Nenged-ulaula 5:12 - Ke meupiya ne tudtul mekeatag ki Hisu Kristu

¹² Ne merakel se ulaula ne mekegeyip wey mekeinuinu ne ned-ulaula ne mibeelan dut te menge kedserihan ni Hisus diyà dut te menge etew. Ne langun dut te menge mibperetiyaya ki Hisus ne lelayun egkevurun diyà te ed-ingaranan te “Palàpalà ni Salomon”.

Nenged-ulaula 5:12 ပူးပေါင်းရင်းမြစ်များ

Marcos 16:20

Ne mid-ipanew en dema ini se menge edumdumaan din se ebpesabut dut te Meupiya ne Tudtul mekeatag kandin diyà te langun ne menge inged. Ne Eleteala se midtavang kandan su nekevaal dan te menge mekegeyip apey mekeperetiyaya ke menge etew te benar ini se ibpesabut dan.] [ (9) Mibpendiyà ke menge meritan te enki Pedro ne intarem dan ke langun ne nerineg dan. (10) Neipus ini ne pineipanew ni Hisus ke menge edumdumaan din egenat te edsilaan ne ebpependiyà te edsenlepan su ebpesabut dan te berekat ne lalag mekeatag te umur ne warà edtaman din.]

Juan 10:23

Ne riyà si Hisus ed-ip-ipanew te palàpalà te Nekebpuru ne Valey te Eleteala ne ed-ingeranan te Palàpalà ni Datù Salomon.

Juan 4:48

Nerineg dà ni Hisus ne migkehiyan din en te, “Embiya kenà kew ebpekekita te tuus ne ebpekegeyip ne kenà kew ebperetiyaya.”

Nenged-ulaula 1:14

Langun dan ne lelayun eburun su ebpengeningeni diyà te Eleteala, ne mid-amung dema ke menge meritan, elin dutun si Maria ke iney ni Hisus wey ke menge meama ne ari ni Hisus.

Nenged-ulaula 14:3

Ne malù meuhet se ked-ubpaubpà ni Pablo ki Bernabe ketà te inged ne Ikunya. Ne warà kegkeandek dan te ebpesabut mekeatag ki Hisus ne Kerenan. Ne mibpekita ke Kerenan dut te menge etew te benar arà se Lalag ne impesabut ni Pablo mekeatag te kegkeyru te Kerenan kandan su imbehey rin kandan ke gehem din te ebaal te ulaula ne mekegeyip wey mekeinuinu ne ed-ul-ulaan.

Nenged-ulaula 16:18

Arà se mid-ulaula rin lusud te merakel ne hewii ne netaman ketà ne neperè en si Pablo ne midlilingey rin ne migkehiyan din ke busew te, “Egenat te gehem te ngaran ni Hisu Kristu ne idsuhù ku keykew te awà ka keniyan te meritan.” Arà dà ne mid-ewaan en dut te busew ke meritan.

Nenged-ulaula 19:11

Gewii te ed-ubpà ketà si Pablo, ne mibaal ke Eleteala te merakel ne ed-ul-ulaan ne mekegeyip ibpepevayà ki Pablo.

Nenged-ulaula 2:46

Uman gewii ne langun dan ne eburun diyà te Nekebpuru ne valey te Eleteala. Ne egkeseveka ran lavew ne egkaan diyà te menge valey ran, ne mehalew nevenar se hinawa ran, ne mibehey ran te ruma ran te lila ne hinawa ran.

Nenged-ulaula 28:9

Guna su nerineg ini dut te menge etew ne ed-ubpà ketà, ne mid-ewit dan ke langun ne ederaru ne nengeulian.

Nenged-ulaula 3:11

Ketà te egawed pà ke meama ki Pedro wey ki Juan diyà te palàpalà ne ed-ingaranan te Palà-palà ni Salomon, ne mibpelelahuy ke menge etew se eburun ketà su negeyip dan nevenar.

Nenged-ulaula 4:30

Ipayag nu ke gehem nu su apey egkeulii ke menge ederaru wey ipekita nu ke ebeelan nu ne mekeinuinu wey ulaula nu ne mekegeyip ibpepevayà dut te ngaran ni Hisus ke sugsuhuen nu ne meputì nevenar se atey rin.”

Nenged-ulaula 9:33

Ketà ne ruen neuma rin ne senge etew ne ed-ingaranan ki Eneas. Midtibas te ayew ini se etew ne nekedwalu en ne rahun ne warè en mekeenew-enew sikandin.

Nenged-ulaula 9:40

Ne impeluwal ni Pedro langun dan dut te sungkù, ne mibpenimbuel sikandin se ebpengeningeni te Eleteala. Rutun ne midsineruwan din ke minatey ne migkehiyan din te, “He Tebita, enew ka!” Nehimerat ke mata rin ne nekita rin si Pedro ne ketà ne mibpinuu.

Ruma 15:19

Uya, nekeperetiyaya ran sabap dut te nekita ran ne mibpeveelan kediey te Eleteala ne mekegeyip wey sabap dut te gehem dut te Kedesenan ne Ebpetuntul te Menusiyà. Ketà be ne riyà te langun ne neipenawan ku ne impemenudtul ku en ke Meupiya ne Tudtul mekeatag ki Hisu Kristu igenat dà te Hirusalim taman te inged ne Eliriku.

2 Kurintu 12:12

Arà te riyan e pà te keniyu ne nekita niyu te benar ne kedserihan a ni Hisu Kristu kayi te langun ne mibeelan ku. Su misan engkey se kemerehenan ne midtigkeran ku, ne nekita niyu ke menge mekegeyip wey ke menge mekeinuinu ne mibeelan ku su tuus te benar ne kedserihan a ni Hisu Kristu.

Hibruhanen 2:4

Ne impekita rema te Eleteala se benar ini se mibpemenudtul dan kayi te mekegehem ne tuus, menge mekegeyip wey mekeinuinu ne ulaula ne mibpeveelan din kandan. Ne ruma pè ne impekita rin se benar ini su ruen menge ketau dut te Kedesenan ne Ebpetuntul te Menusiyà ne imbehey rin diyà te menge mibperetiyaya su migkiyuhan din.