Nenged-ulaula 28:4 - Ke meupiya ne tudtul mekeatag ki Hisu Kristu

⁴ Guna su nekita rut te menge etew ne ed-ubpà ketà arà se uled ne mibitinbitin diyà te belad ni Pablo ne mibpelelahey ran se egkahi te, “Terevunù bes buwa ini, su misan nekehaun sikandin dut te rahat ne kayi red se Bagì din se ebpatey.”

Nenged-ulaula 28:4 ပူးပေါင်းရင်းမြစ်များ

Mateo 23:35

Tembù be edusaan kew te Eleteala atag dut te kineimatey te langun ne menge etew ne kenà egkevenaran igenat dut te kineimatey ki Abel taman en dut te kineimatey ki Zacarias ke anak ni Berekiyas ne mid-imetayan te keep-epuan niyu diyà te elet te edenaan te ibpelengesa te Eleteala wey ke mibpeheletan diyà te Nekebpuru ne Valey te Eleteala.

Mateo 27:25

Ne migkahi ke langun ne menge etew te, “Dusai key en abpeg ke menge kevuwaran dey ke egkevudsi ke lengesa rin!”

Lucas 13:2

Ne migkahi si Hisus kandan te, “Geina te mibpeimetayan ini se menge etew te iring ketà, ne maa iyan niyu kunaan ke muna pà se keselaan dan dut te ruma ne menge etew te Geliliya?

Lucas 13:4

Ne menu arà se sepulù wey walu ne menge etew riyà te Siluwi,” ke si Hisus, “ne mibpematey ne nepilayan te metmetikang ne valey, maa iyan niyu kunaan ke muna pà se keselaan dan dut te ruma ne menge etew te Hirusalim?

Juan 7:24

Kenà kew ed-isuhat te kukuman te kayi rà te egkekita niyu, ugaid ne ed-isuhat kew te kukuman te ibpeunsad dut te benar.”

Nenged-ulaula 28:2

Ne ke menge etew ketà ne midtelimà dan kenami te meupiya ne midtetavun dan su ed-uran ne meadsil.

Nenged-ulaula 28:3

Mibpengayu si Pablo te menge rasang ne guna su intavun din diyà te apuy ne ruen mevisa ne uled ne neinitan dut te apuy ne migemew ne mibedbed kayi te belad ni Pablo ne migkahat.

Nenged-ulaula 28:5

Ugaid ne impirik ni Pablo ke uled diyà te apuy ne warà mekeiri sikandin.

Imperayag 21:8

Ugaid ne ke langun ne negaga rut te penggeram te datù te pekaid ne iring dut te menge etew ne kenà edtikà ne eduma kediey, ne ke menge etew ne ed-engkenà te kebperetiyaya ran kediey, ne ke menge ebpengingniyug wey ke menge mekeyeyà se ulaula rin ne id-antug diyà te apuy nerakà. Ne iring din ded dema ke menge terevunù, ke duen menge ketuenan din, ke menge ebpengarap te ledawan ne kenà tidtu ne Eleteala wey langun ne menge teruen ne iyan dan egketemanan ne id-antug diyà te apuy nerakà ke egkeregreg ne sendawà ne ke ed-ingaranan te ikeruwa ne kemetayen.”