Nenged-ulaula 4:36 - Ke meupiya ne tudtul mekeatag ki Hisu Kristu

³⁶ Ketà ne hewii ne ruen senge etew ne ed-ingaranan ki Jose ne diyà in-anak te Sipru. Hudiyanen sikandin ne kevuwaran ni Levi, ne iyan in-ingaran kandin dut te menge kedserihan ne si Bernabe (ne iyan din meana ne “Ke Ebag-et te Hinawa te Ruma Rin”).

Nenged-ulaula 4:36 ပူးပေါင်းရင်းမြစ်များ

Marcos 3:17

si Santiago wey ke ari rin si Juan (ke mid-ingaranan ni Hisus te Buwanirgis ne iyan din meana ne “Menge etew ne iring te Ruhung”) ini se deruwa ne menge anak ni Sibidyu.

Nenged-ulaula 11:30

Na ini se mid-ulaula ran, ne mibpeewit dan te kureta ki Bernabe wey si Saulo diyà te menge pekilukesen dut te menge mibperetiyaya diyà te Hirusalim.

Nenged-ulaula 12:25

Ne geina te nekeipus en si Bernabe wey si Saulo te mibpeveelan kandan diyà te Hirusalim, ne mid-ulì dan en diyà te Antiyuka. Ne pineruma ran si Juan ne ed-ingaranan dema ki Marcos.

Nenged-ulaula 13:1

Diyà te menge mibperetiyaya ne riyà te Antiyuka ne ruen menge ebpelambas te Lalag te Eleteala wey ebpenurù te Lalag din. Ketà ne si Bernabe, si Simeon (ke ed-imukuen te Meitem), si Lucio (ne riyà ebpuun te Sirini), ne si Menain (ne riyan en medekelà te ki Hirudis ne gubinedur) wey si Saulo.

Nenged-ulaula 13:15

Duen mibasa rut te insurat ne penduan ni Moises wey ingkesurat dut te menge ebpelambas te Lalag te Eleteala dengan. Neipus ketà ne ruen midsuhù dut te pekilukesen diyà te baley ne ebpengedian dan te migkahi te, “Menge suled, embiya ruen egkehiyen niyu kayi te menge etew ini ne nevurun ne ebpekepevag-et te hinawa ran ne leleha niyu en.”

Nenged-ulaula 13:2

Gewii ran te ebpengarap te Kerenan wey edlimpas te egkaan su ebpengeningeni ran, ne ruen impesabut kandan dut te Kedesenan ne Ebpetuntul te Menusiyà. Ke sikandin te, “Idtail niyu kediey si Bernabe wey si Saulo su apey ran egelevek dut te ebpeveelan ku.”

Nenged-ulaula 13:4

Geina te impeipanew si Bernabe wey si Saulo rut te Kedesenan ne Ebpetuntul te Menusiyà, ne mibpendiyà dan te inged ne Selusiya diyà te beyvey te rahat te mid-untud te kapal te ebpependiyà te punul ne Sipri.

Nenged-ulaula 15:12

Nerineg dà ini rut te menge etew ne nevurun ketà ne mibpeeneng-eneng dan. Ne mibpemineg dan ki Bernabe wey si Pablo te ebpenudtul mekeatag dut te ed-ul-ulaan dan ne mekegeyip wey ned-ulaula ne mekeinuinu dut ke migelevek dan diyà te menge etew ne kenà Hudiyanen impepevayà dut te gehem te Eleteala ne imbehey rin kandan.

Nenged-ulaula 15:2

Ne mibpekid-apul te mevaher en si Pablo ki Bernabe kandan, ne mibpekidlewanà dan mekeatag dut te impenurù ketà te menge etew. Tembù be ke menge mibperetiyaya ketà se midsuhù ki Pablo wey si Bernabe wey duma ne mibperetiyaya te ebpendiyà te inged ne Hirusalim su ebpekibalak dut te menge kedserihan wey ke menge pekilukesen mekeatag te ini ne penurù.

Nenged-ulaula 15:37

Ne kiyug ni Bernabe ne edumaan dan si Juan ne ed-ingaranan ded maa ki Marcos,

Nenged-ulaula 15:39

Ne nekedlewanà dan ne ketà ne mibpesuwayey ran. Ne si Bernabe, miduma rin si Juan ne ed-ingaranan ded maa ki Marcos ne mid-untud dan te kapal se ebpendiyà te inged ne Sipri.

Nenged-ulaula 21:16

Ne ruen menge mibperetiyaya ketà te inged ne Sisariya se miduma kenami te ebpendiyà te Hirusalim su in-ated key ran diyà te baley ni Menasun ne egkeubpaan dey. Senge etew sikandin ne riyà ebpuun te inged ne Sipriyu ne seveka sikandin dut te nengeuna ne mibperetiyaya ki Hisus.

Nenged-ulaula 21:3

Ne midsehid dey ke punul ne Sipriyu, ugaid ne mibpevayà key kayi te egkehivang ne midlaus key riyà te inged ne Tiru lusud te Siriya. Nekerunggù key ketà su ibpenrenà dan ke ruran te kapal ne mibpemenaug key.

Nenged-ulaula 27:4

Ketà ne midlevundus key en ne geina te ebpekesurang key dut te mevandes ne keramag ne kayi key mibpevayà te divaluy dut te punul ne Sipri su egkeelangan ke keramag.

Nenged-ulaula 9:27

Ugaid ne midtevangan si Saulo ni Bernabe su miduma rin te ebpendiyà te menge kedserihan, ne impenudtul din kandan te mibpekitakita si Hisus ke Kerenan ki Saulo te riyà dan te ralan gewii te ebpendiyà sikandin te inged ne Demasku ne mibpekidlalag ke Kerenan kandin. Ne impenudtul din elin te mevag-et ke kebpesabut ni Saulo dut te menge etew riyà te Demasku mekeatag te Meupiya ne Tudtul ibpepevayà dut te ngaran ni Hisus.

1 Kurintu 14:3

Ugaid ne ke etew ne ebpenurù dut te impesabut kandin te Eleteala ne iyan din edlelahen ke menge ruma rin ne egketevangan dan kayi te edlelahen din wey kebpekeiseg te kebperetiyaya ran ki Hisus wey ebmevaher ke hinawa ran te kedtigker dut te langun ne kemerehenan dan.

1 Kurintu 9:6

Menu, sikami rà ki Bernabe se kenà edtugenuren te kegkeuyag dey rut te menge etew ne pemenduen dey?

Gelasiya 2:1

Guna su nekedsepulù en wey epat na rahun ne midlived a riyà te Hirusalim. Mibperumeey key ki Bernabe ne miduma ku red dema si Tito.

Gelasiya 2:13

Tembù be ruen ruma ne Hudiyanen ne mibperetiyaya en riyà te Antiyuka ne miduma te ulaula ni Pedro su neandek dan. Misan si Bernabe ne elin neandek ne mid-engked se ebpekidtuhen te egkaan dut te menge mibperetiyaya en ne kenà Hudiyanen.

Gelasiya 2:9

Si Santiago, si Pedro wey si Juan, arà se menge unuten riyà te Hirusalim, ne netuenan dan ne ini se helevek ku ne insarig te Eleteala kedì. Ne neumpung key langun te siaken ki Bernabe ne riyà ibpepesabut ke Meupiya ne Tudtul te menge etew ne kenà Hudiyanen, ne sikandan se ebpepesabut dut te Meupiya ne Tudtul diyà te menge Hudiyanen. Ketà be ne mibpekemkemustaey key ne tuus te telteleduma key te edtuman te kiyug te Eleteala.

Kulasi 4:10

Si Aristarkus ini se ruma ku kayi te bilengguan ne ebpenginginsà ke memenu red se egketemanan niyu keniyan. Wey elin dema si Marcos ini, ke suled ni Bernabe. (Embiya ebpekeuma sikandin keniyan te keniyu ne gelhelawa niyu sikandin su arà ke ingkahi ku keniyu.)