Nenged-ulaula 5:4 - Ke meupiya ne tudtul mekeatag ki Hisu Kristu

⁴ Gewii te warà nu pà mebpasa ke tanà nu, ne keykew ayan. Ne guna su mibpasa nu en, ne sikuna red lavew se ebayàbayà dut te elehà din. Na, meambe ke nepegitung nu se ini ne ulaula ne meraat te iring kayi? Su kenà etew rà se edterùteruan nu, ugaid ne ke Kedesenan ne Ebpetuntul te Menusiyà.”

Nenged-ulaula 5:4 ပူးပေါင်းရင်းမြစ်များ

Lucas 10:16

Ne migkehiyan ni Hisus ke pitu nepulù ne ebpeipenawen din te, “Ke menge etew ne ebpemineg te ibpenurù niyu ne iring te iyan a ran ebpeminehen. Ne engkey se kenà edtelimà keniyu ne iring te iyan a rin warà telimaa. Ne engkey se kenà edtelimà kediey ne iyan din warà telimaa ke Eleteala ne midsuhù kediey.”

Nenged-ulaula 5:3

Ne migkehiyan sikandin ni Pedro te, “Ananias, meambe ke midtuhut ka ne ke datù te pekaid se ebayàbayà te hinawa nu su midtarùtarù ka rut te Kedesenan ne Ebpetuntul te Menusiyà? Su ruen intahak nu ne elehà dut te mibpasa nu ne tanà.

Nenged-ulaula 5:9

Ne migkahi en maa si Pedro te, “Meambe ke sikew wey ke esawa nu ne neupakat te ebpenggeraman niyu ke Kedesenan ne Ebpetuntul te Menusiyà? Su ayan en maa ke menge meama ne midleveng dut te esawa nu, ne ed-ewiten ke red dema nikandan su idleveng ka!”

1 Kurintu 8:8

Ugaid ne egkehiyen ku keniyu te kenà ini se egkeenen se iyan kedtengteng te Eleteala keyta ne meupiya. Su riyà te etuvangan din ne neked-iring dà se egkaan ki etawa kenà.

1 Tiselunika 4:8

Tembù be ke etew ne kenà eduma te ini ne ibpenurù ku ne kenà penurù te etew se id-engkenà din su iyan din id-engkenà ke penurù te Eleteala ne mibehey keniyu te Kedesenan ne Ebpetuntul te Menusiyà.

Filemon 1:14

Ugaid ne kenà ku ve ini ed-ul-ulaan ke kenà keniyan ded ebpekepuun te kenikew su kenà ku ebpengunaan ke hinawa nu. Su iyan meupiya ne egenat en te keputian te atey nu se kedtavang nu kedì.

Santiago 1:15

Ne embiya edumaan din arà se kiyug din ne meraat, ne ebpekevaal sikandin te salà. Ne embiya edsaup pà maa ebaal te salà, ne iyan din egketemanan se edusaan sikandin te Eleteala taman te taman.