Nenged-ulaula 26:22 - Ke meupiya ne tudtul mekeatag ki Hisu Kristu

²² Ugaid ne egenat dut te hewii te kebpesabut ku mekeatag ki Hisus taman guntaani ne ke Eleteala se midtavang kedì. Ne sikandin ded se ibpesabut ku keniyu te menge mepuru mevavà ne menge etew ne nevurun kayi. Ne ini se ibpesabut ku ne iyan ded impekahi ki Moises wey ke ruma ne menge etew ne ebpelambas te Lalag te Eleteala rengan ne egked-ulaula.

Nenged-ulaula 26:22 ပူးပေါင်းရင်းမြစ်များ

Mateo 26:24

Su egkeimetayan ke Impeanak te Menusiyà iring dut te nekahi te impesurat ne Lalag te Eleteala rengan, ugaid ne meraat nevenar se egketemanan din ini se etew ne ed-ulug kandin. Iyan pà tumù ne warà ianak sikandin.”

Lucas 16:28

su ruen lelima ne ari ku ne elin meama. Ibpevaag nu sikandan apey kenà dan ebpekepengkayi te ini se ubpaan ne keresayan.’

Lucas 24:27

Ketà ne midseysey en ni Hisus kandan ke meana rut te langun ne impesurat te mibpelambas te Lalag te Eleteala rengan mekeatag kandin. Kayi rin imperudsù te impesurat ki Moises taman en dut te mewri ne mibpelambas te Lalag te Eleteala.

Lucas 24:44

Ne migkahi si Hisus kandan te, “Pehaney te kayi e pà te keniyu ne ini iya ke migkahi ku keniyu: Langun te impesurat mekeatag kediey ketà te penduan ni Moises wey ke impesurat te menge mibpelambas te Lalag te Eleteala wey arà se insurat ketà te riberù ne ed-ingaranan te Salmu ne langun din ne metuman iya kayi te kedì. Na guntaani ne netuman en arà kayi te netemanan ku.”

Lucas 24:46

Ne migkahi en kandan te, “Ini se impesurat dut te mibpelambas te Lalag te Eleteala rengan ne: Ebpekepevayà pà te kegkerasey arà se Impasad te Eleteala ne Ebperetuen ne ed-ingaranan te Mesiyas, ugaid ne ketà te iketelu ne hewii ne ebenawen ded.

Juan 1:17

Su si Moises ke nekepeneheewit te penduan te Eleteala kayi te langun tew ne menge menusiyà, ugaid ne si Hisu Kristu ke mibpepayag ne limù te Eleteala wey ke benar mekeatag te Eleteala.

Juan 1:45

Ketà ne mibeyaan ni Felipe si Natanael ne migkehiyan din en te, “Nekita rey en ke etew ne ingkesurat ni Moises diyà te riberù te menge penduan te Eleteala, wey ingkesurat ded dema dut te menge etew ne mibpelembas te Lalag te Eleteala rengan. Si Hisus ke ngaran din, ke anak ni Husi ne riyà ebpuun te Neserit.”

Juan 5:39

Mibpengedian niyu ke lalag te Eleteala ne impesurat dengan su iyan niyu kunaan ke ketà kew ebpekehaked te umur ne warà edtemanan din. Ne langun ne impesurat ketà ne edlalag mekeatag kedì.

Juan 5:46

Embiya benar ne mibperetiyaya kew rut te impesurat ki Moises dengan, ne ebperetiyaya kew kedì dema su ke impesurat kandin ne mekeatag kedì.

Nenged-ulaula 10:43

Su ke langun dut te ebpelambas te Lalag te Eleteala rengan,” ke si Pedro, “ne midlalag mekeatag kandin su nekahi ran te piya engkey ne etew se ebperetiyaya kandin ne egkepesehad ke menge salà din su arà te atag te kinepatey ni Hisu Kristu mekeatag dut te menge salà tew.”

Nenged-ulaula 13:29

Guna su neipus arà se nenged-ulaula te kegketuman dut te ingkesurat neraan te menge ebpelambas te Lalag te Eleteala rengan ne ibped-ulaula ki Hisus, ne in-awà dut te menge mibperetiyaya ke bangkey ni Hisus ketà te pinebelavag ne kayu ne inleveng dan.

Nenged-ulaula 24:14

Ugaid ne kenà ku igkesanggel te egkahi keniyu ne ed-erapen ku ke Eleteala ne mibpengerap dut te menge keep-epuan dey. Ne iyan dalan te kebpengarap ku ne edtuntul a te pengitavan te penurù ni Hisus, ugaid ne egkehiyen dan te kenà benar ne kebpengarap. Ne edtuntul a rema dut te langun ne penduan ni Moises wey ke impesurat dut te menge ebpelambas te Lalag te Eleteala rengan.

Nenged-ulaula 26:17

Ne ibpependiyà ku sikew te menge Hudiyanen wey kenà menge Hudiyanen, ugaid ne ebentayan ku sikew dut te kebpekesakit dan keykew.

Nenged-ulaula 26:6

Ne guntaani,” ke si Pablo, “ne ini ad te etuvangan niyu su mid-isuhat a niyu sabap dut te ebperetiyaya a te egketuman keuremà arà se impasad te Eleteala dengan te menge keep-epuan dey.

Nenged-ulaula 28:23

Ketà ne mibpasad dan te hewii te eburun dan diyà te ki Pablo. Guna su neumaen ke hewii, ne merakel se nevurun dutun te ed-ubpaan ni Pablo. Ne igenat te meselem taman te merukilem ne impenurù ni Pablo wey impesabut din kandan mekeatag dut te Edetuan te Eleteala te menge etew. Su kiyug din perem ne ebpekeperetiyaya ran te si Hisus ke edtuman dut te impesurat ni Moises mekeatag te Penduan wey arà se impesurat dut te menge ebpelambas te Lalag te Eleteala rengan.

Ruma 3:21

Ugaid ne guntaani ne impayag en te Eleteala te kegkesebuti tew te ralan te kebmetidtu tew riyà te etuvangan din. Ne ini ne kenà kayi ebpuun dut te kedumai tew te penduan ni Moises, misan duen nekahi te Eleteala mekeatag te ini riyà te penduan wey riyà te impesurat din dut te menge etew ne ebpelembas te Lalag din.

1 Kurintu 15:3

Ne ini ke impesabut kediey ne impenurù ku rema keniyu su iyan ibpeuna ne penurù ini dut te langun. Mibpeimatey si Hisu Kristu su apey ki igkepeliyu nikandin dut te salà tew iring dut te impesurat te Eleteala ne Lalag din dengan.

1 Kurintu 15:4

Ne impesabut ku rema keniyu te inleveng si Hisus ne ketà te iketelu ne hewii ne mibanew te Eleteala sikandin, su ini ne impesabut ded ne Lalag te Eleteala ne impesurat din dengan.

2 Timoteo 3:11

Ne netuenan nu rema ke nerasey a te kinepekesekiti kedì diyà te menge inged ne Antiyuka, Ikuniyum wey Listra. Ugaid ne ke Kerenan tew se mibpeliyu kedì dut te langun.

Imperayag 11:18

Misan neepes nevenar ke menge kunterà nu ne nekeuma en ke hewii te kedusa nu kandan, wey ke hewii te kedtimbang nu rut te ulaula te menge etew ne minatey en. Ne nekeuma en rema ke hewii te kedlalew nu rut te langun ne menge sugsuhuen nu ne mibpelambas te lalag nu, ne langun ne menge sakup nu wey langun ne ed-adat keykew, misan mepurù mevavà. Uya nekeuma en ke hewii ne edereetan nu ke langun ne mibaal te kederaat kayi te dunya.”

Imperayag 15:3

Ne egkanta ran te bayuk ni Moises ini se miduma te Eleteala rengan, wey ke bayuk dut te Nati te Bilibili, ke sikandan te, “Is Eleteala ne Kerenan dey ne rekelà se kebayàbayà nu. Langun ne ed-ul-ulaan nu ne rekdekelà wey mekegeyip. Sikuna se edatù dut te langun ne menge inged, ne metidtu wey nekesuhat ke langun ne ed-ul-ulaan nu.

Imperayag 20:12

Ne nekita ku ke langun ne menge minatey ne nevanew en ne mepurù mevavà ne ed-itindeg diyà te etuvangan te ebpinuuwan dut te edatù. Ruen menge riberù ne miberat wey arà se riberù ne ruen insurat ne menge ngaran dut te menge etew ne mibehayan te umur ne warà edtemanan din ne miberat dema. Ketà ne midrenaan din te kukuman ke langun ne menge etew su atag dut te insurat kayi te menge riberù mekeatag te mid-ulaula ran te biviyag dan pà su langun ketà ne insurat diyà te menge riberù.