Nenged-ulaula 5:26 - Ke meupiya ne tudtul mekeatag ki Hisu Kristu

²⁶ Arà dà ne mibeyaan en dut te kepitan te menge ebantey wey ke menge ruma rin ne mid-ewit dan ini se menge kedserihan. Ugaid ne warà dan pekesekiti sikandan su neandek dan dut te menge etew su kalu ke ebpenrumbehan dan te batu.

Nenged-ulaula 5:26 ပူးပေါင်းရင်းမြစ်များ

Mateo 14:5

Ne ebpeimetayan perem ni Hirudis sikandin, ugaid ne neandek sikandin te menge Hudiyanen su migkahi ran te ebpelambas te Lalag te Eleteala si Juan.

Mateo 21:26

Ugaid ne embiya egkahi ki te, ‘Kayi red ebpuun te menusiyà,’ ne egkekeiran ki su mibperetiyaya ke langun ne menge etew te mibpelambas te Lalag te Eleteala si Juan.”

Mateo 26:5

“Ugaid ne iyan be kayi se kenà ta ini ed-ul-ulaan te ebpekeatuk dut te pista,” ke sikandan, “su kema ke egkekita rut te menge etew ne egkeepes dan keytew ne egkehuvut en ketà.”

Mateo 26:58

Ugaid ne si Pedro, ne midtundugtundug ded kandan taman te nekeuma sikandin diyà te lama te valey dut te pinekemepurù te menge terebpelengesa. Ne rutun ne midlusud sikandin dut te lama ne mibpekid-amur en mibpinuu dut te menge bantey te baley su edtengtengan din ke engkey se ibped-ulaula ran ki Hisus.

Lucas 20:19

Edsigkemen perem si Hisus dut te menge meyterù te penduan wey ke menge unuten te terebpelengesa su netuenan dan te sikandan ke nesuhat te sempità din dut te menge etew ne pinekamal te pemulaan. Ugaid ne neandek dan dut te merakel ne menge etew.

Lucas 20:6

Ugaid ne embiya egkahi ki te, ‘Kayi red ebpuun te menusiyà,’ ne ebpenrumbahen ki rut te menge etew te batu su langun dan ne mibperetiyaya te si Juan ne mibpelambas te Lalag te Eleteala.”

Lucas 22:2

Ne ebpemengà ke menge mepurù te terebpelengesa wey ke menge meyterù te penduan te ralan te kedsigkem dan ki Hisus te kenà egketuenan te menge etew su egkeandek dan te menge etew.

Lucas 22:4

Ne midlihawang sikandin se ebpendiyà te menge mepurù te terebpelengesa wey ke menge kepitan dut te ebantey te Nekebpuru ne Valey te Eleteala su ebpekidsabut kandan ke memenu se kebpulid din ki Hisus.

Nenged-ulaula 4:21

Meilut nevenar se kinebaag kandan dut te menge Perekukum, ne ketà ne impeliyu ran en. Warà dan metikà te ebpekesakit si Pedro ki Juan su neandek dan dut te langun ne menge etew ne edeyù te keupiya te Eleteala su atag dut te ini ne ned-ulaula.

Nenged-ulaula 5:13

Ne ke menge etew ne warà pà mibperetiyaya ki Hisus, ne warà dan meketikà ne ed-amur ketà te kandan, misan dekelà se ked-adat kandan dut te langun ne menge etew.

Nenged-ulaula 5:22

Nekeuma ini se midsuhù diyà te bilengguan, ne warà en ketà ke menge kedserihan. Ketà ne mid-ulì dan en diyà te menge perekukum ne mibpenudtul dan.

Nenged-ulaula 5:24

Guna su nerineg ini dut te kepitan te menge ebantey te Nekebpuru ne Valey te Eleteala wey ke menge mepurù te menge terebpelengesa, ne neinuinu ran nevenar ne ebpein-inseey ran ke engkey se ned-ulaula rut te menge kedserihan.

Nenged-ulaula 5:25

Na ruen etew ne midlusud ne migkahi kandan. “Arà se menge etew ne impevilanggù niyu,” ke sikandin, “ne ini en te lusud kayi te Nekebpuru ne Valey te Eleteala se ebpenurù te menge etew!”