Nenged-ulaula 6:3 - Ke meupiya ne tudtul mekeatag ki Hisu Kristu

³ Tembù be menge suled,” ke sikandan, “pemilì kew te pitu ne etew kayi te keniyu, ke etew ne midlumunan dut te Kedesenan ne Ebpetuntul te Menusiyà wey ruen ketau rin. Ne ini ne helevek ne idsarig dey riyà te kandan.

Nenged-ulaula 6:3 ပူးပေါင်းရင်းမြစ်များ

Mateo 23:8

“Ugaid ne sikiyu ve ne kenà kew peingaran te ‘Meyterù,’ su langun niyu ne iring te ebpenusuled su seveka rà ke Meyterù.

Juan 21:23

Ketà ne nekeeneb ke tudtul dut te langun ne eduma ki Hisus te kenà en ebpatey ini se senge etew rut te edumdumaan din. Ugaid ne kenà ma arà ke migkahi ni Hisus se kenè en ebpatey su iyan din migkahi te, “Embiya iyan ku egkesuatan se biviyag pà sikandin taman ketà te kedlived ku kayi te ampew te dunya, ne maa engkey ve se keykew ketà?”

Nenged-ulaula 1:15

Senge hewii ketà ne ruen kevurunan te menge mibperetiyaya ne menge mehatus dan wey deruwa nepulù se miburun, ne mid-itindeg si Pedro se edlalag.

Nenged-ulaula 1:21

“Ketà be,” ke si Pedro, “ne iyan iya se duen senge etew ne egkepemilì ne ebpekeamung kenitew te kedtitihus tew te nevanew en si Hisus ke Kerenan tew. Ebpemilien tew ini dut te menge ruma tew te hewii te kebpekiduma tew ki Hisus ke Kerenan tew igenat te kebpesabut ni Juan mekeatag te kebpembunyag taman te kinekevatun en ni Hisus diyà te langit.”

Nenged-ulaula 10:22

Midtavak dan te, “Impepengkayi key rut te Kepitan ne si Cornelio. Metidtu ne etew sikandin ne ebpengarap te Eleteala wey ed-edatan sikandin dut te langun ne menge Hudiyanen. Ne ruen suluhuen te Eleteala ne migkahi kandin te ibpeangey ka, Simon Pedro, su apey mekerineg sikandin dut te ibpesabut nu.”

Nenged-ulaula 15:23

Ne impepeewit dan kandan ke surat ne ini se migkahi rin, “Ini se surat ne kayi ebpuun te menge suled niyu ne mibperetiyaya ki Hisus kayi te Hirusalim, ke menge kedserihan wey ke menge pekilukesen. Meupiya key kayi, ugaid ne memenu kew keniyan langun ne kenà Hudiyanen ne menge suled dey te mibperetiyaya ki Hisus keniyan te inged ne Antiyuka wey riyà te menge pruvinsiya te Siriya wey Silisiya.

Nenged-ulaula 16:2

Ne langun ne menge mibperetiyaya diyà te inged ne Dirbi wey Ikunya ne meupiya se lalag dan mekeatag ki Timoteo.

Nenged-ulaula 2:4

Ne mid-lumun kandan ke Kedesenan ne Ebpetuntul te Menusiyà ne nekelalag dan te menge kinehiyan ne kenà dan egketuenan ibpepevayà dut te gehem te Kedesenan ne Ebpetuntul te Menusiyà ne mibpelalag kandan.

Nenged-ulaula 22:12

“Ne rutun te inged ne Demasku ne ruen etew ne ed-ingaranan ki Ananias. Ne meperumaruma sikandin te menge penduan tew wey ed-edatan te langun ne menge Hudiyanen ketà.

Nenged-ulaula 28:14

Dutun ne ruen neumaan dey ne menge etew ne mibperetiyaya ki Hisus ne mibpeubpà kenami diyà te kandan te lusud te senge pedian. Ketà ne mid-ipanew rey se ebpendiyà te inged ne Ruma.

Nenged-ulaula 6:2

Dutun ne impetawag dut te sepulù wey deruwa ne menge kedserihan ke langun ne mibperetiyaya ki Hisus ne migkahi ran te, “Kenà meupiya te sikami ne menge kedserihan se ed-engked ne ebpemesabut dut te Lalag te Eleteala apey rey egketuganur ke kurang dut te balu ne menge meritan.

Nenged-ulaula 6:5

Nerineg dan ini se menge lalag dut te menge kedserihan ne nesuatsuat ke langun ne nevurun ketà. Ne mibpemilì dan en si Esteban su ini ne etaw ne dekelà se kebperetiyaya rin wey midlumunan dut te Kedesenan ne Ebpetuntul te Menusiyà. Ne ke ruma ne mepemilì dan dema ne si Felipe, si Procuru, si Nicanor, si Timun, si Parmenas, wey si Nicolas ne riyà ebpuun te Antiyuka. Si Nicolas ini ne kenà Hudiyanen, ugaid ne nekeruyud sikandin dut te tuluuwen dut te menge Hudiyanen.

Nenged-ulaula 6:6

Ne ini se nepemilì dan ne impeitindeg dan ne impekilala rut te menge kedserihan. Ne gewii ran te ebpengeningeni ne indampen dan ke menge belad dan dut te nepemilì dan su ebuyù dan te ebpeneuven dan te Eleteala.

Nenged-ulaula 9:30

Guna su nerineg ini dut te menge ruma rin ne edurumaruma ki Hisus, ne mid-ewit dan si Saulo diyà te inged ne Sisariya ne impelaus dan sikandin diyà te inged ne Tarsu.

1 Kurintu 12:8

Duen ruma ne iyan imbehey kandin te Kedesenan ne Ebpetuntul te Menusiyà ne ke ketau te ebpesabut te ruma rin dut te benar ne penduan te Eleteala. Ne ke senge etew maa ne iyan imbehey kandin te Kedesenan ne Ebpetuntul te Menusiyà ne ketau te kedseysey rut te meralem ne penduan te Eleteala.

1 Kurintu 16:3

Su embiya ebpekeuma a ne edsuhuen ku ke menge etew ne nepemilì niyu ne ebpekeewit dut te imbehey niyu riyà te inged ne Hirusalim. Ne ibpeewit ku rema ini se surat ku kandan su apey ke menge etew ne ebpeketelimà ketà ne egketuenan dan ke engkey se elin ne lakew rut te menge etew ne mid-ewit.

Ipisu 5:18

Kenà kew ve ed-inum te ebpeketevereg su ayan ne ebpekegkeraat keniyu. Ugaid ne iyan niyu peveybeyaa te hinawa niyu ke Kedesenan ne Ebpetuntul te Menusiyà.

1 Timoteo 5:10

Iyan dà egkepakey ne valu ne ke ed-edatan su meupiya ke helevek din iring be te kinepeneheewit din te meupiya te menge anak din, kinetirapan din te ebpekaan dut te menge etew ne sumeseharey, kinetavang din te menge etew ne mibperetiyaya te Eleteala, labi en ke menge etew ne ebpekeanuyanuy te kerehenan wey misan engkey en ne ketulengeran din ne impekita rin diyà te menge ruma rin.

Santiago 1:17

Su iyan ebehey ke Eleteala te kenà meraat, su nasì pà te langun ne meupiya. Ne warà dema kurang te ibehey rin su langun ne riyà ebpuun te Eleteala ne riyà te langit. Ne sikandin se midlimbag te langun ne edsilà diyà te langit. Ne misan edsambìsambì dan se edsilà diyà te langit, ne ke Eleteala ne kenà ebparin misan deisek dà su warà ebpekeralung te keupiya rin, ne langun ne ibehey rin ne meupiya.

3 Juan 1:12

Ugaid ne si Dimitriyu ne nereyù sikandin dut te langun. Su nekita ran en ne ingenat dà te rudsuan ne midumaan din ke benar ne impenurù kandin. Ne misan sikami ne edeyuen dey rema sikandin, ne netuenan nu se benar ini se egkehiyen ku.