Nenged-ulaula 6:11 - Ke meupiya ne tudtul mekeatag ki Hisu Kristu

¹¹ Ketà ne ini se menge etew ne ebpekidlawan, ne ruen midselipsip kandan te kureta te egkahi te, “Nerineg dey ke meraat ne menge lalag ni Esteban mekeatag ki Moises wey ke Eleteala!”

Nenged-ulaula 6:11 ပူးပေါင်းရင်းမြစ်များ

Juan 1:17

Su si Moises ke nekepeneheewit te penduan te Eleteala kayi te langun tew ne menge menusiyà, ugaid ne si Hisu Kristu ke mibpepayag ne limù te Eleteala wey ke benar mekeatag te Eleteala.

Juan 16:3

Iring ketà se ed-ul-ulaan dan keniyu su warà dan metueni ke Amey ku ne Eleteala wey warà a ran dema metueni.

Juan 9:29

Netuenan dey nevenar te mibpekidlalag ke Eleteala ki Moises, ugaid ne ini se etew ini ne warà dey metueni ke endei sikandin nekepuun.”

Nenged-ulaula 15:21

Su ini ke penduan ni Moises ne netetahak din ne ibpetuman tew kandan ne neuhet en ne ebesaan ini diyà te menge baley ne ebpengedian te menge Hudiyanen te penduan dan te uman Gewii ne Id-imeley wey impesabut en ini diyà te langun ne inged.”

Nenged-ulaula 18:6

Ugaid ne guna su warà dan mebperetiyaya su edsumpalit dà kandin, ne mibpendagdag din ke lipupuk kayi te belegkas din ne tuus te ibpesabut din kandan te kenè en kilid kandin ketà te hewii ne kedtimbang te Eleteala kandan ne migkahi te, “Embiya kenà kew egkiyug ne ebpekeliyu rut te kedusa te Eleteala atag te salà niyu, ne sikiyu rà! Su kenè en kilid kediey! Su guntaani ne ebpendiyà ad te menge kenà Hudiyanen.”

Nenged-ulaula 21:28

Ne mibpememensag dan te, “Sikiyu ne menge ruma rey ne Hudiyanen, tevangi key su ini ne etew ne in-eneb din ke penurù din te menge etew te misan endei ne inged. Ne ebpekesurang ini se impenurù din te langun ne menge Hudiyanen wey ke penduan ni Moises wey misan ini se Nekebpuru ne Valey te Eleteala. Ne guntaani ne impelusud din en kayi te Nekebpuru ne Valey ini se kenà menge Hudiyanen ne egkeredsikan en.” (

Nenged-ulaula 25:3

te edtevangan din sikandan te ibpeewit kandin si Pablo diyà te inged ne Hirusalim, ugaid ne iyan dan kebuyua su ruen netahù te itungan dan te ed-ayanan dan si Pablo diyà te ralan su ed-imetayan dan.

Nenged-ulaula 25:7

Nekeuma si Pablo ne midlingutan sikandin dut te menge Hudiyanen ne riyà ebpuun te Hirusalim ne mevehat se in-isuhat dan kandin, ugaid ne warà tuus ne impetuus dan atag te id-isuhat dan kandin.

Nenged-ulaula 26:11

Warà tedtab te mid-ulaula ku te pekesekitan ku sikandan diyà te menge baley ne ebpengedian te menge Hudiyanen te penduan dan su apey ran meengkeri te kebperetiyaya ran ki Hisus. Ne neepes a nevenar kandan su midtelukunan ku pà diyà te meriyù ne menge inged su embiya ruen egkeumaan ku ne mibperetiyaya ki Hisus ne ebpekesekitan ku.

Nenged-ulaula 6:10

Ugaid ne mibehayan si Esteban te ketau dut te Kedesenan ne Ebpetuntul te Menusiyà, tembù be warà mekeatu ke ebpekidlawan kandin.

Nenged-ulaula 6:12

Sabap dut te tarù dan ne nehuvut ke menge etew, ke menge pekilukesen, wey ke menge meyterù dut te penduan. Ne arà dà iyan ne migsigkem dan en si Esteban ne mid-ewit dan sikandin su ibpeetuvang diyà dut te menge Perekukum.

Nenged-ulaula 6:13

Ne ruen dema impelusud dan ne edlalag te tarù mekeatag ki Esteban. “Ini se etew,” ke sikandan, “ne layun edlalag te meraat ne ebpekesuhat dut te egkeedatan ne Nekebpuru ne Valey te Eleteala wey mekeatag dut te menge penduan ni Moises.

Ruma 3:8

Ugaid ne embiya benar arà se egkehiyen dut te menge etew ne kerupangan se ebpegitungen dan ne iyan tew ibpeiseg ke langun ne kereetayan ne ed-ul-ulaan tew su apey egkekita ke ketidtu nevenar te Eleteala. Ugaid ne kenà benar arà misan duen menge etew ne midlivak kediey se egkahi te ini se ibpenurù ku. Edusaan te Eleteala atag dut te tarù dan, ne dait dan iya arà.

1 Timoteo 1:13

Misan engketà te rengan ne meraat se lalag ku mekeatag kandin, ne mibpemekeiran ku ke menge etew ne mibperetiyaya kandin, ne midtekudì ku sikandin, ugaid ne neyruwan a te Eleteala su warà e pà mekesabut te meraat ke ulaula ku su warà e pà mebperetiyaya ki Hisu Kristu.