Nenged-ulaula 3:26 - Ke meupiya ne tudtul mekeatag ki Hisu Kristu

²⁶ Tembù be,” ke si Pedro, “mibpemilì te Eleteala si Hisus ne sugsuhuen din ne impeuna rin impepengkayi te kenitew ne menge Hudiyanen su apey ki ebpeneuva te Eleteala su ibpeengked ki rin dut te meraat ne ed-ul-ulaan tew.”

Nenged-ulaula 3:26 ပူးပေါင်းရင်းမြစ်များ

Mateo 1:21

Ne ed-anak sikandin te meama ne iyan nu id-ingaran ne si Hisus su sikandin ke ebpelihaun te menge etew rin dut te menge salà dan,” ke se suluhuen.

Mateo 15:24

Ne migkahi si Hisus te, “Midsuhù a te Eleteala te iyan dà ebpetevangan ke menge kevuwaran ni Israyil ne iring te menge bilibili ne nengelaag.”

Lucas 24:47

Ne kayi te kebpatey rin wey kayi te kebanew te Eleteala kandin,” ke se impesurat ne Lalag te Eleteala, “ne kayi ve imbe ne ruen kebpesahad te Eleteala te keberedusaan dut te menge etew ne ebpedsendit ne ed-engkenà te meraat ne ulaula ran. Ini se ieneb niyu te ebpesabut diyà te langun ne menge inged kayi te ampew te dunya. Kayi niyu irudsù te Hirusalim.

Juan 4:22

Su sikiyu ne menge etew te Semeriya ne matag kew en edsimba ne warà niyu metueni ke engkey se edsimbaan niyu. Ugaid ne sikami se menge Hudiyanen, ne netuenan dey mulà ke edsimbaan dey su kayi ebpuun te kenami ne menge Hudiyanen ne ruen ebpekehemew ne ebpeliyu te menusiyà.

Nenged-ulaula 1:8

Ugaid ne embiya ebpekeuma en kayi te keniyu ke kedlumun dut te Kedesenan ne Ebpetuntul te Menusiyà,” ke si Hisus, “ne ebpeketelimà kew en te gehem ne sikiyu en ke ebpesabut mekeatag kediey kayi te inged ne Hirusalim, ne ieneb niyu en ini kayi te lusud te pruvinsiya te Hudiya, wey riyà dema te pruvinsiya te Semeriya, wey taman en diyà te epat ne pediyulu kayi te kelibutan.”

Nenged-ulaula 13:26

“Na menge ruma ku ne menge kevuwaran ni Israyil,” ke si Pablo, “wey ke menge etew ne kenà Hudiyanen ne nevurun kayi su ebpengarap te Eleteala, sikita ke mibpeewitan te Eleteala dut te menge lalag din su apey kiyu ebpekeliyu rut te keberedusaan mekeatag dut te salà tew.

Nenged-ulaula 2:24

Ugaid ne impeliyu te Eleteala si Hisus dut te inged ne Iveyaan su mibanew rin, su kenà egkepakey ne egkeveyveyaan si Hisus te kemetayen.

Nenged-ulaula 2:32

Ne ini se nekahi ni David ne iyan iya si Hisus,” ke si Pedro, “ne mibanew te Eleteala, ne langun dey ne neketitihus ne benar ini su nekita kayi te mata rey.

Nenged-ulaula 26:20

Ke neuna ne pinesabut ku ne ke menge etew diyà te inged ne Demasku, ne arà pà ke diyà te inged ne Hirusalim, dutun ne mibpesabut a riyà te langun ne menge inged ne lusud te Hudiya wey abpeg ke menge etew ne kenà Hudiyanen. Mibpesabut ku sikandan te iyan iya se engkeri ran ke meraat ne ed-ul-ulaan dan wey ibehey ran ke hinawa ran diyà te Eleteala. Ne impesabut ku kandan te kayi te ini se ed-ul-ulaan dan ne egkekita embiya benar etawa kenà arà se kebperetiyaya ran.

Nenged-ulaula 3:13

Ugaid ne ke Eleteala ne iyan ed-erapen dut te menge keep-epuan tew ne si Abraham, si Isaac wey si Jacob,” ke si Pedro, “ne impepurù din ke sugsuhuen din ne si Hisus su mibatun din. Ugaid te kayi pà sikandin te ampew te dunya, ne impalad niyu sikandin diyà te menge egkeunuten niyu diyà te gubirnu niyu su ebpeimetayan. Ini se mid-ulaula niyu misan ibpeliyu perem sikandin ni Pilatu ke gubinedur, ugaid ne warà kew medtuhut su mid-engkenà kew kandin diyà te etuvangan ni Pilatu.

Nenged-ulaula 3:15

Ne mibpeimetayan niyu sikandin, ke ebpuunan te umur ne warà edtemanan din; ugaid ne mibanew te Eleteala sikandin. Ne ebpeketitihus key ketà te nevanew en sikandin su nekita rey.

Nenged-ulaula 3:20

ne egkeuma ke hewii ne ebeg-eten ke hinawa niyu te Eleteala ne ibpepengkayi rin te ampew te dunya si Hisus, ini ke midtendù din neraan ne Impasad din ne Ebperetuen keniyu.

Nenged-ulaula 3:22

Su iyan migkahi ni Moises dengan dut te keep-epuan tew ne menge Hudiyanen ne, ‘Ruen edsuhuen dut te Eleteala ne Kerenan tew ne ibpepengkayi rin te keniyu ne ebpelambas te Lalag din iring dut te siaken, ne senge etew sikandin dut te ruma niyu ne Hudiyanen. Iyan iya se tumana niyu ke langun ne egkehiyen din keniyu.

Nenged-ulaula 3:25

Ne ini ke impasad te Eleteala rengan ne impepevayà din dut te menge etew ne ebpelambas te lalag din ne ini ne pasad din keniyu, su sikiyu ne nekeuman dut te impasad te Eleteala rut te menge keep-epuan niyu. Su ruen impasad te Eleteala dut te keep-epuan tew ne si Abraham se egkahi te, ‘Kayi ibpepevayà te kevuwaran niyu ne ebpeneuven ku ke langun ne menusiyà kayi te ampew te dunya.’

Ruma 1:16

Ne kenà ku en iya igkeyeyai te ebpemenudtul arà, su netuenan ku te misan engkey en ne etew ne ebperetiyaya, egenat te Hudiyanen abpeg ke kenà Hudiyanen, ne ruen gehem te Eleteala te ebpekepeliyu sikandin te kedusa te salà din.

Ruma 15:29

Ne netuenan ku te embiya ebpekeuma ad keniyan te keniyu, ne dekelà se kedtavang kenitew ni Hisu Kristu su apey ebmevag-et ke kedsarig tew.

Ruma 15:8

Benar ini se egkehiyen ku te si Hisu Kristu ne nevaluy ne sugsuhuen te menge Hudiyanen su apey rin ibpekita kandan te kenà ebperis ke pasad te Eleteala. Su ke kinesuhua te Eleteala ki Hisus, ne sikandin ini ke intuman dut te pasad te Eleteala te keep-epuan dan dengan.

Ipisu 1:3

Edeyuen tew ve ke Eleteala ne Amey ni Hisu Kristu ke Kerenan tew. Su egenat dut te mibpekidseveka kiyu ki Hisu Kristu, ne rekelà se tavang te Eleteala keytew su mibehayan kiyu rin te langun ne keupianan ne riyà dà egenat te kandin ne riyà te langit.

1 Pedro 1:3

Ne edeyuen tew ke Eleteala ke Amey rut te Kerenan tew ne si Hisu Kristu. Dekelà se kegkeyru rin keyta su egenat te kebanew rin ki Hisu Kristu ne mibehayan kiyu rin te behu ne umur ne nevaluy ki ne menge anak din. Tembù be ruen ebpenerengen tew ne egkevanew ki red te Eleteala ne ebehayan te umur ne warà edtemanan din diyà te ubpaan din.

1 Pedro 3:9

Embiya ruen etew ne ed-ulaula te meraat kayi te keyta etawa ed-undaunda keyta, ne kenà ki edsulì ugaid ne iyan ta ed-ul-ulaan diyà te kandan ne meupiya. Su ini se kiyug te Eleteala keyta ketà te kebpekeperetiyaya ta su apey kiyu rin metevangi te meupiya.

Hudas 1:24

Ne arà be ne edeyrey kiyu te Eleteala su sikandin dà se ebpekegaga ne edtavang kenitew apey kenà ki mekesuwey riyà te kandin. Ne sikandin dà se ebpekegaga ne ebpeliyu kenitew su apey warà meraat ne egkekita rin kayi te kenitew ketà te hewii ne ed-itindeg ki diyà te etuvangan te raman din ne ed-andlag te kesihey rin ne dekelà imbe ne kehelawan tew.