Nenged-ulaula 5:32 - Ke meupiya ne tudtul mekeatag ki Hisu Kristu

³² Ne sikami,” ke si Pedro, “ne ebpeketitihus key te langun kayi ne benar, abpeg dut te Kedesenan ne Ebpetuntul te Menusiyà ne edtitihus dema su ebpelumunan kandin te Eleteala ke langun ne edtuman te menge suhù din.”

Nenged-ulaula 5:32 ပူးပေါင်းရင်းမြစ်များ

Juan 7:39

(Ini se impesabut ni Hisus mekeatag dut te Kedesenan ne Ebpetuntul te Menusiyà ne mehaan en ebpekeubpà diyà te menge etew ne ebperetiyaya kandin. Ugaid ne ketà ne hewii ne warà pà ingkevehey ni Hisus ke Kedesenan ne Ebpetuntul te Menusiyà ne ibpeubpà din kandan su warà pà nevanew si Hisus dut te Amey rin ne Eleteala te kebpekeulì din diyà te langit te kedeyù kandin te Amey rin.)

Nenged-ulaula 1:8

Ugaid ne embiya ebpekeuma en kayi te keniyu ke kedlumun dut te Kedesenan ne Ebpetuntul te Menusiyà,” ke si Hisus, “ne ebpeketelimà kew en te gehem ne sikiyu en ke ebpesabut mekeatag kediey kayi te inged ne Hirusalim, ne ieneb niyu en ini kayi te lusud te pruvinsiya te Hudiya, wey riyà dema te pruvinsiya te Semeriya, wey taman en diyà te epat ne pediyulu kayi te kelibutan.”

Nenged-ulaula 10:44

Ne gewii te edlalag pà si Pedro ne midlumun en ke Kedesenan ne Ebpetuntul te Menusiyà dut te langun ne menge etew ne ebpemineg te lalag din.

Nenged-ulaula 13:31

ne guna su nevanew en sikandin ne taman te pipira ne hewii ne mibpekitakita sikandin dut te menge nekeruma kandin ne egenat te lusud te Geliliya taman te Hirusalim. Ne guntaani ne sikandan se titihus ne ebpenudtul mekeatag ki Hisus diyà te langun ne menge kevuwaran ni Israyil.

Nenged-ulaula 15:28

Ne impesabut kenami dut te Kedesenan ne Ebpentuntul te Menusiyà te sikami ne neupakat dema te kenà dey ibpehes keniyu te ebpetuman en kew te langun ne penduan, ugaid ne ini iya se tumana niyu:

Nenged-ulaula 2:32

Ne ini se nekahi ni David ne iyan iya si Hisus,” ke si Pedro, “ne mibanew te Eleteala, ne langun dey ne neketitihus ne benar ini su nekita kayi te mata rey.

Nenged-ulaula 2:4

Ne mid-lumun kandan ke Kedesenan ne Ebpetuntul te Menusiyà ne nekelalag dan te menge kinehiyan ne kenà dan egketuenan ibpepevayà dut te gehem te Kedesenan ne Ebpetuntul te Menusiyà ne mibpelalag kandan.

Nenged-ulaula 5:29

Ketà ne migkahi si Pedro wey ke menge ruma ne menge kedserihan te, “Iyan dey iya edumaan ne ke suhù te Eleteala, kenà ke suhù ne mibeelan dà te etew.

Ruma 8:16

Su ke Kedesenan ne Ebpetuntul te Menusiyà se ebpesabut dut te hinawa tew te sikitew ne menge anak ki en te Eleteala.

2 Kurintu 13:1

Iketelu ku en ini te kebpengkeniyan te keniyu. Na upama ke ruen etew ne ebpekukum kedì, ne iyan impesurat ne Lalag te Eleteala se egkahi te, “Embiya ruen nekevaal te kukuman dut te ruma rin ne iyan ebpegingawà se ruen deruwa etawa merakel pà ne ebpenitihus te benar arà.”

1 Pedro 1:12

Ne mibpeketuenan dema te Eleteala dut te menge ebpelambas te lalag din te ini se egked-ulaula ne kenà egketuman dut te hewii ran pà, ugaid ne kayi te sikitew en guntaani ne egketuman ini. Ne benar arà. Su ini se nekahi ran neraan ne ini se Meupiya ne Tudtul ne impesabut en diyà te keniyu dut te ini se ebpemenurù keniyu guntaan. Ne ke Kedesenan ne Ebpetuntul te Menusiyà ne impepengkayi te Eleteala egenat te langit se ebpesabut kandan te ini se ibpemenurù dan. Ne misan ke menge suluhuen te Eleteala riyà te langit ne egkiyug dan ne egkesebutan ini.