Nenged-ulaula 5:9 - Ke meupiya ne tudtul mekeatag ki Hisu Kristu

⁹ Ne migkahi en maa si Pedro te, “Meambe ke sikew wey ke esawa nu ne neupakat te ebpenggeraman niyu ke Kedesenan ne Ebpetuntul te Menusiyà? Su ayan en maa ke menge meama ne midleveng dut te esawa nu, ne ed-ewiten ke red dema nikandan su idleveng ka!”

Nenged-ulaula 5:9 ပူးပေါင်းရင်းမြစ်များ

Mateo 4:7

Ne migkahi si Hisus te, “Ugaid ne ruen dema Lalag ne impesurat te Eleteala ne egkahi te, ‘Kenà kew baal te ralan ne ibpenggeram te gehem dut te Kerenan ne Eleteala niyu.’ ”

Lucas 16:2

Nerineg din arà ne midtawag din arà se kedserihan din ne migkahi te, ‘Engkey ini se nerineg ku mekeatag kenikew? Isurat nu en ke langun ne kegkuwinta nu kayi te ini se helevek ne insarig ku kenikew su kenà ke en egkepakey ne kedserihan ku.’

Nenged-ulaula 15:10

Na,” ke si Pedro, “meambe ke kiyug niyu ne ebperengitan niyu ke Eleteala ketà te ini se ibpetuman niyu dut te menge ruma tew ne mibperetiyaya ki Hisus! Su arà se ibpetuman niyu kandan ne penduan ni Moises, ne misan ke keep-epuan tew wey sikitew rema ne warà meketuman.

Nenged-ulaula 5:6

Ketà ne mid-uvey ke menge menguwed ne meama ne mibukusan dan ke bangkey rin ne mid-ewit dan su idleveng.

Ruma 10:15

Ne engkey se ralan te ebpemenudtul dut te Meupiya ne Tudtul embiya warà etew ne edsuhuen te ebpepenudtulen? Ugaid ne ruen menge etew ne midsuhù te Eleteala su iring dut te impesurat ne Lalag te Eleteala ne egkahi te, “Nengehalewhalew ran nevenar te kebpekeuma rut te menge etew ne ebpemenudtul te Meupiya ne Tudtul.”

Ruma 3:19

Na, nesebutan tew langun te iyan kinepesurat te Eleteala te penduan din su apey ke menge etew ne egkevehayan ketà ne ebperumaruma ran. Tembù be warà ralan te misan senge etew rà ne ebpekeparew ketà te kegkukum te Eleteala keytew su misan duen penduan te Eleteala kayi te keytew ne warà tew rumai.

1 Kurintu 10:9

Ne ruma pà maa, ne kenà tew ebpenggeraman ke Eleteala dut te meraat ne ed-ul-ulaan tew. Su ini ke mid-ulaula rut te ruma ne menge apù tew rengan ne iyan indusa kandan ne mibuntal dan te menge uled ne mibpematey ran.