? Warà! Su mid-imetayan dan arà se midsuhù te Eleteala rengan ne ebpesabut mekeatag te kebpekeuma dut te Sugsuhuen din ne metidtu ne si Hisus. Guna su nekeuma en sikandin, ne mid-ulug niyu diyà te menge etew ne egkeepes kandin ne mibpeimetayan niyu.

Nenged-ulaula 7:52 ပူးပေါင်းရင်းမြစ်များ

Mateo 5:12

Kehalew kew misan iring kayi te ini kew te ampew te dunya su dekelà se idlalew keniyu diyà te langit. Su iring ded dema ke impekaid dan dut te menge mibpelambas te Lalag te Eleteala rengan.”

Lucas 6:23

“Su iring kayi ke imped-ulaula te keep-epuan dan dut te menge etew ne mibpelambas te Lalag te Eleteala rengan. Egkehalew kew ke ini se egketemanan niyu ne id-idangdang kew su dekelà se lalew ne ebpenerengen niyu diyà te langit.

Juan 16:10

“Ibpesabut din kandan ke ulaula ne metidtu su ketà te ked-ulì ku diyà te Amey ku ne egketuenan dan se netuman ku en ke langun ne insuhù din kediey, ne id-anew ad nikiyu te mata.

Nenged-ulaula 2:23

Daan en ne netuenan te Eleteala te ibpalad si Hisus keniyu su ini ke intahù te itungan din. Ne mibpeimetayan niyu sikandin rut te menge etew ne mekesesalà ne inlansang dan sikandin diyà te pinebelavag ne kayu.

Nenged-ulaula 22:14

“Ketà ne migkahi si Ananias kediey te, ‘Ke Eleteala ne mibpengerap dut te menge keep-epuan tew se mibpemilì kenikew su apey nu egketueni ke engkey se kiyug te Eleteala ne ibpehelevek din keykew. Tembù be nekita nu ini se metidtu ne sugsuhuen din ne si Hisus wey nerineg nu ke migkahi rin.

Nenged-ulaula 3:18

Ugaid ne ini se mid-ulaula niyu ne ini ke ralan te kegketuman din ke Lalag te Eleteala ne impesurat din dengan dut te langun ne menge etew ne ebpelambas te lalag din, su ruen nekahi rin neraan mekeatag dut te Impasad din ne Ebperetuen te langun, ne edresayen sikandin.

Nenged-ulaula 3:24

“Na,” ke si Pedro, “ke menge etew ne ebpelambas te Lalag te Eleteala rengan igenat ki Samuel wey ke ebpeketundug kandin, langun dan ne pinekahi te Eleteala mekeatag te ini ne mibpayag neraan mekeatag ke engkey se egked-ulaula guntaan.

Nenged-ulaula 4:10

ne sikiyu wey langun ne menge etew te Israyil ne sebuta niyu te iyan kebpekeitindeg kayi te meama ne ini se etuvangan niyu ne neulian en su atag dut te gehem ne ibpepevayà dut te ngaran ni Hisu Kristu ne riyà ebpuun te Nesarit. Si Hisus ini ke impelansang niyu riyà te pinebelavag ne kayu, ugaid ne mibanew en te Eleteala.

1 Tiselunika 2:15

ne iyan mid-imatey ki Hisus ke Kerenan tew wey ke menge mibpelambas te Lalag te Eleteala rengan, wey mibpekesakit keyta. Tembù be neumanan ke keepes te Eleteala kandan! Egkunteraan dan te langun ne menge etew!

2 Timoteo 3:4

Kenà dan egkeserihan, ne warà metapid ne ed-ul-ulaan dan, ne sahad se kepereyù dan, ne iyan dan edtumuen se kebpatà dan te nanam ne ke Eleteala ne keluran en iya te itungan dan.

1 Pedro 1:11

Su ruen mibpeketuenan kandan neraan dut te Kedesenan ne Ebpetuntul te Menusiyà ne riyà ebpuun te ki Hisu Kristu te ruen kemeresayan ne egkeheraman ni Hisu Kristu kayi te ampew te dunya, ne embiya egkeipus arà ne egkekita ini se kebmepurù din. Ne mibpekid-inseey ran te keenu ed-ul-ulaa te Eleteala ini wey engkey se ralan te ini ne egketuman.

1 Juan 2:1

Edsuratan ku sikiyu, menge anak ku, su ralan te edtavang keniyu su apey kenà kew mekedsalà. Ugaid ne embiya ruen ebpekesalà, ne ruen edtindeg keytew diyà te Amey tew ne Eleteala ne si Hisu Kristu ini ne metidtu nevenar se ulaula rin.

Imperayag 19:10

Ne midlumpeng ad diyà te sineruwan din su ebpengarap a kandin. Ugaid ne midawey a nikandin se egkahi te, “Kenà ka ebpengarap kediey. Iyan dait ne ebpengerapan nu ne ke Eleteala rà su siaken ne seveka a ne sugsuhuen te Eleteala iring kenikew wey ke menge ruma nu ne eduma rut te benar ne tuluuwen ne impesabut ni Hisus.” Su ini se benar ne tuluuwen ne impesabut din ne ini rema ke impenurù dut te ebpelambas te Lalag te Eleteala.

Imperayag 3:7

Ketà ne migkahi en maa si Hisus te, “Surati nu red ke suluhuen ne ebantey dut te menge mibperetiyaya diyà te inged ne Piledilpiya, ne ini se menge lalag ne isurat nu. “‘Ini se menge lalag ku keniyan te keniyu. Siaken ke ed-ulaula te metidtu, ne egkeserihan a. Ne mibehayan a te kebayàbayà su apey edatù te iring dut te kedatù ni David dengan. Ne embiya ebpuwasan ku ke gumawan su apey ruen etew ne ebpekelusud ketà te edetuan ku, ne warà etew ne ebpekelekeb kayi. Ne embiya edlekevan ku ini su apey warà etew ne ebpekelusud, ne warà ded maa etew ne ebpekepuwas kayi.