Nenged-ulaula 5:31 - Ke meupiya ne tudtul mekeatag ki Hisu Kristu

³¹ Uya, mibanew sikandin te Eleteala ne mibatun din diyà te langit ne riyà impepinuu sikandin te egkekewanan te Eleteala su guntaani ne sikandin ke Kerenan tew wey sikandin se ebpeliyu keytew rut te keberedusaan tew te Eleteala su apey sikitew ke menge kevuwaran ni Israyil ne embiya ebpemedsendit kiyu wey ed-engked dut te meraat ne ed-ul-ulaan tew ne ebpeseharen din.

Nenged-ulaula 5:31 ပူးပေါင်းရင်းမြစ်များ

Mateo 1:21

Ne ed-anak sikandin te meama ne iyan nu id-ingaran ne si Hisus su sikandin ke ebpelihaun te menge etew rin dut te menge salà dan,” ke se suluhuen.

Mateo 28:18

Ugaid ne mid-uvey si Hisus kandan ne migkahi te, “Langun ne gehem te kebayàbayà diyà te langit wey kayi te ampew te dunya ne imbehey en kediey.”

Marcos 2:10

Ugaid ne guntaani ne ibpekita ku keniyu te ruen gehem rut te Impeanak te Menusiyà te ebpesehad te salà kayi te ampew te dunya.” Ketà ne migkehiyan din ke etew ne minatey ke tevì ne lawa rin te,

Marcos 4:12

su apey ‘Misan edtengteng dan, ne kenà dan ebpekekita; ne misan ebpemineg dan, ne kenà dan ebpekesabut. Su embiya nesebutan dan, ne edlived dan ke hinawa ran diyà te Eleteala ne egkepesehad din sikandan.’”

Lucas 2:11

Su ini ne kerukileman diyà te Bitlihim ke inged ni David rengan ne in-anak ke ebpeliyu keniyu dut te salà niyu. Su sikandin si Kristo ke Kerenan ne Impasad te Eleteala rengan ne Ebperetuen te langun.

Lucas 24:47

Ne kayi te kebpatey rin wey kayi te kebanew te Eleteala kandin,” ke se impesurat ne Lalag te Eleteala, “ne kayi ve imbe ne ruen kebpesahad te Eleteala te keberedusaan dut te menge etew ne ebpedsendit ne ed-engkenà te meraat ne ulaula ran. Ini se ieneb niyu te ebpesabut diyà te langun ne menge inged kayi te ampew te dunya. Kayi niyu irudsù te Hirusalim.

Juan 4:42

Migkehiyan dan ke meritan te, “Mibperetiyaya key en ne kenà ma ketà dà ebpuun dut te nekahi nu kenami, ugaid ne kayi te nerineg dey en dema ke penurù din ne netuenan dey se benar en iya ne sikandin ke netendù te Eleteala ne ebpeliyu te menusiyà.”

Nenged-ulaula 11:18

Nerineg dà ini rut te menge mibperetiyaya ne Hudiyanen, ne mid-engked dan en te edsawey kandin. Nasì pà te mideyù dan te Eleteala te migkahi, “Embiya iring ketà ne mibpedsendit dan en bes dema diyà te Eleteala arà se menge etew ne kenà Hudiyanen ne ed-engkeran dan ke meraat ne ulaula ran su apey ran egketelimà ke umur ne warà edtemanan din.”

Nenged-ulaula 13:23

Na,” ke si Pablo, “si Hisus ini ne kevuwaran ni David ne nepemilì te Eleteala ne impasad din ne ebpekepelihaun keytew ne menge kevuwaran ni Israyil.

Nenged-ulaula 2:33

Mibatun te Eleteala si Hisus ne riyà impepinuu te rapit te egkekewanan te Amey rin ne Eleteala, ne imbehey kandin dut te Amey rin ke Kedesenan ne Ebpetuntul te Menusiyà ne impasad kandin. Ne imbehey red kandin lavew ke ketengdanan te ibpepengkayi rin ke Kedesenan ne Ebpetuntul te Menusiyà dut te sikami. Ne ini se nekita niyu wey nerineg niyu ne ini se mekegeyip ne mid-ulaula dut te Kedesenan ne Ebpetuntul te Menusiyà ne imbehey rin kenami.

Nenged-ulaula 2:36

“Tembù be,” ke si Pedro, “langun te sikita ne menge kevuwaran ni Israyil ne iyan iya se edsebuten tew te si Hisus ini ne inlansang niyu diyà te pinebelavag ne kayu ne sikandin ke netendù te Eleteala ne Kerenan tew wey ke Impasad ne Ebperetuen te langun.”

Nenged-ulaula 2:38

Ne migkahi si Pedro te, “Engkeri niyu ke meraat ne ed-ul-ulaan niyu ne pebunyag kew, uman seveka keniyu, su tuus te mibpesakup kew en ki Hisu Kristu. Ne ebpeseharen te Eleteala ini se meraat ne ulaula niyu ne ke Kedesenan ne Ebpetuntul te Menusiyà ne ibpeubpà din kayi te keniyu.

Nenged-ulaula 3:15

Ne mibpeimetayan niyu sikandin, ke ebpuunan te umur ne warà edtemanan din; ugaid ne mibanew te Eleteala sikandin. Ne ebpeketitihus key ketà te nevanew en sikandin su nekita rey.

Nenged-ulaula 3:19

Na,” ke si Pedro, “pemedsendit kew wey engkeri niyu ini se meraat ne ed-ul-ulaan niyu, ne ibehey niyu ke hinawa niyu te Eleteala su apey egkepesahad din ke menge meraat ne ed-ul-ulaan niyu. Embiya ini se ed-ul-ulaan niyu,

Nenged-ulaula 3:26

Tembù be,” ke si Pedro, “mibpemilì te Eleteala si Hisus ne sugsuhuen din ne impeuna rin impepengkayi te kenitew ne menge Hudiyanen su apey ki ebpeneuva te Eleteala su ibpeengked ki rin dut te meraat ne ed-ul-ulaan tew.”

Nenged-ulaula 4:11

Si Hisus ini se nekahi dut te Lalag te Eleteala ne impesurat din dengan se egkahi te, ‘Ke pelaus ne mid-engkeran dut te sikiyu ne ebpemevaley su kunaan niyu ke warà rantek din, ne iyan en iya ini nepemilì ne segkad te valey.’

2 Kurintu 2:10

Ne embiya ebpeseharen niyu sikandin, ne ebpeseharen ku red dema. Su embiya mibpesahad niyu en, ne ebpeseharan ku rema su apey kew egketevangi, ne netuenan ni Hisu Kristu te benar ini se egkehiyen ku.

Ipisu 1:7

Ne ketà te kebpebpatey ni Hisu Kristu diyà te pinebelavag ne kayu, ne ini se ebpekepeliyu keyta rut te kedusa te salà tew su ebpeseharan en te Eleteala ke salà tew. Su sabap dut te limù din ne warà tedtab din,

Pilipus 3:20

Ugaid ne langun tew te tidtu ne mibperetiyaya ki Hisus ne kenà iring ketà, su misan ed-ubpà kiyu kayi te ampew te dunya ne ebpendiyà ki te surugà ne ke tidtu ne ubpaan tew. Ne riyà ebpuun dema ini se ebpenerengen tew ne Kerenan tew ne si Hisu Kristu ne mibpeliyu kenitew.

Kulasi 1:14

Su sabap dut te kinepatey ni Hisu Kristu ne arà imbe te nekepeliyu keyta te kedusa rut te salà tew, ne ketà ne kenà en ebpenundug ke Eleteala te salà tew.

Tito 1:4

Edsuratan ku sikuna, Tito, su iring ka en iya te tuney ne anak ku su seveka kiyu riyà te peretiyaya tew ki Hisu Kristu. Iyan ku kiyug ne egkeheram nu te tavang wey kelinew te itungan ne riyà ebpuun te Eleteala ne Amey tew wey si Hisu Kristu ne ebpeliyu kenitew dut te salà tew.

Tito 2:10

kenà dan mebpemenakew, ugaid ne layun dan mebpekita te langun ne ulaula ran ne egkeserihan. Su embiya iring ketà ne langun ne ed-ul-ulaan dan ne meupiya, ne ed-iseg se kegkeinesa rut te menge etew kayi te tidtu ne penurù te Eleteala ne ebpeliyu kenitew.

Tito 2:13

Ini rà be se ed-ul-ulaan tew te kedtahad tew ketà te meupiya ne Hewii ne ebpenerengen tew ne egkekita ta ke ed-andlag ne raman din dut te kedlived te Eleteala ne mekegehem ne si Hisu Kristu ke ebpeliyu kenitew.

Hibruhanen 12:2

Ne kenà kiyu ebpenlingìlingì te keduma tew ki Hisus su sikandin ke ed-iringan tew su sikandin ke rudsuan te kedsarig tew wey sikandin ded ke edtemanan. Midtigkeran din en ke keresayen te kinelensanga kandin diyà te pinebelavag ne kayu, ne warà din ingkeyeyai te ked-imetayi ran kandin ketà su netuenan din te ruen igkehalew rin embiya egkeipus din ini se helevek din te ebpeliyu kenitew. Ne guntaani ne ebpepinuuwen en sikandin diyà te egkekewanan ketà te ebpinuuwan te Eleteala ne edatù.

Hibruhanen 2:10

Netahù te itungan din ke Eleteala ne arà se ed-ul-ulaan din su ke Eleteala se midlimbag te langun taman, ne mibeelan din ini su edeyù kandin. Ne metidtu nevenar ke mid-ulaula rin su apey ke merakel ne anak din se ebpekeubpà diyà te kandin ne ebpekeamung dut te kebpurù kandin. Mid-ulaula rin ini dut te kinesuhua rin ki Hisus kayi te ampew te dunya se edresayen su apey rin ibpekita te warà deisek dà ne kurang ni Hisus te kebpekeliyu tew wey apey sikandin se egkevaluy ne egkeunutan tew ne ebpekeewit kenitew te ed-ubpà diyà te Amey rin.

1 Pedro 3:22

Ne guntaani ne diyà si Hisus mid-ulì te langit ne ebpinuu diyà te rapit te egkekewanan te Eleteala. Ne langun ne suluhuen te Eleteala wey langun ne ruma pà ne ruen gehem dan ketà ne sikandin se ebayàbayà kandan.

2 Pedro 1:1

Siaken si Simon Pedro ne edsurat kayi. Sugsuhuen a ni Hisu Kristu wey epustul din dema ne iyan din meana ne kedserihan a nikandin. Edsurat e red maa dut te sikiyu ne menge ruma ta te mibperetiyaya ki Hisus. Ne ini se kebperetiyaya rut te langun tew ne neked-iring su ebpuun ded langun te Eleteala wey si Hisu Kristu ne mibpeliyu keyta. Su sikandin, ne iyan din ed-ul-ulaan ne metidtu, ne warà misan engkey ne etew ne ibpelavi rin.

2 Pedro 1:11

Ne embiya iring ketà, ne Eleteala se egalàhalà keyta ketà te kedtelimà din keyta te edlusud dut te Edetuan ni Hisu Kristu ke Kerenan tew ne mibpeliyu keytew. Ne ini se Edetuan din ne warà edtemanan din.

2 Pedro 2:20

Ke ruen menge etew ne mid-awà dut te daan ne ulaula ran ne meraat su atag dut te mibperetiyaya ran ki Hisu Kristu ke Kerenan tew, ne ebpekeliyu ran dut te meraat ne ulaula kayi te ampew te dunya ne ederaat kandan. Ugaid ne embiya edlived dan ded maa dut te meraat ne nelayaman dan ne ingkeuripen dan, ne tuwas pà ne meraat se egketemanan dan dut te warà den pà mibperetiya.

2 Pedro 3:18

Na iyan meupiya ne edtentenuran tew ne ibpeiseg tew pà ini se neheraman tew ne penaub ni Hisu Kristu ke Kerenan tew ne mibpeliyu keytew su apey ini se nesebutan tew mekeatag dut te impesabut din ne ibpeiseg dema. Ne sikandin dema ke edeyuen ta guntaani wey taman te taman. Ini rà taman se surat ku. Pedro

1 Juan 4:14

Nekita rey kayi te mata ta ke Anak te Eleteala ne midsuhù din kayi te ampew te dunya ne ebpebaluy ne etew su apey ebpeliyu te menge etew te kedusa te salà dan. Ne ini se nekita rey ne ebpemenudtulen dey diyà te menge etew.

Hudas 1:25

Kenà kiyu ed-engked se edeyrey te Eleteala su sikandin dà se benar ne Eleteala ne ebpeliyu kenitew su sabap dut te mid-ulaula ni Hisu Kristu ke Kerenan tew. Su sikandin dà se mepurù te langun ne warà repeng dut te keupiya wey gehem din, su mibayàbayà sikandin te aney en te warà pà limbaha ini se kelibutan taman guntaani en ne warà ketepusan din taman te taman! Ne metuman be ini. Arà dà taman. Hudas