Nenged-ulaula 26:1 - Ke meupiya ne tudtul mekeatag ki Hisu Kristu

¹ Ne migkahi si Egeripa riyà te ki Pablo te, “Egkepakey en ne ibpesabut nu kenami ke engkey se idtindeg nu ne kewagib te in-isuhat dan keykew.” Ne migkayew si Pablo te belad din su edlalag en ne midrudsuan din te ed-lalag ne ed-itindeg te kewagib din se egkahi te,

Nenged-ulaula 26:1 ပူးပေါင်းရင်းမြစ်များ

Juan 7:51

“Kayi te penduan tew ne kenà egkepakey ne ebpedselaan ke etew ke kenà ibpepinuu pà te kukuman su ebpenginsaan pà sikandin.”

Nenged-ulaula 22:1

“Menge suled wey menge lukes,” ke si Pablo, “pemineha niyu ini se ibpesabut ku keniyu ne kewagib ne idtindeg ku.”

Nenged-ulaula 25:16

Ne migkahi ku kandan te sikami ne menge Rumanu ne kenà egkepakey ne ibpalad dey arà se etew ne mid-isuhat ke embiya warà pà mekeetuvang sikandin dut te mid-isuhat kandin ne idtindeg te kewagib din kandan.

Nenged-ulaula 25:27

Su kayi te kedì,” ke si Pistu, “ne kenà dait ne ebpeewit te bilanggù diyà te datù embiya kenà egketuenan ke engkey se salà din.”

Nenged-ulaula 26:2

“Datù Egeripa, ingkehalew ku nevenar te ini kew en su apey nu egkerineg ke ked-itindeg ku te kewagib dut te langun ne in-isuhat te menge Hudiyanen kediey.

Nenged-ulaula 9:15

“Ipanew ka,” ke se Kerenan, “su mibpemilì ku en sikandin ne egelevek kediey. Su sikandin se ebpemenudtul mekeatag kediey riyà te menge etew ne kenà Hudiyanen wey ke menge datù dan abpeg dut ne menge Hudiyanen.

Ruma 10:21

Ugaid ne ruen lalag te Eleteala ne impenudtul rengan ni Isayas mekeatag te menge Hudiyanen ne egkahi te, “Utew meresen se ulu ran wey utew ran menge suer, su misan egkelayun en se kedtawag ku kandan te ebpetelimà te limù ku ne kenà dan ebpemineg.”