Nenged-ulaula 26:7 - Ke meupiya ne tudtul mekeatag ki Hisu Kristu

⁷ Ne ini se impasad kandan ne iyan ebpenerengen dut te sepulù wey deruwa ne bansa te sikami ne menge Hudiyanen, tembù merukilem meandew ne ebpengarap dan te Eleteala. Ugaid ne sabap dut te ini se ebpenerengen ku, ke keupiya nu ne Ratù Egeripa, ne mibaluy te menge ruma ku ne Hudiyanen ne in-isuhat dan kediey.

Nenged-ulaula 26:7 ပူးပေါင်းရင်းမြစ်များ

Mateo 19:28

Ne migkahi si Hisus kandan te, “Sebenarvenar ne ini se egkehiyen ku keniyu te embiya egkeuma ke hewii te egkevehu en ini se kelibutan, ne Sikandin ke Impeanak te Menusiyà ne ebpinuu en diyà te ebpinuuwan te punggus ne datù se Edatù te langun. Ne sikiyu ke sepulù wey deruwa ne edumdumaan ku ne ebpepinuuwan ku sikiyu se egkamal dut te sepulù wey deruwa ne bansa te inenakan ni Israyil.

Lucas 2:25

Duen senge etew ne meama ne ed-ubpà ketà te Hirusalim ne ed-ingaranan ki Simeon. Metidtu se ulaula rin wey in-amin din ke hinawa rin te egelevek te Eleteala. Ne ebpemematì sikandin ke keenu ibpeliyu te Eleteala ke menge etew rin ne menge kevuwaran ni Israyil. Ne ke Kedesenan ne Ebpetuntul ne Menusiyà ne midlumun en ki Simeon.

Lucas 22:30

Keuremà te Kedatù ku ne ketà kew ebpinuu te uvey ku su edseveka kiyu egkaan wey ed-inum. Ne ebpepinuuwan ku sikiyu se edatù dut te sepulù wey deruwa ne bansa ne inenakan ni Israyil.”

Nenged-ulaula 20:31

Tembù be uram kew ne kenà niyu lipati te lusud te tetelu ne rahun ne merukilem meandew ne mibpenurù a keniyu wey midtihis se luwà ku mekeatag keniyu.

Nenged-ulaula 24:15

Su langun dey abpeg kayi se mid-isuhat kediey, ne iyan dey ebpenerengen ke migkahi te Eleteala ne kebanew rin te langun ne menge minatey meupiya se meraat se ulaula ran.

Nenged-ulaula 26:2

“Datù Egeripa, ingkehalew ku nevenar te ini kew en su apey nu egkerineg ke ked-itindeg ku te kewagib dut te langun ne in-isuhat te menge Hudiyanen kediey.

Nenged-ulaula 26:3

Su sikuna ne ruen nesebutan nu mekeatag te betasan dey te menge Hudiyanen wey ebiraan dut te tuluuwen dey. Tembù be kelimua ne tigker ka te ebpemineg kayi te egkehiyen ku.

Nenged-ulaula 28:20

Tembù be midtawag a keniyu su ebpekibitiyara a keniyu. Ne ini se ingkevakù ku te sengkalì ne mekeatag dut te kebperetiyaya ku te sikandin se ebpenerengen dut te sikami ne menge Hudiyanen.

Pilipus 3:11

su egkepenareng ku te embiya ebpatey a ne ebenawen e red te Eleteala su apey a ebpekeubpà diyà te kandin.

1 Tiselunika 3:10

Ne merukilem meandew ne layun key ebpengeningeni te ebpemekebalak kiyu, su apey rey ed-umani embiya ruen kurang dut te kebperetiyaya niyu.

1 Timoteo 5:5

Ne ini se valu ne meritan ne sebseveka rin su warè en edtuganur kandin, ne Eleteala rà se egkedserihan din ne merukilem meandew ne layun ebpengeningeni sikandin diyà te Eleteala su ebpemuyù te tavang.

Santiago 1:1

Siaken ini se edsurat ne si Santiago. Sugsuhuen a te Eleteala wey ke Kerenan tew ne si Hisu Kristu. Edsuratan ku sikiyu, ke langun ne menge Hudiyanen ne mibperetiyaya ki Hisu Kristu ne nekesivurak kayi te ampew te dunya ne ebpenginginsà a keniyu.